Македонија

СДСМ: Мицкоски веќе зборува како Бачев, разбирлив е очајот кај маргиналните деструктивци, поразени се

Денеска ново назадување покажа Христијан  Мицкоски, портпаролот на Бачев, се наведува во реакцијата на СДСМ на прес конференцијата на Мицкоски.

Антизападниот пион, Христијан Мицкоски, веќе зборува како Јанко Бачев, ниско, на ниво карактеристично за фрустритани, поразени и неуспешни политичари, загубени во сопствената неспособност.„Бла бла“ и „дрн дрн“ муабетите на Мицкоски многу соодејствуваат со него и неговите антизападни, политички промашени делувања.

Мицкоски ќе остане запаметен како човек кој заедно со Груевски, Иванов и Бачев работеше против иднината на граѓаните и Македонија во ЕУ и НАТО, но неуспеa, беше поразен.

Оттука, разбирлив е очајот, разбирлива е маката на Мицкоски. Граѓаните и прогресивните демократски сили во земјата не дозволија да ја блокира иднината на Македонија во НАТО и ЕУ.

Македонија граби напред, завртена е светлата страница на иднината.

Целиот демократски свет, ЕУ, НАТО, САД, честита на историската одговорност на граѓаните и пратениците, го поздравува усвојувањето на уставните измени кои го отвораат патот кон полнаправно членство во ЕУ и НАТО. Пријателите од светот застанаа зад Македонија и сите нејзини граѓани.

Поразените Мицкоски и Бачев може да се спремат за изборен пораз на било какви избори, тие веќе се завршена приказна, дел од темното минато.

Кога ќе има избори не зависи од желбите на антизападниот Мицкоски, туку од приоритетите на граѓаните и државата.Граѓаните нема да дозволат нов Иванов, ниту нов Груевски.

Македонското општество ги порази погубните политики на ВМРО-ДПМНЕ и Мицкоски и тргна напред кон целосна интеграција во ЕУ и НАТО, како држава рамноправен партнер на демократскиот свет.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА

притисни ентер