СДСМ: Мицкоски има свој Петер Сијарто, како Орбан – се вика Иван Стоилковиќ - Канал 5

Македонија

СДСМ: Мицкоски има свој Петер Сијарто, како Орбан – се вика Иван Стоилковиќ

Наместо да одговараат за својата проруска политика и за блокадата на европскиот пат, од ВМРО-ОКГ сега се обидуваат да направат кампања за перење од Русија.

СДСМ: Мицкоски има свој Петер Сијарто, како Орбан – се вика Иван Стоилковиќ

Кој има потреба од шпионирање во кабинетот на претседателката Сиљановска којашто е тотално неважна?

Кој има потреба да шпионира кога вицепремиерот Иван Стоилковиќ ги испраќа сите информации до српската БИА и рускиот ФСБ?

Стоилковиќ за Мицкоски е како Петер Сијарто на Орбан – официр за врска со Москва и со српската БИА, преку Вучевиќ до Вучиќ.

Стоилковиќ работи за српските служби со години, како и Латас.

Високопозиционираниот член на БИА Живалевиќ, кој го координираше нападот во Собранието на 27 април, со години е во врска со Иван Стоилковиќ.

Стоилковиќ ги исполнува сите задачи за српската и руската страна.

Само пред неколку дена одржа состанок со Милош Вучевиќ (претседател на СНС) и Душан Адамовиќ (почесен конзул и бизнис-партнер на Мицкоски), кои јавно ја објавуваат својата врска со Русија.

Зошто е баш Иван Стоилковиќ првиот човек на Христијан Мицкоски? Зошто е токму „Ноќниот волк“ Столковиќ вицепремиер и заменик на Мицкоски?

За нив мајка е Русија, а браќа се Орбан и Вучиќ.

„Промакедонската“ партија со бугарски пасоши на Мицкоски и најблискиот соработник на српската партија е прорускиот тројански коњ во Македонија.

Тоа веќе сите го знаат.

Тие не работат за граѓаните – тие работат за туѓи интереси и за заштита на својата криминална група.

Уште 11 дена до неисполнување на Реформската агенда – уште еден доказ во бескрајниот низ на лаги на Мицкоски.

Финтите на Вучиќ повеќе не поминуваат. Правење вештачки конфликти, афери и лажни вести служат само за дефокус од најважните теми за граѓаните.

Граѓаните јасно гледаат:

Додека се обидуваат да се перчат со „патриотизам“, тие ја држат Македонија во изолација, за да продолжат со кражбата без одговорност.

Доста е со лажните кампањи.

Доста е со руското и српското влијание во „промакедонската“ влада со бугарски пасоши.

Реформи сега. Европа сега.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер