Сателитите на Маск го блокираат истражувањето на вселената и го загадуваат небото - Канал 5

Технологија

Сателитите на Маск го блокираат истражувањето на вселената и го загадуваат небото

Радио брановите од растечката мрежа на сателити на Илон Маск ги вознемируваат научниците во проучувањето на вселената, заклучија истражувачите од Холандија.

Сателитите на Маск го блокираат истражувањето на вселената и го загадуваат небото

Новата генерација на сателити Starlink, кои обезбедуваат брз интернет низ целиот свет, повеќе им пречи на радиотелескопите од претходните генерации, велат тие, а пренесува Би-би-си.

Илјадници сателити ги „заслепуваат“ радио телескопите и би можеле да ги оневозможат астрономските истражувања, тврдат експерти од холандскиот институт за радио астрономија (ASTRON). SpaceX, компанијата на Маск и сопственик на сателитот Starlink, не одговориле на прашањата на британскиот јавен сервис за овие проблеми.

- Секогаш кога се лансираат повеќе од овие сателити, со вакво ниво на загаденост, сè помалку го гледаме небото. Се обидуваме да проучуваме работи како што се емисиите од црните дупки во центарот на галаксиите. Ги разгледуваме некои од најраните галаксии, кои се оддалечени милиони и милиони светлосни години, како и егзопланетите – изјави проф. Џесика Демпси, директор на ASTRON.

Научниците од институтот открија дека сигналите што ги испраќа втората генерација сателити се 32 пати посилни од сигналите од првата генерација.

- Количината на радијација ги надминува границите поставени од Меѓународната телекомуникациска унија - додаде проф. Демпси.

Според некои проценки, моментално има 6.402 сателити Starlink во орбитата на надморска височина од 342 километри.

Анализата е направена со помош на радио телескопот LOFAR во Холандија во јули, а дополнителен проблем, како што се вели, е тоа што секоја недела во орбитата се лансираат 40 сателити Starlink.

- Многу е јасно дека кога има нешто толку светло што ги компромитира главните радио телескопи и опсерватории, тогаш треба да направиме нешто и тоа да го направиме брзо - изјави Роберт Мејси, заменик извршен директор на Кралското астрономско друштво во Велика Британија.

Проф. Демпси вели дека малите активности како заштита на батеријата на сателитот би направиле голема разлика во намалувањето на загадувањето.

Студијата е објавена во научното списание Astronomy and Astrophysics.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците запреа танкер во Оманскиот залив по предупредување од Британците

Британската агенција за поморска трговија (UKMTO) издаде безбедносно предупредување по инцидентот што се случи вчера во Оманскиот Залив. 

Американците запреа танкер во Оманскиот залив по предупредување од Британците

Предупредувањето е издадено врз основа на дојава дека танкер и воени сили биле вклучени во инцидентот. Речиси истовремено, Асошиејтед Прес објави дека Американската централна команда (CENTCOM) го онеспособила моторниот танкер „Лавин“, кој наводно се обидел да ја пробие американската поморска блокада на Иран.

Засега нема официјална потврда

Досега не е официјално потврдено дали предупредувањето на британската агенција и американската воена операција се однесуваат на истиот настан. Американската централна команда сè уште не дала официјална изјава за целиот случај, а причините зошто не го сториле тоа се непознати.

Тагови: Оманскиот залив танкер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска ѕвезда е уапсена- возел пијан

Поранешниот квотербек во НФЛ, Тони Ромо, се најде во центарот на скандал откако беше уапсен во Милвоки под сомнение за возење под дејство на алкохол. 

Американска ѕвезда е уапсена- возел пијан

Според американските медиуми, поранешниот ас не го положил стандардниот полициски тест за трезвеност, поради што веднаш бил приведен.

Полицискиот тест вклучува проверка на движењата на очите, одење по права линија со вртење и одржување рамнотежа на една нога. Не беше објавено во кој дел од тестот Ромо не успеал, ниту дали бил подложен на алкотест или го одбил.

По апсењето, Ромо беше пуштен да се брани од слобода, но ќе мора да се појави на суд во септември. Во државата Висконсин, возењето под дејство на алкохол се казнува со парични казни, одземање на возачка дозвола, а во сериозни или повторени случаи, затворска казна.

Ромо ја помина целата своја НФЛ кариера во Далас Каубојс, каде што сè уште го држи рекордот на франшизата за бројот на фрлени додавања за тачдаун. Тој беше избран за Про Боул четири пати, а по завршувањето на неговата играчка кариера, изгради успешна кариера како телевизиски аналитичар на CBS.

Американската телевизиска мрежа Си-Би-Ес досега одби да коментира за инцидентот во кој е вклучен нивниот познат експерт-консултант.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Њујорк Тајмс: Тајните служби го предупредиле Трамп, среде патување го смени претседателскиот авион

На почетокот на јуни, поради иранската закана, американскиот претседател Доналд Трамп одеднаш го смени авионот што го користеше за да го напушти самитот на НАТО во Анкара.

Њујорк Тајмс: Тајните служби го предупредиле Трамп, среде патување го смени претседателскиот авион

На почетокот на јуни, поради иранската закана, американскиот претседател Доналд Трамп одеднаш го смени авионот што го користеше за да го напушти самитот на НАТО во Анкара, летајќи во постар „Ер Форс Уан“ наместо оној што му го даде Катар, пишува денеска „Њујорк тајмс“.

Американските медиуми, врз основа на тврдењата на анонимни извори, пишуваат дека заканата се појавила додека Трамп учествувал на состанок на НАТО. Тој претходно пристигнал во турската престолнина со нов „Боинг 747-8“, подарок од Катар, без напредните одбранбени капацитети на стариот „Ер Форс Уан“.

Замена на авионот и објаснување

По предупредување од тајните служби, Трамп го смени авионот, тврдејќи дека промената е направена за да им се даде можност на американските војници во Велика Британија да го видат новиот авион, пишува „Тајмс“. Трамп ја напушти Турција со стар авион, а потоа во Обединетото Кралство се качи на новиот претседателски авион, кој го користеше за да го продолжи летот до Вашингтон.

Истрага за протекување информации

„Њујорк тајмс“ претходно овој месец објави дека властите имаат сомнежи за безбедносните капацитети на авионот што му бил подарен на републиканецот од земја од Блискиот Исток. Властите одговорија на тие написи со истрага за протекувањето на информации, барајќи сведочење од неколку новинари пред порота, како и предавајќи список на повици до нив и нивните семејства.

Трамп минатиот викенд призна дека на новиот авион му недостасуваат некои карактеристики што ги имаат старите претседателски модели на Боинг, одговарајќи на новинар кој го забележа недостатокот на противракетна одбрана. Тој рече дека катарскиот авион наскоро ќе биде „целосно опремен“.

Тагови: Доналд Трамп претседателски авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер