Се огласи ММФ: Повисоките царини на Трамп не се решение - Канал 5

Свет

Се огласи ММФ: Повисоките царини на Трамп не се решение

Глобалните трговски нерамнотежи се зголемија во текот на изминатата година, но зголемувањето на царините не е решение, изјави Меѓународниот монетарен фонд (ММФ) во својот Извештај за надворешниот сектор објавен денеска.

Се огласи ММФ: Повисоките царини на Трамп не се решение

Според Фондот, глобалните трговски нерамнотежи не се нужно проблем сами по себе, но можат да претставуваат ризик ако надминат одреден праг.

Глобалните нерамнотежи се дополнително влошени од зголемените суфицити и дефицити во трите најголеми економии во светот - САД, Кина и еврозоната.

Трговскиот дефицит на САД се зголеми за 228 милијарди долари на 1,13 трилиони долари (еден процент од глобалниот БДП), додека суфицитот на Кина скокна на 424 милијарди долари, а на еврозоната на 461 милијарда долари.

ММФ посебно ги истакна ризиците што ги претставуваат царинските политики на Трамп во извештајот, предупредувајќи дека понатамошната ескалација на трговската војна „може да има сериозни макроекономски ефекти“ - од забавување на глобалната побарувачка до зголемување на инфлацијата преку зголемување на увозните цени.

Главниот економист на ММФ, Пјер-Оливие Гуринчас, во придружен блог истакна дека причините за нерамнотежите се претежно внатрешни - како што се прекумерните јавни трошоци во земјите со дефицит.

Наместо во царини, тој го гледа решението во реформи што ја стимулираат потрошувачката во Кина, додека предлага поголеми инвестиции во инфраструктура за земјите од еврозоната и фискална дисциплина за Соединетите Американски Држави.

ММФ, исто така, предупредува на потенцијални нарушувања во меѓународниот монетарен систем, особено поради сè поизразените геополитички тензии.

Зголемувањето на употребата на кинескиот јуан во меѓународната трговија, слабеењето на побарувачката за американски обврзници и развојот на алтернативни системи за плаќање би можеле да ја ослабат улогата на доларот како светска валута на долг рок.

- Главниот ризик за светската економија е тоа што земјите ќе одговорат на растечките нерамнотежи со нови трговски бариери, што ќе ја продлабочи геоекономската фрагментација - заклучува извештајот на веб-страницата на организацијата со седиште во Вашингтон.

Тагови: Доналд Трамп ММФ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денеска променливо облачно со дожд претпладне и сончево попладне

Времето денеска ќе биде претпладне променливо облачно, а потоа сончево со мала облачност, информираат од УХМР.

Денеска променливо облачно со дожд претпладне и сончево попладне

МИНИМАЛНА ТЕМПЕРАТУРА (во 0С)

3 Попова Шапка, 5 Лазарополе, 6 Маврови Анови, Битола, Крушево, 7 Крива Паланка, 8 Берово, Претор, 9 Охрид, Виница, Прилеп, 10 Куманово, Тетово, Штип, Струмица, 11 Скопје-Зајчев Рид, 12 Велес, Кавадарци, Демир Капија, Скопје-Петровец, 14 Гевгелија.

КОЛИЧИНА НА ВРНЕЖИ за изминатите 24 часа до 08 часот во (l/m2)

21 Крива Паланка, 9 Виница, 8 Берово, 4 Куманово, 1 Штип, Лазарополе.

ВРЕМЕТО ДЕНЕСКА

Променливо облачно, во утринските часови ќе има повремен локален дожд, а во текот на денот ќе биде сончево со мала локална облачност. Ќе дува слаб до умерен, а наместа долж Повардарието повремено засилен ветер од северозападен правец. Максималната температура ќе биде во интервал од 19 до 24 степени.

Во Скопје, претпладне променливо облачно, а потоа сончево со мала облачност. Ќе дува слаб до умерен ветер од променлив правец. Максималната температура ќе достигне до 20 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев: 23 Октомври е ден што нѐ потсетува на идејата за слободна Македонија

23 Октомври е ден што нѐ потсетува на идејата за слободна Македонија, на храброста на оние што се бореа за неа и на одговорноста што ја носиме денес кон идните генерации.

Минчев: 23 Октомври е ден што нѐ потсетува на идејата за слободна Македонија

Идеалите на македонските револуционери се трајна обврска да ја чуваме слободата, да го градиме единството и да создаваме општество во кое правдата, достоинството и еднаквите можности се темел на заедничката иднина.

Нека нивната борба биде поттик да продолжиме со верба, одлучност и посветеност кон силна, просперитетна и демократска држава, во која секој граѓанин ќе може да ја препознае својата иднина.

Честит 23 Октомври – Денот на македонската револуционерна борба!

Срдечно,

Горан Минчев

Министер за јавна администрација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: 23 октомври не потсетува дека Македонија е наследство од предците, одговорност на сегашноста и аманет за идните поколенија

На 23 октомври 1893 година, во тешки и неизвесни времиња, се роди Македонската револуционерна организација, која низ годините дејствувала под различни имиња, но со еден единствен код – ВМРО. 

ВМРО-ДПМНЕ: 23 октомври не потсетува дека Македонија е наследство од предците, одговорност на сегашноста и аманет за идните поколенија

Таа е сопатник и главен организатор на македонската револуционерна борба, обединувајќи ги стремежите на македонскиот народ за слобода, автономија и национално достоинство. Преку својата дејност, Организацијата е длабок белег во македонската историја и симбол на непокорот, пожртвуваноста и вековниот стремеж за сопствена држава.

Македонските револуционери ги поставија темелите на борбата за слобода, национално достоинство и право македонскиот народ сам да ја гради својата иднина, слободно да ги чува и негува своите традиции, јазик, култура и национална посебност, достоинствено и рамо до рамо со европските народи.

Овој ден е сведоштво за непокорот на еден народ, за силата на една идеја и за вековниот стремеж на Македонците да живеат слободни, свои на своето, во сопствена држава.

Денес, со гордост и почит, се сеќаваме на македонските револуционери, на нивната храброст, самопрегор и непоколеблива верба во правдата. Нивната жртва не смее да биде заборавена.

Денешната слобода и македонската државност се обврска што ја носиме пред сите генерации што се бореле, страдале и верувале во Македонија. Наше е да ја градиме државата со чесност, знаење, труд и одговорност, да се стремиме кон правда, демократија и просперитет, да создаваме општество во кое младите ќе имаат причина да останат, да учат, да работат и да ја остваруваат својата иднина во сопствената татковина.

Нека 23 Октомври биде потсетник дека единството не значи сите да размислуваме исто, туку да знаеме дека љубовта кон татковината, почитта кон нашата историја и грижата за идните поколенија се вредности што нè обединуваат. Ова е наследството што треба достоинствено да им го предадеме на идните генерации.

Да го чуваме она за што се бореле нашите предци, да го почитуваме она што сме и да ја градиме Македонија каква што ја посакувале генерациите пред нас, слободна, достоинствена, просперитетна.

Нека ни е честит и вековит 23 Октомври – Денот на македонската револуционерна борба!,се наведува во честитката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер