Македонија

СДСМ: Невремето ги опустоши струмичките посеви а Владата не презема ништо

Невремето ги опустоши струмичките посеви а Владата не презема ништо - итно да ги обештети земјоделците.

Невремето го опустоши струмичкиот регион. Илјадници декари, пластеници и посеви, домови и механизација не само во околината на градот Струмица, туку и во општините Босилово, Ново Село и Василево, се уништени.

За многу семејства ова не е само временска непогода - ова е уништена година, уништена егзистенција и неизвесна иднина.

Земјоделците повторно се оставени сами. Вообичано за ВМРО - локалната власт и ресорниот министер за земјоделство доцнат со реакциите. Допрва ќе прават проценки.

Го слушаме денеска министерот за земјоделство, вели ќе ја следел состојбата - земјоделците имаат мака, нема време за чекање, потребна им е итна помош.

Оваа Влада покажа дека не и се важни земјоделците. И не е прв пат да ги оставам сами земјоделците кога им е најтешко. Ги оставија без конкретни мерки во сред криза кога цените на репроматеријалите поради растото на цените на горивата, се вивна до плафон. Ги скратија субвенциите за земјоделците, на терен се случува хаос - понижувачки откупни цени и несигурен пласман.

Не ни треба нас невреме - Владата на ВМРО е најсилното невреме за земјоделците - како цунами го уништи цел сектор.

Само за потсетување, владите на СДСМ секогаш беа до земјоделците кога им требаше помош. Навремено се реагираше со обештетувања од сите временски непогоди. Во 2018 година беше донесена одлука за дополнителна помош за покривање на загубите предизвикани од природни непогоди и неповолни климатски настани.

Во 2022 година, Владата на СДСМ ги обештети земјоделците и тоа за претпрени штети од елементарни непогоди настанати во 2016, 2017 и 2018 година.

Сега, бараме Владата да одржи вонредна седница и да донесе итна одлука за обештетување и финансиска помош за земјоделците.

Исто така, бараме да се подготви долгорочна стратегија за адаптација на земјоделството кон климатските промени.

Без земјоделци нема домашно производство, нема иднина за македонското земјоделство.

Теренска прес конференција на СДСМ, Тања Илијоска – членка на Извршниот одбор

Видео инсерти: https://www.youtube.com/watch?v=Y5qr08SbWn0

Скопје, 23.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бебе спасено од урнатините по земјотресот во Колумбија

Бебе старо шест месеци е извлечено живо и здраво два дена по земјотресот што ја погоди Колумбија..

Детето било спасено, откако маж кој бил исто така заробен под урнатините во градот кали барал помош, алармирајќи дека покрај себе има мало бебе.. Граѓани и спасувачи веднаш почнале со голи раце да ги отстрануваат парчињата бетон додека не стигнале до него и бебето.

Според официјалните податоци, во земјотресот од 7,4 рихтерови степени, досега потврдена е смртта на над 200 лица, додека спасувачките тимови трагаат по околу 3.000 луѓе..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОЈО Скопје по допрен глас ќе го истражува загадувањето со отпад кај Рашче

Основното јавно обвинителство Скопје оформи предмет по допрен глас за да ги провери информациите за енормно загадување на природата со отпад во заштитеното подрачје во близина на изворите Рашче.

Надлежен јавен обвинител ќе ги координира активностите на Државниот инспекторат за животна средина и надлежните инспекциски служби со цел да се извршат проверки во однос на потеклото на депонијата, како и можните последици.

Доколку бидат утврдени елементи на кривично дело против животната средина и идентификувани сторители, јавното обвинителство ќе постапи согласно надлежностите за кривичен прогон.

Тагови: обвинителство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија стави два авиона за гаснење пожари на располагање на ЕУ

Македонија се вклучи во заедничкиот европски систем за одговор при елементарни непогоди, ставајќи на располагање два противпожарни авиона за поддршка на земјите погодени од летните пожари.

Преку механизмот за Цивилна заштита на Европската унија, кандидатите и земјите партнери од Западен Балкан ги здружуваат силите со членките на Унијата за побрза координација и реакција на терен.

Покрај воздушната поддршка од Западен Балкан, на терен се распоредени 777 пожарникари од 14 европски земји, меѓу кои се и противпожарните тимови од Молдавија.

Овие ресурси се претходно позиционирани во високоризичните зони во јужна и централна европа за да овозможат брзо локализирање на огнот во почетната фаза.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.