Се одлага ли Австралија Опен поради пожарите - Тенисерка падна поради загадениот воздух - Канал 5

Тенис

Се одлага ли Австралија Опен поради пожарите - Тенисерка падна поради загадениот воздух

Организаторите на Австралија Опен се соочија со голем број критики откако тенисерката Далила Јакуповиќ реши да се повлече од квалификацискиот турнир.

Се одлага ли Австралија Опен поради пожарите - Тенисерка падна поради загадениот воздух

Словенечката репрезентативка имаше потешкотии при дишењето за време на квалификацискиот натпревар поради огромната концентрација на штетни честички во воздухот. Чадот од пожарите лебди над стадионот на тенискиот комплекс и го загрозува здравјето на сите учесници во турнирот.

Словенечката тенисерка Далила Јакуповиќ ја имаше предноста во дуелот со Стефани Вогеле кога падна на колена и почна силно да кашла. Таа им рече на новинарите дека немала воздух.

Петтата светска тенисерка Елина Свитолина ги објави на Твитер официјалните податоци, кои покажуваат дека квалитетот на воздухот во Мелбурн е под задоволителното ниво.

Градските власти ги советуваат жителите на Мелбурн да не ги напуштат домовите без итна потреба и потврдуваат дека воздухот е загаден.

Организаторите на Гренд Слемот се на голем испит. Сè уште нема официјални изјави по повлекувањето на Јакуповиќ, а директорот на турнирот Крег Тили вели дека ситуацијата е во меѓувреме подобрена.

Тили изјави во текот на изминатата недела дека предвидувањата се ветувачки и метеоролозите постојано ќе го анализираат квалитетот на воздухот на терените во текот на целиот турнир.

„Не очекуваме одложување. Ги презедовме сите неопходни чекори за да го направиме овогодинешниот Австралија Опен како што беше планирано“, рече Тили.

Официјалниот профил на Твитер на Австралија Опен објави некои од мерките во случај воздухот да биде премногу загаден.

"Тенискиот комплекс во Мелбурн има три мобилни стадиони со покриви и осум затворени терени. Доколку се појави загадување, ќе се затворат покривите на стадионот. Натпреварите ќе се играат во климатизирани услови", се наведува во еден од твитовите.

„Доколку има поголема концентрација на чад во воздухот, филтрите на системот за климатизација ќе го спречат загадување“, објаснуваат организаторите.

Сè уште не е јасно дали осумте затворени терени ги имаат потребните услови за одигрување на натпреварите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Канада е една од најлошите земји во светот

Американскиот претседател Доналд Трамп изјави дека Канада е „една од најлошите земји во целиот свет“. 

Трамп: Канада е една од најлошите земји во светот

Оваа изјава доаѓа во време на зголемени тензии меѓу Вашингтон и Отава, кои ги оптоваруваат историски пријателските односи. „Проблемот е што тие се однесуваа многу неправедно кон Соединетите Држави. Тие беа една од најлошите земји во светот. Знаете, ние добро соработуваме со Кина, добро соработуваме со луѓето и склучуваме добри договори“, рече Трамп во Овалната соба.

„Но, навистина беше многу тешко да се соработува со Канада.

Тие воведоа царини од 400 отсто и повеќе за нашите земјоделци. Тие ја злоупотребуваат нашата доверба“, додаде тој. Трамп: Канада е една од најлошите земји во светот. Тие ја злоупотребуваат нашата доверба. Денес стапи на сила забраната на Трамп за увоз на канадски стоки во вредност од речиси една милијарда долари, што претставува нова ескалација на трговскиот спор меѓу двете земји. Забраната се однесува на млечни производи, моторни возила и низа алкохолни пијалаци од Канада.

При потпишувањето на извршните налози за забраната, Трамп како причина ја наведе „дискриминацијата“ на американските производи.

Односите меѓу САД и Канада се невообичаено лоши за време на вториот мандат на Трамп. Причината не се само трговските спорови, туку и потезите на претседателот насочени кон припојување на Канада кон Соединетите Држави. Ситуацијата ескалираше во август по неуспехот на трговските преговори, по што двете земји воведоа меѓусебни царини. Претходно овој месец, Карни истакна дека неговата земја премногу се потпирала на „лесни“ економски врски со САД.

„Изминатите 40 години беа период на длабока економска интеграција со Соединетите Држави. Точно е дека тоа беше лесен пат, но нè направи премногу зависни од еден економски партнер. Јасно е дека тоа време помина“, изјави Карни во видео објавено на YouTube на почетокот на септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Владата препорача работа од дома за вработените во институциите во зградата на „Нова Македонија“

Владата препорача работа од дома за вработените во осумте државни институции, лоцирани во административната зграда „Нова Македонија“, по поплавата која вчера се случи во објектот по пукање на топловодна цевка. 

Владата препорача работа од дома за вработените во институциите во зградата на „Нова Македонија“

Поради ризикот за електричните инсталации, од безбедносни причини исклучена се и струјата и водата..

Владата препорача работа од дома за вработените во институциите во зградата.

-Имајќи ги предвид последиците, особено продирањето на вода во дел од електричните инсталации, како и потребата од спроведување на сите неопходни технички и безбедносни проверки пред повторно ставање на објектот во редовна функција, владата донесе заклучок со кој се препорачува на институциите сместени во објектот да го реорганизираат своето тековно работење односно вработените привремено да ги извршуваат своите работни обврски преку работа од дома, без физичко присуство во зградата - информираат од владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Десетгодишно дете од Скопје е тешко повредено откако било удрено од автомобил управуван од 70-годишна жена

Десетгодишно дете од Скопје е тешко повредено откако било удрено од автомобил „шевролет“, управуван од 70-годишна скопјанка.

Десетгодишно дете од Скопје е тешко повредено откако било удрено од автомобил управуван од 70-годишна жена

Несреќата се случила во неделата околу 20 часот на крстосницата од улицата „Христо Татарчев” и улицата „Франк Харкорт Манинг” во Скопје.

„Пријавено е дека 70-годишната М. Г. од Скопје, управувајќи патничко возило ‘шевролет’ со скопски регистарски ознаки, удрила во 10-годишно дете од скопје“,информираат од МВР.

Детето се здобило со тешки телесни повреди, констатирани во болницата „Свети Наум Охридски” во Скопје.

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер