Најновите регулаторни документи објавени од кинеското Министерство за индустрија и информатичка технологија (MIIT) открија детали за претстојниот модел на BYD, Denza N8, како и за продолжената верзија Denza N8L.

Електричниот Denza N8 сега има максимален досег од 1.003 км. Denza N8 е опремен со батерија од 130,15 kWh или 105,792 kWh, а моделот N8 нуди опции за досег од 1.003 км, 970 км, 840 км и 800 км.

Во меѓувреме, Denza N8L, користејќи LFP батерија од 130,15 kWh, нуди електричен досег од 960 км според кинескиот систем за мерење (CLTC).

Denza N8 е долг 5.150 мм, додека Denza N8L достигнува должина од 5.200 мм. Верзијата со погон на задните тркала и еден мотор е достапна со две нивоа на моќност: 320 kW (429 КС) и 370 kW (497 КС).

Достапен е и погон на сите тркала со три мотори. Оваа конфигурација се состои од еден преден мотор (270 kW/362 КС) и два задни мотори (секој со 310 kW/416 КС), што резултира со вкупна моќност од 890 kW (1.193 КС), пишува Car News China.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вечерва на подрачјето на градот Скопје ќе се спроведе 13-тата дезинсекција против комарци за оваа сезона, со теренски третман против возрасните форми на комарци.

Активностите продолжуваат и во наредните денови. Согласно издадените налози, на 20 август ќе се спроведе теренска дезинсекција против возрасни форми на комарци, на 21 август, во раните утрински часови, ќе се изврши авионска дезинсекција, додека во периодот од 23 до 26 август ќе се реализира терестична дезинсекција против возрасни форми на комарци.

Сите активности се спроведуваат согласно Годишната програма, законските обврски и Елаборатот изготвен од Центарот за јавно здравје – Скопје, одобрен од надлежните здравствени власти.

Во текот на сезоната досега се реализирани повеќе третмани за сузбивање и на ларвите и на возрасните форми на комарци.

Дезинсекција против ларви:

7 мај – авионска дезинсекција

11 јуни – авионска дезинсекција

26 јуни – теренска дезинсекција

10 јули – авионска дезинсекција

23 јули – теренска дезинсекција

11 август – теренска дезинсекција

Дезинсекција против возрасни форми на комарци:

1 и 2 јуни – авионска дезинсекција

18 и 20 јуни – теренска дезинсекција

27 и 28 јуни – авионска дезинсекција

13 и 15 јули – теренска дезинсекција

30 и 31 јули – авионска дезинсекција

4 и 6 август – теренска дезинсекција

До крајот на сезоната се планирани повеќе од 20 дезинсекции против комарци, со што се обезбедува континуирано спроведување на мерките согласно однапред утврдена динамика.

Градот Скопје продолжува навремено и системски да работи на намалување на бројноста на комарците и на заштита на колективното здравје и благосостојбата на граѓаните.

Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Руската државна новинска агенција ТАСС го цитираше Собјанин, кој изјави дека 620 беспилотни летала полетале кон Москва и московскиот регион во периодот меѓу понеделникот навечер и 5 часот наутро во вторник по локално време, како и дека 180 летала биле уништени во регионот на главниот град.

– Службите за итни случаи работат на местата каде што паднале остатоците – изјави градоначалникот на Москва. Пред овие воздушни напади, најголемиот напад на Украина со беспилотни летала врз Москва и околината се случи минатиот викенд, меѓу саботата навечер и 6:30 часот наутро во неделата, кога Собјанин објави дека 600 летала полетале кон главниот град, а 201 биле уништени во московскиот регион.

Веста за масовниот напад стигна откако Русија ја обвини Велика Британија дека „намерно одлучила да ја ескалира кризата во Украина“, откако беше потврдено дека во нападите врз цели во Русија биле користени беспилотни летала од британско производство.

- Со тоа, Обединетото Кралство дејствува како соучесник и соизвршител на крвави злосторства и терористички напади. Потезите на Лондон неизбежно ќе донесат последици за кои тој ќе мора да одговара – се наведува во соопштението на руската амбасада во Велика Британија, при што е упатено и дополнително предупредување дека „колку подлабоко (Лондон) е вклучен во конфликтот, толку поголема цена ќе плати“.

Лондон: Стоиме рамо до рамо со Украина Портпарол на британското Министерство за одбрана изјави за Би-би-си дека Велика Британија стои „рамо до рамо“ со Украина. - Русија не треба да се сомнева во решеноста на оваа влада да ѝ се спротивстави на руската агресија – како во Украина, така и против Велика Британија и нашите сојузници – рече портпаролот во својата изјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.