Самоуправувачкиот „ФСД“ систем на „Тесла“ со проблеми во Кина - Канал 5

Автомобилизам

Самоуправувачкиот „ФСД“ систем на „Тесла“ со проблеми во Кина

Чен Жен го објави видеото на „Веибо“, и на снимката, на пример се гледа како електричното возило постојано упаѓа во патеките за велосипеди.

Самоуправувачкиот „ФСД“ систем на „Тесла“ со проблеми во Кина

Системот за целосно самоуправување во „Тесла“ возилата, наречен „Full Self-Driving“ („ФСД“) официјално е воведен во Кина и, кога ќе се спореди со статистиката од Северна Америка, не е изненадување што се соочува со тешкотии во прилагодувањето на новиот источен пазар. Имено, за време на неодамнешното тестирање, кинески блогер успеал да забележи седум сообраќајни самоуправувачки прекршоци при користењето „ФСД“. Повеќето од нив беа фатени на камера.

Чен Жен го објави видеото на „Веибо“, и на снимката, на пример се гледа како електричното возило постојано упаѓа во патеките за велосипеди. По сѐ, изгледа дека вештачкоинтелигентниот систем погрешно ја препознава велосипедската патека како лента за вртење десно. Тоа било забележано и од полицијата. На истиот тест, автомобилот на „Тесла“ изведе недозволено престројување и преминување на полна линија.

Имајќи предвид дека автомобилската компанија собира податоци од возилата заради подобрување на „ФСД“, може да се очекува дека, слично како во САД - системот повторно постепено ќе се подобрува прилагодувајќи се на сообраќајните правила во Кина. Според некои познавачи, сепак, тоа може да напредува бавно.

Специјализираниот портал „Шајн“ неодамна го тестираше „ФСД“ на „Моделот Ипсилон“ и го спореди со сличните системи „Ли ауто“ и „Аито“. Притоа, „ФСД“ направил 34 сообраќајни прекршоци на тестот и бараше 24 интервенции на возачот. За споредба, „Ли ауто Л-7“ имал 14 прекршоци и девет интервенции, а „Аито М-9“ - 14 прекршоци и 12 интервенции.

Иако и двата кинески самоуправувачки системи покажале подобри резултати од оној на „Тесла“, ниту еден од нив не ги исполнува условите на доверба во нивните способности во Кина. Имајќи го тоа предвид, се чини дека и „ФСД“ ќе има долг пат на усовршување и дозвола за користење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нова разорна поплава во Непал: Однесени десетици куќи и мостови, се трага по исчезнати

Ненадејна поплава на реката Будхи Гандаки утрово,  предизвика големи штети во непалскиот округ Горка.

Нова разорна поплава во Непал: Однесени десетици куќи и мостови, се трага по исчезнати

Надојдената вода однела куќи и мостови, оштетила градилиште на хидроелектрана и принудила жители од повеќе населени места да се повлечат на побезбедни локации.

Според локалните власти, кои ги цитира „Катманду пост“, меѓу 35 и 40 куќи биле однесени во населбите Џагат Багар, Салери и Гатихола, во руралната општина Чумнубри. Поплавата ја погодила и соседната општина Дарче.

Локалните жители и туристите почнале да се повлекуваат откако околу четири часот наутро слушнале силни звуци од реките во планинското подрачје. Водостојот нагло се менувал, а предупредувањата за евакуација биле пренесувани и преку разгласи.

Во Џагат првичните извештаи наведувале пет до седум однесени куќи. Во мачакола водата навлегла во повеќе домови и привремени објекти, додека во салери, во општината Дарче, уште околу 20 до 22 куќи биле изложени на ризик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По повод 11 Октомври делегација на СДСМ положи цвеќе и оддаде почит на борците од НОБ на Спомен-костурницата во Куманово

Темелите на македонската државност почиваат на антифашистичката борба чии идеали обезбедија денес да живееме во слободна, модерна и демократска држава.

По повод 11 Октомври делегација на СДСМ положи цвеќе и оддаде почит на борците од НОБ на Спомен-костурницата во Куманово

По повод 11 Октомври - Денот на народното востание, партиска делегација на СДСМ, предводена од генералниот секретар Александар Саша Димитријевиќ, заедно со координаторот на пратеничката група на СДСМ, Оливер Спасовски, и членката на Извршниот одбор, Наташа Поповиќ и преставници од општинската организација на СДСМ Куманово, оддадоа почит и положија свежо цвеќе на Спомен-костурницата во Куманово.

Темелите на македонската државност почиваат на антифашистичката борба чии идеали обезбедија денес да живееме во слободна, модерна и демократска држава.

СДСМ како наследник на државотворните политики на нашите предци, партизаните, и на вредносните политики на антифашистичката борба, ја продолжува борбата за слобода, правда и достоинствен живот на сите граѓани.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полската полиција доби дојава за можен обид за атентат врз премиерот Туск

 Полската полиција добила информации за можен напад врз премиерот Доналд Туск и министерот за одбрана Владислав Кошнјак-Камиш, соопшти  портпаролката на Министерството за внатрешни работи на социјалната мрежа „Икс“ (X).

Полската полиција доби дојава за можен обид за атентат врз премиерот Туск

Оваа информација е објавена откако полските власти го подигнаа нивото на тревога поради бранот на насилство во училиштата, кој заврши во четвртокот со смртта на еден училиштен домар.

„Откако полската полиција доби информации за можен напад врз премиерот Доналд Туск, како и врз вицепремиерот и министер за одбрана Владислав Кошињак-Камиш, министерот за внатрешни работи Марчин Кервињски и министерот-координатор за специјални служби Томаш Семоњак наложија преземање соодветни мерки во овој случај“, напиша портпаролката Каролина Галецка.

Како што таа најави, во недела во 11 часот ќе се одржи состанок на претставници на Агенцијата за внатрешна безбедност (ABW), како и на службите што работат во рамките на Министерството за внатрешни работи и администрација – полицијата и Службата за државна заштита (SOP).

Јацек Добжињски, портпарол на министерот и координатор на специјалните служби, исто така извести за заканите на социјалната мрежа „Икс“ (X).

Тагови: Полска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер