Трет ден не стивнуваат реакциите по најавата дека Уставниот суд ќе ја преиспитува установста на членот 11-а од Закнот за помилување од 2016-та година, што му овозможи на поранешниот претседател Ѓорге Иванов да ги поништи помилувањата кој самиот ги даде за 56 лица, меѓу кои поранешни функционери од ВМРО-ДПМНЕ обвинети и осомничени во случаите на СЈО.
За дел од претстаниците на правната фела ова прашање мора да има завршница еднаш засекогаш, бидејќи ако се остави така ќе може секогаш да се актуелизира. Поранешниот претседател на Врховниот суд Дане Илиев за Канал 5 вели доколку Уставниот суд го поништи членот ќе се направи голема штета. Тој е на став дека треба да се бара одговорност од поранешнот претседател Иванов.
Од СДСМ ги повикаа од ВМРО - ДПМНЕ нивните пратеници да ја поддржат иницијативата за автентично толкување од Собранието. Потпретседателот на на владејачката партија Оливер Спасовски од граѓанската трибина во Неготино упати порака и до претседателот на Уставниот суд, повикувајќи го да остане стожер на заштитата на уставноста и законитоста.
За ВМРО-ДПМНЕ повторното актуелзиирање на три години старата иницијатива е политички мотивирана со цел да се покријат актуелните афери. Претседателот на партијата Христијан Мицкоски од партиската трибина во Кочани се произнесе и за иницијативата на Уставниот суд.
Партијата и денеска без јасен став дали би дале поддршка во Собранието за автентично толкување на членот 11 а од Законот за помилување.
“ Јасен е и нарачaтелот кој што може да стои зад оваа одлука. Само на политичар кој што е аболициран за тежок криминал, може да му текне да ја злоупотреби аболицијата во овој момент. ВМРО-ДПМНЕ принципиелно е против амнестии и против аболиции. ВМРО-ДПМНЕ нема да поддржи амнестии и аболиции. Доколку Заев продолжи со неговиот план и ги разгневи граѓаните, ВМРО-ДПМНЕ ќе излезе со нив на протести. “
Канал 5 и по прес конференцијата на портпаролот на ВМРО ДПМНЕ, се обиде да дознае стриктен став од партијата но и во телефонскиот разговор со Стоилковски.
Од ДУИ вчера кажаа дека за барањето ќе се консултираат со домашни и меѓународни независни експерти.
Со став се огласија и од партијата пензионерите од каде велат дека Уставниот суд, со ваквата одлука, ризикува да создаде услови со кои ќе се урнисаат сите досегашни напори за правда и нулта толеранција на корупцијата и да промовира неправда, неказнивост и заштита на криминалот.
За оваа иницијатива Уставниот суд има рок од триесет дена да се произнесе, а веќе во среда ќе се разгледува и иницијативата за преиспитување на Законот за амнестија врз основ на кој беа амнестирани инволвирани лица во упадот во Собранието од 27ми април, меѓу кои се и петмината пратеници Крсто Мукоски, Сашо Василески, Јохан Трчуловски, Љупчо Димовски и Љубен Арнаудов.