Сцените во Охрид подготвени да ги пречекат уметниците учесници на 61 издание на „Охридско лето - Канал 5

Сцените во Охрид подготвени да ги пречекат уметниците учесници на 61 издание на „Охридско лето

 Националната установа „Охридско лето" и Градот Охрид ги заокружуваат последните подготовки за престојното 61-во по ред издание на најголемата и најреномираната музичко-сценска манифестација во земјата.

Сцените во Охрид подготвени да ги пречекат уметниците учесници на  61 издание на „Охридско лето

Се е подготвено за престојните 40 дена возбуда што пред бројната фестивалска публика ќе ја донесат повеќе од 500 уметници од 18 држави од Европа и целиот свет, прославени имиња од светската музичка елита и извонредни театарски креации.

Како што изјави за МИА директорката на „Охридско лето" Наташа Поповиќ, благодарение на посветеноста и залагањата на фестивалскиот тим привршуваат подготовките за пречек на бројните уметници, на начин како што доликува на светска музичко-сценска манифестација и угледот што го ужива Фестивалот во глобални рамки.

Поповиќ истакна дека сите фестивалски сцени, најатрактивните локации во градот како Античкиот театар, Предворјето на Света Софија, Долни Сарај, како и неповторливата катедрална црква Света Софија се целосно освежени, подготвени да блеснат во сиот раскош, на задоволство како на уметниците што ќе настапуваат така и за самата публика. Притоа, таа ја искористи приликата да се заблагодари на Општина Охрид за логистичката поддршка што ја дава на Фестивалот за некога беспрекорна реализација.

Што се однесува на програмскиот дел, Поповиќ изрази задоволство што нема никакви откажувања, засега се е според планираното и предвиденото.

– Воопшто не беше лесно да се организира програмата за една голема манифестација каква што е „Охридско лето". Договарањето настап на светски уметници за 40 фестивалски дена е сложен зафат и во нормални околности, а само ние знаеме како е тоа да се сработи во вонредни околности наметнати со епидемијата на коронавирусот, рече таа.

Минатата година „Охридско лето" беше манифестацијата што беше прва на линијата кога станува збор за организирање настани од областа на културата, со предизвик да понуди квалитетна програма во вонредни околности.

– Ланската година беше тежок тест за нас, Фестивалот го реализира минатогодишнот издание без какви било проблеми. Во вонредни услови реализиравме 34 настани во скратен термин, што е импозантна бројка и во нормални околности. Благодарение на минатогодишните искуства сме подготвени да се справиме со сите евентуални потешкотии, за кои се надевам дека воопшто нема да ги има, рече Поповиќ.

Подготовките за оваа година, како што истакна таа, почнале веднаш после завршувањето на минатогодишното фестивалско издание, но во мошне отежнати околности со оглед на фактот што речиси сите предвидени настапи директно зависат од тоа каква ќе биде ситуацијата во светот со епидемијата на Ковид-19.

– Ние уметниците сме желни за настапи, секој концерт, претстава, самата сцена е храна за нас. Секој уметник поканата да настапи на „Охридско лето" ја смета за предизвик, слободно може да се рече и за привилегија, но потврдата за нивното доаѓање на Охридско лето" директно зависеше од наметнатите протоколи за патување надвор од нивните матични држави. Во октомври минатата година никој од нив не можеше да знае каква ќе биде ситуацијата оваа година, така што беа потребни навистина големи вложувања и напори за креирање на програмата. Сега ситуациата е далеку порелаксирана, што е позитивно, кога станува збор за финалната реализација на фестивалското издание, истакна Поповиќ.

Оваа година свеченото отворање на Фестивалот што секогаш е посебно доживување, е резервирано за големиот музичко-сценски спектакл, сочинет од најубавите дела на рускиот виртуоз, преку делови на балетската трилогија „Лебедово езеро", „Оревокршачка" и „Заспаната убавица", и извадоци од балетот „Ана Каренина" и операта „Евгениј Онегин", во изведба на Националната опера и балет. Повеќе од 90 балетски првенци, солисти, ансамблот и оркестарот на Националната опера и балет, предводени од диригентската палка на маестра Бисера Чадловска кои на 12 јули ќе настапат на Античкиот театар веќе в сабота доаѓаат во Охрид каде ќе ги имаат генералните проби за свеченото отворање.

Оваа година на фестивалската програма се 34 уметнички концерти со прекрасна динамика, програма што од самиот почеток до крајот претставува една голема музичка приказна што има за цел да ја прослави уметноста преку различни музички композиции.

Меѓу најдобрите и најхрабрите кои ќе допатуваат од сите страни на се врвни имиња од областа на музичката уметност како Александар Штаркман, Ѓуљсин Онај, Вихан квартет, Ирина Графенауер, Мате Бекавац Кирил Родин, Жени Захариева, Маја Богданович,Даниел Родан, Стојан Димов и Дино Имери, Дарко Костовски, Васко Дантас, барокниот ансамбл „Театро ала мода", Горѓи Цинциевски, Саимир Пиргу и Мерита Таршана, гудачки квинтет на филхармонијата од Загреб на чиј концерт ќе настапи нашиот млад виолинист Александар Иванов, Калина Мрмевска, Надја Неволовиќ, женскиот хор под раководство на диригентот Ивица Зориќ Менада, мешаниот хор на филхармонијата од Приштина, Елоизе Карлин, Барокни дијалози со камерниот ансамбл на Македонска филхармонија, Алесандро Фатони и Џорџо Мартану,Петру Иуга и Михаил Хориа, Хајди Елзесер и Ненад Лечиќ, Лирска вечер со фестивалски камерен оркестар и вокални солисти под диригентската палка на Паскал Галоа, Захариас Тарпагос и Валерија Харитиду, дуото гитари Горан Кривокапиќ и Даниел Церовиќ, Владимир Марковиќ и Јулијана Шуловиќ, Драган Средојевиќ и Ненад Ивовиќ.

Фестивалот „Охридско лето" е еден од најголемите промотори и афирматори на македонската уметничка музика, но и на македонските композитори и изведувачи.

– Заради пандемијата што минатата година го запре светот, која во голема мера ја засегна и уметноста, за оваа година заедно со селекторите на музичката и театарската програма решивме голем простор да им дадеме на уметници од Македонија, наши уметници кои се познати и веќе етаблирани на најпознатите светските сцени, а немале можност да настапат на „Охридско лето". Како новина е тоа што некои од наши врвни уметници кои живеат надвор, ги споивме со други странски уметници во дуети, квартети за да настапуваат на фестивалските сцени во Охрид, рече Поповиќ.

Веќе востановена практика се и концертите што „Охридско лето" ги реализира во соработка со Амбасадите на други држави во Македонија, така што и ова година тука се концертите организирани со Словенечката амбасада, потоа со Амбасадите на Италија, Франција, Чешка, Турција…

На драмската програма ова фестивалско издание се шест театарски претстави, на неколку сцените на Античкиот театар, Предворјето на Света Софија, Долни Сарај, дворот на училиштето „Свети Климент" и Центарот за култура„ Григор Прличев", секоја од нив со различни и уникатни естетики.

Тоа се претставите „Крик за љубов" на Охридскиот театар, „History of Mother Fuckers" преработка на Вилијам Шекспир на Битолскиот театар, Српскиот народен театар од Нови Сад ќе ја донесе животната драма на Џенис Џоплин, Театарот комедија со претставата „Вечера за глупаци", Македонскиот народен театар ќе се претстави со „Само глас", а драмската програма на „Охридско лето" ќе биде заокружена со претставата „На отворено море" во изведба на актерската екипа на Југословенскиот драмски театар од Белград.

„Охридско лето" како манифестација има своја особена специфика, со строги правила што се може да биде ставено на програмата. Но сепак, покрај оној класичен дел преку „офф програмата" нуди и неколку содржини наменети за пошироката публика. Оваа година тоа ќе биде концертот на Националниот ансамбл „Танец" кој јубилејот по повод 70-годишнината од формирањето ќе ја одбележи со настап заедно со националниот хрватски ансамбл „Ладо". Тука е и роденденскиот концер т на „Синтезис", а голем интерес кај пошироката публика има и за најновиот проект „Нашата вечер во Охрид" што српскиот драмски уметник и актер Иван Босиљчиќ специјално го подготвува за долго очекуваната средба со публиката на Фестивалот „Охридско лето".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пет лица лишени од слобода во заедничка антитерористичка акција на МВР и АНБ

Акцијата следува по информации добиени од АНБ.

Пет лица лишени од слобода во заедничка антитерористичка акција на МВР и АНБ

Министерството за внатрешни работи, односно Бирото за јавна безбедност, во координација со Агенцијата за национална безбедност, реализираше заедничка антитерористичка акција насочена кон откривање и спречување активности поврзани со кривичните дела „Тероризам“ и „Терористичка организација“.

Акцијата следува по информации добиени од АНБ во рамки на меѓународната соработка, кои на почетокот на годинава беа доставени до Секторот за борба против тероризам, насилен екстремизам и радикализам при Одделот за сузбивање на организиран и сериозен криминал. Информациите се однесувале на шест лица, државјани на Република Македонија, на возраст од 29 до 73 години, од Скопје и Куманово.

По преземените координирани оперативни и истражни активности, акцијата беше реализирана од надлежните полициски служби при Одделот за сузбивање на организиран и сериозен криминал, со поддршка на Специјалната антитерористичка единица „Тигар“.

Врз основа на наредби од судија на претходна постапка, беа извршени претреси на четири локации, при што беа лишени од слобода четири лица. Дополнително, во Република Грција беше лишено од слобода уште едно лице, кое беше предадено на надлежните органи во нашата држава. По шестото лице, за кое има сознанија дека се наоѓа надвор од државата, се трага.

При претресите беа пронајдени и одземени мобилни телефони, лаптопи, персонални компјутери, УСБ-мемориски уреди, тефтери со контакти, скица со означена локација, како и огнено оружје и муниција, од кои дел без соодветна дозвола. Одземените предмети ќе бидат предмет на понатамошни анализи и вештачења.

Во текот на постапувањето беше утврдена меѓусебната поврзаност на лицата, како и нивната поврзаност со странски државјани, меѓу кои и лица поврзани со т.н. прокси-мрежи. Исто така, беше утврдено дека имале намера да извршат терористички акт насочен кон цел на територијата на друга држава.

За преземените активности и утврдените сознанија е известено надлежното јавно обвинителство, а на пет лица им се определени соодветни мерки од страна на судија на претходна постапка.

Оваа акција е потврда за високото ниво на соработка и оперативна координација меѓу МВР/БЈБ и АНБ, која се темели на континуирана размена на информации, заедничка анализа на безбедносните сознанија и координирано постапување.

Континуитетот на оваа соработка го потврдува и фактот што од крајот на 2024 година до денес, во координација со АНБ, МВР постапувало во 10 случаи во кои биле опфатени вкупно 22 лица, како и во два одделни случаи против две лица за кривичното дело „Учество во странска војска, полиција, паравоени или параполициски формации во обид“.

МВР и АНБ продолжуваат со интензивната соработка, заедно со надлежното јавно обвинителство и меѓународните партнери, со цел навремено откривање и спречување на активности што можат да ја загрозат националната и регионалната безбедност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Милијардерот Ворен Бафет подари акции вредни 5,5 милијарди долари пред Денот на благодарноста

Американскиот милијардер и познат инвеститор Ворен Бафет донираше акции од својата компанија „Беркшир Хатавеј“ во вредност од околу 5,5 милијарди долари.

Милијардерот Ворен Бафет подари акции вредни 5,5 милијарди долари пред Денот на благодарноста

Американскиот милијардер и познат инвеститор Ворен Бафет донираше акции од својата компанија „Беркшир Хатавеј“ во вредност од околу 5,5 милијарди долари, а во овогодишната порака за Денот на благодарноста нагласи дека љубезноста, како и капиталот, се множи со текот на времето.

„Минатиот Ден на благодарноста напишав дека љубезноста е бесплатна, но и бесценета. Една година подоцна, би додал само дека се множи, и тоа со подобра брзина од сè што Чарли и јас некогаш сме купиле“, рече Бафет, алудирајќи на долгогодишниот деловен партнер Чарли Мангер, кој почина во ноември 2023 година.

Бафет ги повика сите да им се заблагодарат на оние кои несебично им помогнале за време на празниците, но и да поддржат некого во неволја, пренесува CNBC.

Инвеститорот конвертираше 6.150 акции од класа А на Беркшир Хатавеј во 9,225 милиони акции од класа Б, од кои донираше 3,69 милиони на Фондацијата Сузан Томпсон Бафет, додека по 1,845 милиони акции посвети на фондациите Шервуд, Хауард Г. Бафет и Ново, кои ги управуваат неговите деца.

По овие донации, Бафет задржа 182.140 акции од класа А, чија пазарна вредност се проценува на околу 162 милијарди долари.

Бафет изрази доверба во своите деца, кои со децении поддржуваат разни хуманитарни иницијативи, како и во извршниот директор на Беркшир Хатавеј, Грег Абел.

Акциите на Беркшир Хатавеј во последно време се во силен пораст, добивајќи повеќе од 19 проценти од почетокот на четвртиот квартал од 2026 година, а минатата недела завршија со четири последователни рекордни дневни затворања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зајкова: Ќе објасни ли некој како во случајот со Сара од „тешка телесна повреда“ стигнавме до „телесна повреда“?!

Интегрален текст од објава на Моника Зајкова, претседателка на ЛДП и пратеничка во македонското Собрание

Зајкова: Ќе објасни ли некој како во случајот со Сара од „тешка телесна повреда“ стигнавме до „телесна повреда“?!

Нема да ви помине и ова тукутака!

Како жена, но и пред сѐ како човек, бесна сум!

Барам конкретни одговори за случајот со брутално претепаната девојка во Охрид!

МВР првично поднело кривична пријава за ТЕШКА ТЕЛЕСНА ПОВРЕДА, по член 131 став 3 од Кривичниот законик. Обвинителството потоа поднело обвинение за ТЕЛЕСНА ПОВРЕДА, заедно со уште две кривични дела – противправно лишување од слобода и загрозување на сигурноста.

Девојката, според информациите на МВР, била физички нападната и изгубила свест!

ЌЕ ОБЈАСНИ ЛИ НЕКОЈ КАКО ОД ТЕШКА ТЕЛЕСНА ПОВРЕДА СТИГНАВМЕ ДО ТЕЛЕСНА ПОВРЕДА?!

Обвинителството соопшти дека е извршено медицинско вештачење. Барам да се објасни дали се земени предвид сите повреди, начинот на нанесување на ударите и губењето на свеста, и кои конкретни медицински наоди ја оправдуваат промената на квалификацијата.

Не обвинувам никого однапред, но барам да се отстрани секој сомнеж дека тежината на насилството е минимизирана!

ОБВИНИТЕЛСТВОТО ЈАВНО ДА СООПШТИ ПО КОЈ ЧЛЕН И СТАВ Е ПОДНЕСЕНО ОБВИНЕНИЕТО!

Затоа што, доколку обвинението е со промената квалификацијата од член 131 став 3, максималната предвидена затворска казна за делото поврзано со повредата постои ризик да се намалува од ДЕСЕТ на ПЕТ години!

И НЕ, НЕ СМЕЕМЕ ТОЛКУ БРЗО ДА ЗАБОРАВАМЕ ШТО НИ СЕ СЛУЧИ ВО СТАРО НАГОРИЧАНЕ!

Пред само неколку месеци Македонија се соочи со случај на сериски убиства на жени. Денес имаме обвинение за ЧЕТИРИ УБИСТВА И ДВА ОБИДА ЗА УБИСТВО!

А знаете што е најстрашно? Дел од жените биле погребани без првично да биде утврдено дека починале од насилна смрт! Подоцна морало да се вршат ексхумации, обдукции и дополнителни вештачења, по што кај две од ексхумираните жени било утврдено дека биле жртви на убиство!

ЗАМИСЛЕТЕ! ЖЕНИ БИЛЕ УБИЕНИ, ПОГРЕБАНИ, ПА МОРАВМЕ ПОВТОРНО ДА ГИ ОТКОПУВАМЕ ЗА ДА СЕ УТВРДИ ВИСТИНАТА!

За можни пропусти во утврдувањето на причините за смртта беа поднесени и кривични пријави против двајца мртвопроверители.

И после вакво искуство, зарем не е оправдано да бараме максимална внимателност, стручност и темелност при секое медицинско вештачење и секоја обвинителска одлука?!

Колку уште пати треба да се покаже дека пропустите во утврдувањето на вистината можат да имаат страшни последици?!

И повторно го поставувам прашањето што го поставив и вчера:

ДАЛИ СЕ ОДЗЕМЕНИ И ДИГИТАЛНО-ФОРЕНЗИЧКИ ВЕШТАЧЕНИ МОБИЛНИТЕ ТЕЛЕФОНИ?

Дали се обезбедени и проверени електронските комуникации, телефонските повици и пораките меѓу обвинетиот и лицата со кои комуницирал по нападот?

Дали се испитани сите наводи за можни инструкции за прикривање траги, влијание врз сведоци или менување медицински извештаи?

Дали е ангажиран надлежниот сектор за компјутерски криминал и дигитална форензика?

Дали Обвинителството испитува евентуално постоење на кривичното дело „Помагање на сторител по извршено кривично дело“?

Напоменувам ако некој свесно помагал да се прикријат траги, да се сокријат докази или да се избегне кривична одговорност, мора да се испита неговата улога и да се постапи согласно законот, без оглед на тоа чиј родител, роднина или пријател е!

И уште едно прашање кое не смее да остане без одговор!

ЗОШТО ОБВИНИТЕЛСТВОТО ПРВИЧНО ПОБАРАЛО САМО МЕРКИ НА ПРЕТПАЗЛИВОСТ, А ПОТОА ПРИТВОР?!

Кој ја направил првичната процена на ризикот? Дали биле земени предвид тежината на нападот, безбедноста на жртвата, опасноста од повторување на насилството и можноста за влијание врз сведоците?

Што точно се променило за толку кратко време? Кои биле новите околности поради кои обвинетиот повторно бил приведен и бил побаран притвор?

Дали првичната обвинителска процена била стручна, законита и соодветна на опасноста?

Барам надлежните обвинителски органи да го преиспитаат и постапувањето во овој предмет, а доколку се утврдат професионални пропусти или незаконитости, да се покрене постапка за ОДГОВОРНОСТ!

Жртвата заслужува заштита, правда и достоинство. Не нова неизвесност и дополнително страдање!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер