Министерот за здравство, Азир Алиу на денешниот брифинг со претставниците на медиумите потенцираше дека по една година од преземањето на функцијата, најважниот резултат не е само во поединечните проекти и процеси кои се започнати, туку во насоката што ја поставивме.

Пристапувањето кон EU4Health на 24 јуни во Брисел ќе биде најсилна потврда дека домашните реформи добиваат европска рамка и дека Македонија станува дел од најголемата здравствена програма на Европската Унија. Ова е отворање на европска здравствена врата за нашите институции, здравствени установи, академската заедница, професионалните организации и пациентските здруженија. Ако првата година од мандатот беше година на поставување правец, втората ќе биде година на користење на можностите на EU4Health и активно учество во европските здравствени процеси, посочи министерот Алиу.

EU4Health претставува програма со оперативен буџет од 4,4 милијарди евра за периодот 2021–2027 година, а со пристапувањето, нашата држава добива можност да учествува во повици, грантови, јавни набавки, заеднички акции и европски партнерства.

Најголемата вредност на EU4Health не е само во парите, туку во стандардите, знаењето, европските мрежи и можноста нашето здравство да учествува во заедничките европски здравствени процеси. Оваа програма отвора можности за проекти во дигитално здравство, European Health Data Space, превенција, скрининг, ментално здравје, подготвеност за кризи, пристап до лекови, медицински производи и јакнење на здравствениот кадар. По пристапувањето, нашата задача е да изградиме оперативен капацитет и да подготвиме конкретни проектни апликации, додаде Алиу.

Тој појасни дека пандемијата покажа дека ниту една држава не може сама да се справува со сите здравствени ризици, и токму затоа EU4Health е важен чекор кон здравствена безбедност што не зависи само од домашните капацитети, туку и од европската солидарност, координација и заеднички ресурси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Ја поддржуваме одбраната на Украина. Нашата позиција останува непроменета. Поддршката на Киев и одржувањето на притисокот врз Москва останува единствениот начин за започнување преговори, затоа го поддржуваме 21-от пакет европски санкции“, рече Мелони, пренесува АНСА.

Таа додаде дека Европа треба да избере „авторитативна личност“ која ќе учествува во можните идни преговори за прекин на војната во Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Путин одржа оперативен состанок со постојаните членови на Советот за безбедност, каде што разговараа за мерките за јавна безбедност во подготовка за Денот на обединувањето на државата.

Путин им посака среќа на кандидатите на изборите во 2026 година. „Парламентарните избори ќе се одржат во септември. Тоа е најважниот внатрешно-политички настан во земјата“, рече Путин.

Путин, исто така, истакна дека безбедноста за време на изборите ќе биде зајакната, објавува Russia Today (RT).

„Изборите ќе се одржат во септември, парламентарни избори, избори за Државната дума. Многу важен настан. Ќе разговараме за дополнителни мерки, мора да ја обезбедиме јавната безбедност“, рече рускиот претседател.

Изборите за Државната Дума се очекува да се одржат на 20 септември. Претседателката на Централната изборна комисија, Ела Памфилова, истакна дека, врз основа на барањата на гласачите, Единствениот ден за гласање во 2026 година би можел да трае три дена. Вкупно, во овој период, ќе се одржат повеќе од 2.200 кампањи на различни нивоа, а се очекува да бидат пополнети 20.700 пратенички места и изборни позиции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.