Шоу биз

Се огласи хрватската полиција за апсењето на српската пејачка Гога Секулиќ

Пејачката Гога Секулиќ и пејачот Александар Мисојчиќ, попознат како Ксандер, се приведени синоќа на граничен премин во Хрватска.

Како што потврдија од Сплитско-Далматинската полиција, тие илегално ја преминале границата на преминот каде што е дозволено само со валидна гранична пропусница, објави Телеграф.

- Лицето е сопрено веднаш при влез во Република Хрватска од страна на полициски службеници од граничната полициска станица Вргорац. Од проверка на идентитетот е утврдено дека се работи за 32-годишен државјанин на Република Србија. При понатамошна проверка, констатирано е дека наведеното лице илегално ја преминало границата на премин на кој минување е дозволено само на лица кои поседуваат важечка гранична пропусница, што е јасно означено со истакнати натписи. Поради опишаниот прекршок, сторен спротивно на член 5 од Законот за контрола на државната граница, на 32-годишната ѝ е изречена прекршочна наредба - наведуваат во соопштението од Сплитско-далматинската полиција.

Да потсетиме, Гога Секулиќ и нејзиниот колега Александар Мисојчиќ, попознат како Ксандер, синоќа доживеале непријатност на граничниот премин меѓу Босна и Хрватска.

Пејачката била приведена на граница на 25 декември, додека Ксандер бил накратко уапсен поради недоразбирање.

Гога проговори и ексклузивно откри за Телеграф што всушност се случило синоќа на границата:

- Точно е, имавме проблем на граница. Поточно дошло до недоразбирање. Навигацијата нѐ доведе до граничен премин кој не работи, тоа не го знаевме. Рампата беше спуштена, видовме полициска кола. Во меѓувреме ни се јавија сопственикот и менаџерот да прашаат кога пристигнуваме на проба на звукот, бидејќи целиот клуб е распродаден, бидејќи денес им е празник. Инаку читам секакви работи по порталите, јас сум една од омилените пејачки во Хрватска, а сега пишуваат дали сме имале работни дозволи откако сме се обиделе да влеземе пешки, сето тоа е невистинито. Вистината е дека дојдовме до граница која не работи и еден колега мавна на полицијата да праша и во тој момент влезе и тие рекоа дека Ксандер е уапсен. Ни рекоа дека ако преминеме и нас ќе нѐ уапсат и дека ќе платиме голема казна. Потоа ми рекоа мене и остатокот од тимот да дојдеме во станицата.

Пејачката рече дека сите имале уредни документи и работни дозволи. Таа откри колку долго останал нејзиниот колега и колку пари требало да плати за казната.

- Тој беше таму неколку часа, а ние останавме додека го проверуваа бидејќи бевме со неговиот автомобил. Шефот пристигнал на станицата да го земе и Ксандер ја платил казната. Отидовме во клубот на проба за звук и буквално почнуваме да пееме за една минута.

Казната што ја платил пејачот, како што изјавила Гога, била околу 500-600 евра, само затоа што ја пречекорил границата. Пејачката изјави дека истото би го поминала доколку направела чекор понатаму како колешка.

- Бидејќи постојано нè прашуваа кога ќе пристигнете, јас реков „Ајде да ја кренеме рампава да поминеме. Среќа што не го направив тоа, мислам дека немаше да излеземе до следната година“ – низ смеа вели таа и потоа додава:

- Беа премногу љубезни, не можам ништо да кажам. Само рекоа: госпоѓице Гого Секулиќ, оди на главниот премин, колегата Ксандер е приведен и те чека во станица. Беа потребни неколку часа.

Како што вели, Гога со уште еден музичар и возач го чекала колегата да излезе од станицата и потоа се упатиле на главниот премин за да стигнат до закажаниот настап.

- Потоа отидовме на главниот премин каде што беа Босанците, тие беа љубезни...а и тимот на хрватската граница беше многу љубезен. Тие рекоа дека им е жал што не можат да дојдат на шоуто бидејќи работеле. Им честитавме Божиќ и чекавме да излезе нашиот колега. За среќа колегата Ксандер е мирно момче, сѐ помина во најдобар ред – истакнува Гога и потоа на шега додава:

- Размислувам, Боже, само нека ме уапсат за да се одморам малку од оваа брзање и стрес.

Пејачката вели дека само ги прашале вработените на граница како да стигнат до тој град и дека нејзиниот колега само направил чекор, поради што лошо си поминал. Гога уште еднаш истакнала дека имаат соодветни работни дозволи и дека ги чекал полн клуб каде едвај чекаат да настапат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 1. октомври 2026 година

Дневен хороскоп за четврток, 1. октомври 2026 година.

Вага 24.9.-23.10.

Љубов

Во текот на денешниот ден вашите лични односи ќе се доведуваат во ред и малку по малку ќе се подобруваат.

Кариера

Алтернативците одлично ќе ги води интуицијата , а креативците едноставно ќе уживаат во својата работа.

Здравје

Здружете се со младите.

Шкорпија 24.10-22.11.

Љубов

Оние во подолга врска успешно ќе го обноват својот сексуален живот. Оние кои сеуште се сами , нека излегуваат зашто ќе им биде убаво.

Кариера

Со која работа и да се занимавате , денеска би можеле успешно да го споите убавото со корисното.

Здравје

Игнорирајте го немирот.

Стрелец 23.11.-21.12.

Љубов

За вас ни денеска нема пречки. Отворени ви се многу љубовни врати , а ваше е да изберете.

Кариера

Количината на мислите во вашата глава ќе биде значителна , но ниту една нема да биде поврзана со работата.

Здравје

Поминете си убаво.

Јарец 22.12.-20.1.

Љубов

Вашата најдрага личност ќе може да се потпре на вас , а со тоа ќе ви се подигне самодовербата.

Кариера

Во моментов ништо не ве загрижува. Ако треба да се работи , во ред , ако треба да се оди во борба за работа , и тоа не ви пречи.

Здравје

Почнете да вежбате.

Водолија 21.1.-19.2.

Љубов

Како што ќе минува денот, ќе имате се поголема потреба дасе повлечете од другите и да се завлечете во четирите ѕида на домот.

Кариера

Некои меѓу вас ќе посакаат одмор . Можно е да посакаат и да добијате неколку слободни денови.

Здравје

Преиспитајте се себеси.

Риби 20.2.- 20.3.

Љубов

Доколку се контролирате и ја пшочитувате другата страна, може да очекувате подобрување на личните односи.

Кариера

Веројатна е многу пријатна соработка со деловни партнери од странство или со луѓе од иста професија.

Здравје

Ќе ви олесни.

Овен 21.3-20.4.

Љубов

Некои ќе поверуваат дека се на прагот на конечно решение, но ќе се покаже дека треба уште да поработат на својот однос.

Кариера

Ќе ве интересира се што може да придонесе кон вашата сигурност. Некои ќе ги анализираат финансиите , а другите ќе ги проверат бравите во станот.

Здравје

Немате причина за страв.

Бик 21.4- 20.5.

Љубов

Ќе продолжите да излегувате и да ја развивате својата врска на паметен начин . Некои тукушто ја започнале , па нека одат полека.

Кариера

Можеби ќе имате малку повеќе среќа од другите , бидејќи на работното место сега ви помагаат.Но , и тоа ќе помине.

Здравје

Одморете се за утре.

Близнаци 21.5.-21.6.

Љубов

Вашето љубовно расположение ќе биде во пад, додека партнерот ќе има потреба за повеќе нежност. Бидете тактични.

Кариера

Во деловната кореспонденција ќе бидете многу оригинални . Со своето изразување ќе поттикнувате , но и ќе ги збунивате другите.

Здравје

Денеска сте возач различен од сите други.

Рак 22.6-22.7.

Љубов

Помалку ќе приговарате , па вашиот партнер ќе станува се посреќен и позадоволен , а секако и вие со него.

Кариера

Би можеле да ги проширите вашите деловни хоризонти со нови знаења , помодерен пристап или со истражување без компромис.

Здравје

Вежбајте јога.

Лав 23.7-22.8.

Љубов

Немојте да се споредувате со другите , зашто нема добро да се чувствувате. Бидете мирни и трпеливи и уживајте во она што го имате.

Кариера

Имате одлични идеи како да ја унапредите дејноста во која работите. Ќе размислувате за тоа.

Здравје

Верувајте во подобро утре.

Девица 23.8.-23.9.

Љубов

Сентименталноста или потребата од нежност ќе предизвика голем копнеж кај вас доколку сте сами , или пак желба да му угодувате на партнерот.

Кариера

Уметниците ќе имаат многу впечатливи настапи и денеска , а другите навистина ќе уживаат во публиката.

Здравје

Аплаузот е загарантиран.

Македонија

Владо Мисајловски во „Само интервју“

Вечерва во „Само интервју“ ќе гостува Владо Мисајловски.

Почитувани, вечерва во Само Интервју ќе гостува министерот за одбрана Владо Мисајловски.

Коските што му се припишуваат на Самоил од Солун кон Софија ќе патуваат ден по посетата на Фон Дер Лајен, каква порака ни праќаат соседите, а што ќе ни донесе претседателката на Европската комисија?

Извесен ли е старт на нашето „европско патување“ преку постепена интеграција и уставни измени со одложено дејство?

Што купува армијата и колку тоа ја чини земјава, со какво темпо се модернизира?

Имаме ли војска согласно НАТО стандардите? САД или ЕУ – што ќе избереме ако се продлабочи јазот во Алијансата?

Вечерва во Само Интервју кај Гоце Михајлоски ќе гостува министерот за одбрана Владо Мисајловски.

Здравје

Зошто ни е тешко да ги пуштиме луѓето кои нè повредиле

Еве што според психолозите нè држи заглавени во минатото.

Постојат лица со кои повеќе не се гледаме, не се слушаме и со кои можеби немаме никаков контакт, а сепак успеваат да заземат значаен простор во нашите мисли. Го враќаме филмот, размислуваме што би можеле да направиме поинаку, се прашуваме зошто се однесувале така со нас и замислуваме како би изгледало кога би постапиле поинаку.

Американското здружение на психијатри наведува дека таквото размислување може да го одржи емотивното страдање, а се поврзува со поголем ризик од анксиозност и депресивни симптоми.

Проблемот не е секогаш во тоа што личноста ни недостига

Понекогаш, не ни недостига лицето што нè повредило, туку одговорот што никогаш не сме го добиле. Кога чувствуваме дека ни е нанесена неправда, умот се обидува да пронајде објаснување за да ја комплетира приказната. Затоа се враќаме на деталите: Зошто направи така? Дали нешто погрешив? Како не сфати колку ме повреди? Ќе се покае ли некогаш?

Токму тука остануваме заробени, наместо минатите случувања да останат само спомен, тие ментално повторно се проживуваат. Истражувањата за руминација – повторно враќање на негативните случки, чувства и нивните причини и последици - покажуваат дека негативното размислување не ги решава проблемите, туку дополнително ги одржува непријатните емоции.

Колку повредата била поголема, потешко е да се прифати дека односот завршил

Да пуштиме некого особено е тешко кога во односот сме вложиле многу емоции, време, доверба или надеж. Тогаш не жалиме само за личноста. Жалиме за онаа верзија на иднината што сме ја замислувале. Затоа прекинувањето на односот или оддалечувањето од некого некогаш подразбира многу повеќе од прифаќање на фактот дека таа личност повеќе не е дел од нашиот живот. Потребно е да прифатиме дека нешто што сме го посакувале толку многу, повеќе нема да се случи онака како што сме замислувале.

Да се прости не значи и да се заборави

Една од најголемите заблуди е дека простувањето значи оправдување на нечие однесување, заборавање што се случило и повторно пуштање на таа личност во животот. Клиниката Мајо наведува дека простувањето не значи да заборавите и да ја оправдате штетата, ниту подразбира да се смирите со лицето кое ве повредило.

Психолозите често на прошката гледаат како на процес во кој личноста постепено го намалува чувството на огорченост и желба за одмазда. Со други зборови, може да признаете дека некој ви нанел неправда, да поставите граница и сепак да одлучите повеќе да не ѝ дозволувате на таа личност да зазема толку простор во вашиот живот.

Најважно е да престанеме да чекаме поинаков крај

Да пуштите некого не значи дека она што се случило не е важно. Понекогаш важи токму спротивното – да си признаете себеси дека било важно, дека болело и дека можеби никогаш нема да го добиеме посакуваното објаснување. Истражувањата велат дека колку помалку се враќаме на негативните случки, чувства, причини, толку сме поспремни да простиме. Додека, пак, намалената огорченост и способноста личноста ментално да се оддалечи од случувањето се поврзува со подобро ментално функционирање.

Извор: srecne.republika.rs

Затоа „да се пушти“ не мора да значи да престанеме со сеќавањата. Можеби вистинската цел е сеќавањето повеќе да нема моќ да ни влијае на расположението, одлуките и сликата за себе. Бидејќи, понекогаш, личноста која нè повредила добива уште една победа кога постојано ја носиме во мислите и покрај тоа што ја нема во нашиот живот.