Се очекува до 15 ноември на планетата да има осум милијарди жители - Канал 5

Живот

Се очекува до 15 ноември на планетата да има осум милијарди жители

Според Одделот на ОН што ја изготви прогнозата, светската популација моментално расте со најбавно темпо од 1950 година. 

Се очекува до 15 ноември на планетата да има осум милијарди жители

Светската популација се очекува да достигне осум милијарди до 15 ноември, покажуваат денеска објавените проекции на Одделот за економски и социјални прашања на ОН. Според истите податоци, до наредната година Индија ќе ја престигне Кина како најнаселена земја во светот.

– Додека го чекаме раѓањето на осуммилијардитиот човек на Земјата, тоа е потсетник на нашата заедничка одговорност да се грижиме за нашата планета и момент да размислуваме за тоа каде се уште не ги исполнуваме нашите обврски еден кон друг, изјави генералниот секретар Антонио Гутереш.

Тоа е, исто така, „време да ја славиме нашата различност, да го препознаеме нашето заедничко човештво и да му се восхитуваме на напредокот во здравството што го зголеми животниот век и драматично ја намали стапката на смртност на мајки и деца“, додава тој.

Според Одделот на ОН што ја изготви прогнозата, светската популација моментално расте со најбавно темпо од 1950 година. Светското население би можело да достигне околу 8,5 милијарди во 2030 година и 9,7 милијарди во 2050 година, достигнувајќи го својот врв на околу 10,4 милијарди луѓе во 2080-тите каде се проценува дека ќе остане до 2100 година.

Околу 12 години беа потребни за да се зголеми светското население од 7 на 8 милијарди, приближно исто време како од 6 на 7 милијарди. Наредната милијарда се очекува да се достигне за околу 14,5 години.

Повеќе од половина од предвидениот раст на населението наредните децении им се препишува на осум држави – Демократска Република Конго, Египет, Етиопија, Индија, Нигерија, Пакистан, Филипини и Танзанија.

Африка и Азија ќе водат во растот на населението до 9-та милијарда во 2037 година.

Глобалниот животен век достигна 72,8 години во 2019 година што е подобрување за речиси 9 години од 1990 година. Но, во 2021 година, очекуваниот животен век за најнеразвиените земји заостануваше 7 години зад глобалниот просек.

Во многу држави во развој, уделот на работоспособното население, помеѓу 25 и 64 години, се зголемува.

Предизвиците со кои се соочува човештвото се акутни – прашањата како што се климатските промени, конфликтите и Ковид-19, несразмерно ги погодуваат најмаргинализираните и најранливите меѓу нас. Милиони луѓе и натаму живеат во сиромаштија и страдаат од глад, немаат пристап до здравствена и социјална заштита и не можат да завршат квалитетно основно и средно образование. На жените ширум светот сè уште им е ускратено основното право да донесуваат одлуки за нивните тела и иднината, а гледаме загрижувачко уназадувањена напредокот во однос на правата на жените во многу држави.

– И покрај овие предизвици, приказната за 8-те милијарди и за тоа како стигнавме до овде е приказна за триумф. Ја намаливме сиромаштијата и постигнавме забележителен напредок во здравствената заштита. Нас, луѓето, нé има повеќе од кога било досега, делумно и поради зголемување на животниот век и падот на смртноста на доенчињата и мајките, се вели во соопштението на Фонд за население на Обединетите наци.

Извршната директорка на Фонд за население на Обединетите наци –УНФПА, Наталија Канем, посочува дека ова е успешна приказна, а не сценарио за судниот ден.

– Нашиот свет, и покрај неговите предизвици, е свет каде што поголем дел од луѓето се образовани и живеат поздрав живот отколку во кој било претходен момент во историјата, смета Канем.

Според неа, фокусирањето исклучиво на збирот на населението и стапките на раст ја промашува поентата и често води до принудни и контрапродуктивни мерки и ерозија на човековите права.

– УНФПА, како што се приближуваме до ноември 2022 година, ќе работи со нашите партнери и заедници за да ја искористи моќта на 8-темилијарди како дел од нашата мисија за постигнување на целите утврдени во Програмата за акција на Меѓународната Конференција за население и развој во 1994 година. Човештвото, преку заштитата на правата и изборот на сите луѓе, го има клучот за ослободување на неограничениот потенцијал на луѓето ширум светот да се справат со предизвиците што им се закануваат на нивните општества и глобалните проблеми што нè загрозуваат сите нас, посочува Канем.

Таа додава дека мораме сите заедно да работиме на справување со сиромаштијата, дискриминацијата, насилството и исклученоста и другите бариери кои им ги ускратуваат правата и изборот на милиони луѓе ширум светот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерство за правда: Хрватска – наш пријател и поддржувач на патот кон европската интеграција

Министерот за правда, Јетон Шасивари, оствари работна средба со амбасадорката на Република Хрватска, Нивес Тигањ.

Министерство за правда: Хрватска – наш пријател и поддржувач на патот кон европската интеграција

Министерот за правда, Јетон Шасивари, оствари работна средба со амбасадорката на Република Хрватска, Нивес Тигањ, на која беше потврдена подготвеноста за натамошно продлабочување на соработката меѓу двете земји во областа на правосудството и владеењето на правото.

На средбата се разговараше за тековните реформски активности и идните приоритети во спроведувањето на Реформската агенда, со посебен акцент на размената на знаења и искуства во усогласувањето на законодавството со европското право, како и на натамошното јакнење на институционалната соработка.

Хрватска е наш пријател и поддржувач на патот кон европската интеграција, а нејзиното искуство од процесот на интеграција во Европската Унија е од особено значење за нашата држава. Ова искуство, особено во спроведувањето на реформите и усогласувањето со европските стандарди, претставува значајна поддршка за нашата држава на патот кон членство во Европската Унија.

На средбата беше потврдена заедничката определба за продолжување на партнерската соработка и размената на искуства, со цел унапредување на реформите и забрзување на процесот на европска интеграција.

Тагови: Министерство за правда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Софија Вергара можеше да има многу поинаква кариера. Знаете ли што студирала?

Софија Вергара, 54-годишната актерка најпозната по улогата на Глорија Делгадо-Причет во „Модерно семејство“ и како судија во „Америка има талент“, планирала да тргне по сосема поинаков пат пред да стане актерка.

Софија Вергара можеше да има многу поинаква кариера. Знаете ли што студирала?

Колумбиско-американската ѕвезда студирала стоматологија во нејзината родна Колумбија, но никогаш не дипломирала.

Студирала стоматологија

Вергара зборуваше за тој период од својот живот во ток-шоуто на Хари Коник Џуниор. Таа откри дека студирала стоматологија две години, но на крајот се откажала. „Одев на стоматолошки факултет, но не го завршив. Студирав две години“, изјавила таа во тоа време.

Студирала стоматологија, но никогаш не работела со пациенти. Се откажала од колеџ само два семестри пред дипломирањето за да ги искористи можностите во манекенството и глумата.

Родниот град добива огромна статуа

Вергара подоцна имала успешна кариера во Холивуд, а нејзиниот роден град Баранкила ја почестил со монументална скулптура. Бронзената статуа беше откриена на 10 јули 2025 година, на нејзиниот 53-ти роденден, на шеталиштето Гран Малекон.

Градоначалникот на Баранкила, Алехандро Чар, нагласи колку градот е горд на актерката. „Баранквила ви се поклонува и му вели на целиот свет: ви благодарам што сте тоа што сте, ви благодарам што сте од Баранкила“, рече тој.

„Каков подобар начин да се прослави роденденот на Софија од откривањето на ова прекрасно дело што ја претставува нејзината радост, харизма, автентичност и личност“, додаде тој. Статуата е создадена од скулпторот Јино Маркез, кој работеше на неа седум месеци со помош на шест студенти и поранешни студенти на локалното уметничко училиште. Скулптурата е висока 7,5 метри и тежи 5,5 тони.

Статуата предизвика контроверзии

Вергара, која наводно била на одмор со своето семејство во времето на откривањето, не присуствуваше на настанот. Статуата брзо привлече внимание на интернет, а многумина коментираа дека скулптурата не личи баш на актерката. Некои дури ја споредија со познатата статуа на Кристијано Роналдо која некогаш предизвика потсмев на социјалните мрежи.

Корисниците на Редит исто така не беа импресионирани. „Кој го одобри ова?!“ напиша еден корисник. „Ако правиме статуи, можеме ли да најдеме некој што може да прави лица?“ додаде друг. Еден коментатор се пошегува и за пропорциите на скулптурата: „Изгледа како да ја направил некој со голем фетиш за стапала“.

Тагови: Софија Вергара

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Дали Филипче и талогот на СДС ширејќи паника за центрите за податоци се против сајбер безбедноста?

​Неколку дена сведочиме на паниката што СДС и Венко Филипче ја шират дури и за оваа идеја за изградба на дата центи или центри за податоци.

Лефков: Дали Филипче и талогот на СДС ширејќи паника за центрите за податоци се против сајбер безбедноста?

Прво, Филипче и неговото актуелно раководство во СДС треба да направат разлика помеѓу приватни дата центри и државен национален дата центар. Второ, Филипче е последен кој може да се грижи за интересите на граѓаните и нивниот квалитет на живот.

Државата има обврска од Реформската агенда или патот до ЕУ за изградба на национален дата центар. И како што информиравме Македонија има дата центар во Прилеп кој е секундарен, она што и треба е примарен каде што на едно место ќе се чуваат сите податоци од државните институции. Значи цел на овој дата центар е безбедност на личните податоци на граѓаните како и безбедност на податоците од државните институции.

Дали Филипче и СДС кои шират паника се против безбедност на лични и државни податоци? Дали СДС знае дека тоа е клучно за безбедност и стабилност на државата? Дали СДС знае дека безбедни лични информации на граѓаните е од голема важност за остварување на нивните права по различни основици како здравствени, социјални и слично?

Сајбер безбедноста или заштита од напади на системот на податоци е одлика на секоја современа држава. И вообичаено додека ВМРО-ДПМНЕ се грижи за секој еден граѓанин и за државата, СДС бара начини за остварување на интереси на поединци.

YouTube video

Миле Лефков, член на ИК и пратеник на ВМРО-ДПМНЕ

Тагови: Миле Лефков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер