Одговарајќи на новинарско прашање на денешната прес-конференција, посочи дека на тој начин членовите и поддржувачите на двете партии ќе гласаат за пакетот градоначалник од редовите на ВМРО-ДПМНЕ и заедничка листа на СДСМ и на ВМРО-ДПМНЕ - јави агенцијата МИА.
- Ние сме подготвени на тоа, ќе видиме како од другата страна ќе одговорат. Имајќи ја предвид специфичноста на некои општини, конкретно на Струга и Кичево, и во духот на внатрепартиската демократија и почитување на желбите на нашите членови и поддржувачи од овие општини, одлуката за Кичево и Струга ја децентрализиравме и оставивме нашите општински организации да ја донесат, рече Ивановски.
Идинината сега! Време е! - е слоганот на СДСМ за претстојните локални избори, информира денеска на прес-конференцијата Ивановски.
Прашан за тоа кои ќе бидат предлозите на СДСМ за членови на анкетната Комисија за утврдување на одговорноста за настаните од 24 декември, тој рече дека направиле консултации за двајца нивни членови и оти се подготвени да ги достават кога ќе биде побарано.
- До овој момент нема иницијатива од страна на претседателот на Република Македонија Ѓорге Иванов за избор на петтиот, некои би рекле, најважниот претставник на оваа комисија. Првиот предлог на Ѓорѓе Иванов сега претрпи измена, па петтиот член на таа Комисија треба да биде избран со заедничка согласност и консензус меѓу политичките партии, а не да биде некој политички или партиски претставник, посочи Ивановски