СДСМ: Истражувањето на ИПИС воопшто не претставува реално мерење на политичките расположенија - Канал 5

Македонија

СДСМ: Истражувањето на ИПИС воопшто не претставува реално мерење на политичките расположенија

Анкета: Стара школа на Груевски, нова препишувачка школа на Вучиќ!

СДСМ: Истражувањето на ИПИС воопшто не претставува реално мерење на политичките расположенија

Најновото „истражување“ на агенцијата „ИПИС“, објавено денес, воопшто не претставува реално мерење на политичките расположенија, туку чист пропаганден потег на власта, како резултат на драматичниот пад на довербата во Владата.

Сега, кога на сите им е јасно дека ВМРО-ДПМНЕ подготвува избори на пролет, а мигранти во јуни, тие веќе немаат ниту трошка поддршка од последните избори.
По воведувањето на забраната на слободата на говор и објавувањето на вистината за криминалните тендери ДПМНЕ е во слободен пад.
Кога веќе прават вакви анкети (веројатно испитаниците се „жители“ на Белата палата), можеле барем да излезат пред сопствената зграда и да постават едно вистинско прашање во анкетата — а можеби и го направиле?!
„Дали сте за тоа во Македонија да дојдат мигранти кои, поради свои криминални дела, се протерани од земјите на ЕУ?“(во заграда може да стои: „ќе добиеме пари – за тендери“)
Па, со нетрпение чекаме ДПМНЕ да го објави и ова „истражување“.
И што велат граѓаните?
Уште едно прашање. Зошто ДПМНЕ прави анкети на секои десет дена?
Дали тоа е показател за паника и страв затоа што се разоткриени, или станува збор за стандарден дел од нивниот план, по инструкции на Вучиќ, во рамки на подготовките за пролетните избори?
Можеби им се брза, па нема да чекаат како Орбан и Вучиќ до април. Можеби ќе мора и во март — пред вистината да стигне во секој дом во Македонија.
Сметаме дека граѓаните ги заслужуваат овие одговори.

Скопје, 20.12.2025

СДСМ
Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски повторно лаже - минималецот во Македонија е меѓу најслабите во регионот

Христијан Мицкоски повторно се обидува да ја претстави реалноста поинаку од она што е.

СДСМ: Мицкоски повторно лаже - минималецот во Македонија е меѓу најслабите во регионот

Цитира извештај на Еуростат за законска минимална плата и тврди дека кај нас е најевтино и нашите граѓани живеат најдобро.

Но бројките покажуваат сосема друго.

Според споредбата на минималната нето плата и цената на дизелот во регионот:

• Во Словенија со минималец се купуваат 629 литри дизел

• Во Хрватска 516 литри

• Во Црна Гора 400 литри

• Во БиХ 362 литри

• Во Србија 286 литри

• Во Косово 263 литри

• Во Македонија само 261 литар

• Во Албанија 214 литри

Работник со минималец во Македонија мора да работи 39 минути за еден литар дизел.

За резервоар од 50 литри му одат 19,15% од целата месечна плата.

Ова не е „куповна моќ“.

Ова е сиромаштија.

Мицкоски може да цитира што сака.

Граѓаните ја гледаат вистината на бензинска пумпа и во продавница.

Лагите за стандардот повеќе не поминуваат.

Не може статистика да го убеди граѓанинот на Македонија дека живее подобро од она што навистина го живее.

Граѓаните својата статистика ја имаат во паричникот и во фрижидерот.

И повеќе никој не може да го слуша Мицкоски и неговите бајки за трета економија во Европа, прва во туризмот, лидер во авио-сообраќајот и аеродромот.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода маж од Боговиње, пукал на семејна веселба, куршум оштетил покрив на куќа

По целосно расчистување и документирање на случајот, ќе следува соодветна пријава.

Лишен од слобода маж од Боговиње, пукал на семејна веселба, куршум оштетил покрив на куќа

На 06.08.2026 полициски службеници од СВР Тетово го лишија од слобода Т.С. (60) од с.Боговиње, тетовско, поради основи на сомнение дека на 05.08.2026 околу 23:00 часот пукал на семејна веселба, а еден од куршумите оштетил покрив на куќа на Б.Л.(66) од с.Синичане, тетовско. По добиена судска наредба, извршен е претрес во дом на Т.С., при што во дворот биле пронајдени три чаури калибар 9 мм и две чаури од гасен пиштол. Во врска со случајот, извршен е и претрес во дом на Ф.М. (50) во с.Боговиње, при што во дворот биле пронајдени чаури од гасен пиштол. По целосно расчистување и документирање на случајот, ќе следува соодветна пријава.

Тагови: Боговиње

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претреси во Охрид, пронајдена дрога, лишени од слобода две лица

На 05.08.2026 во Охрид, полициски службеници од криминалистичката полиција при СВР Охрид ги лишија од слобода Р.С.(50) и С.Б.(46), двајцата од Охрид.

Претреси во Охрид, пронајдена дрога, лишени од слобода две лица

При претрес во домот на Р.С., извршен по судска наредба, полициските службеници пронајдоа и одзедоа марихуана, две дробилки со остатоци од марихуана и други предмети за кои постои сомнение дека потекнуваат од кривично дело.

Додека, при претрес во домот на С.Б., извршен исто така со судска наредба, полициските службеници пронајдоа и одзедоа марихуана, шприц исполнет со кафеава материја, дробилка со остатоци од марихуана и други предмети за кои постои сомнение дека потекнуваат од кривично дело.

По целосно документирање на настаните, против двајцата ќе бидат поднесени соодветни пријави.

Тагови: охрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер