Шоу биз

Сандра Булок има 60 години и еве како изгледа одблизу!

Познатата холивудска актерка се појави со колегата Кијану Ривс во Лос Анџелес и повторно покрена муабети за нејзиниот физички изглед.

Актерката Сандра Булок видно го промени својот физички изглед бидејќи во споредба со фотографиите од пред две-три децении е значително поразлична. Затоа, не е ни чудо што често можат да се слушнат коментари дека изгледа како порцеланска кукла бидејќи нејзиното лице е неверојатно затегнато, а за очигледната промена сведочат и видеата од последните неколку настани на кои се појави.

Инаку, Сандра Булок има 60 години, но ретко кој би ѝ ја дал таа возраст. Многумина дури тврдат дека таа изгледа барем две децении помладо.

Таа никогаш не говореше јавно за нејзините потенцијални естетски интервенции, но оваа година беше фотографирана со нејзината пријателка и колешка Џенифер Анистон како излегуваат од престижна клиника за пластична хирургија во Гринич. Станува збор за болница која нуди низа хируршки зафати како што се затегнување на лице, подигнување на веѓи и очи, како и ботокс. Двете актерки беа видени како ја напуштаат ординацијата на д-р Нил А. Гордон, пластичен и реконструктивен хирург на лице специјализиран за подмладување и ринопластика.

Иако Булок не сака да зборува за тоа дали има правено нешто на себе, во една видео снимка на „Јутуб“, пластичниот хирург д-р Гери Линков ја процени нејзината трансформација од 90-тите до денес, анализирајќи ги сите потенцијални промени на нејзиното лице.

Сандра Булок има остри црти на лицето и јаки мускули, па Линков проценува дека направила ботокс врз основа на фотографии од 2000-тите.

- Козметички, вилицата ѝ е малку позаоблена во долниот дел од лицето. На некои многу им се допаѓа тоа, а други сакаат да го променат истото, на пример, користат ботокс кој може да го промени мускулот и со тоа да ја преобликуваат долната вилица - објасни Линков.

Тој рече оти верува дека Сандра практикува „одлична нега на кожата, добро се храни и вежба“, што се рефлектира на нејзиниот блескав тен.

- Мислам дека Сандра ги комбинира овие нехируршки модалитети, се разбира со употреба на ботокс и филери за да создаде младешки изглед на нејзини години. Не гледам очигледни знаци на пластична хирургија на лицето – истакна тој, со што запрепасти многумина.

Инаку, најзабележителна промена кај Сандра е нејзиниот нос, па може да претпоставиме дека единствено него го оперирала. Таа интервенција, сепак, не спаѓа во операции за подмладување.

Изгледот на Сандра Булок повторно стана тема број еден во вестите за светскиот џет-сет, откако таа се појави на настан на 9. октомври со нејзиниот колега, холивудскиот срцекршач Кијану Ривс. Станува збор за настан по повод најновата прослава на 30-годишнината од првото прикажување на филмот „Брзина“ во кој споменатата двојка се појави далечната 1994 година.

- Тогаш и сега! Кијану Ривс и Сандра Булок спремни за сообраќајниот шпиц.

Специјалната проекција во Лос Анџелес беше дел од Beyond Fest во Американската кинотека - објави магазинот People со фотографии од актерите од пред три децении и денес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Снимател доби отказ поради неа!

Винифер Фернандез долги години важи за една од најубавите и најатрактивни спортистки на светот.

Но, таа исчезна преку ноќ: Каде е и што прави најубавата одбојкарка на светот?

Во изминатите осум години, познатото видео од потезите на Винифер Фернандез на YouTube собра дури 15 милиони прегледи.

Ретко кој не ги видел нејзините фотографии што го преплавија интернетот во 2016 година.

Таа се најде на насловните страници ширум светот, многумина ја прогласија за најубава, односно најатрактивна одбојкарка на планетата, а потоа речиси преку ноќ исчезна од центарот на вниманието.

Во изминатите осум години, познатото видео со нејзините потези на YouTube собра дури 15 милиони прегледи.

Винифер Марија Фернандез (30), одбојкарка од Доминиканската Република, во тој период важеше за една од најпопуларните спортистки во светот.

Речиси и да немаше човек што не ги виде нејзините фотографии кои ги преплавија социјалните мрежи и интернетот, но потоа таа одеднаш исчезна од очите на јавноста. Последниот клуб за кој настапуваше беше „Карибењас“, а со години беше една од најголемите ѕвезди на репрезентацијата на Доминиканската Република. Иако денес не е толку присутна во медиумите како порано, на Инстаграм ја следат повеќе од 65.000 луѓе.

Винифер е висока 169 сантиметри и тешка 62 килограми, а додека играше на Куба, се случи интересна анегдота според која еден снимател наводно добил отказ бидејќи, наместо да го сними одлучувачкиот поен во натпреварот, ја насочил камерата кон младата Винифер Фернандез.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Првиот електричен Ferrari е веќе целосно распродаден

Првиот целосно електричен модел на Ferrari, Luce, можеби не ги освои симпатиите на љубителите на автомобили на социјалните мрежи, но тоа не ги спречи купувачите да резервираат речиси секој планиран примерок.

Иако моделот се соочи со критики во врска со дизајнот и преминот на Ferrari кон електричен погон, првичната серија на производство е веќе целосно распродадена.

Ова потврдува дека јавното мислење не секогаш се совпаѓа со желбите на купувачите кои можат да си дозволат огромни суми за ексклузивни автомобили.

Повикувајќи се на два извори запознаени со плановите на компанијата, Financial Times известува дека Ferrari планирало да продаде нешто помалку од 500 примероци од моделот Luce во текот на првата година, пренесува Računalo.com.

Според извештаите, целата планирана серија на производство за првата година била распродадена уште на почетокот на овој месец, и покрај почетната цена од 550.000 евра (без данок).

Иако Ferrari ги демантираше тврдењата дека купувачите мора да го нарачаат моделот „Luce“ за да го задржат својот привилегиран статус кај брендот, многумина сметаат дека овој фактор можеби придонел за големата побарувачка.

Наводно, од дилерите било побарано да не вршат притисок врз долгогодишните колекционери на Ferrari да го купат „Luce“, туку да се фокусираат на нови купувачи – особено на богати клиенти во Кина и во технолошките центри како Силиконската долина, каде што електричните автомобили веќе се широко прифатени.

Се чини дека оваа стратегија дава резултати. Според „Фајненшл тајмс“ (Financial Times), Ferrari планира да продаде приближно 2.500 примероци од моделот „Luce“ до 2030 година, што изнесува околу 600 возила годишно.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Уапсен добитникот на 167,3 милиони долари на лотарија

Џејмс Фартинг, добитник на една од најголемите лотариски награди во историјата на Кентаки, повторно е уапсен – што е четврти пат откако го освоил џекпотот вреден повеќе милиони долари.

Педесет и едногодишниот Фартинг од Џорџтаун бил уапсен во неделата, на 26 јули, под обвинение за семејно насилство.

Според затворските евиденции до кои дојде списанието *People*, тој се товари за семејно насилство што вклучува давење и напад од четврт степен со нанесување полесни телесни повреди. Тој моментално се наоѓа во притвор во затворот на округот Скот.

Во април, тој освои 167,3 милиони долари на лотаријата „Пауербол“ (Powerball), што претставуваше најголема добивка во историјата на Кентаки.

Тогаш Џејмс изјави дека планира да ги подели парите со својата мајка, Линда Гризл. „Ќе биде убав Ден на мајката. Ова ќе ми помогне да ги отплатам долговите“, изјави тогаш неговата мајка.

Според полицискиот извештај, наводната жртва – чиј идентитет не е откриен – изјавила дека дошло до расправија по возењето со брод.

За време на расправијата, тој наводно ја фатил за вратот со двете раце, отежнувајќи ѝ го дишењето. Тој се појави пред судот во вторникот, на 28 јули, и се изјасни дека не е виновен. Судот одреди кауција од 15.000 долари, му забрани контакт со наводната жртва и нареди да носи уред за електронски надзор за да се обезбеди почитување на забраната за контакт.

Ова не е првпат добитник на лотарија да има проблеми со законот по голема добивка. Само неколку дена откако го освоил џекпотот, тој бил уапсен на Флорида, каде што се соочил со обвиненија за напад врз полицаец и давање отпор при апсење.

Тагови: милион долари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.