Самит во Белата куќа – Почеток на крајот во војната во Украина? - Канал 5

Свет

Самит во Белата куќа – Почеток на крајот во војната во Украина?

Швајцарија, Унгарија, можеби и Турција ова се можните локации за најавената историска средба меѓу украинскиот и рускиот  претседател Влодомир Зеленски и Владимир Путин, која треба да се случи во следните две недели.

Самит во Белата куќа – Почеток на крајот во војната во Украина?

Сепак официјални детали се уште нема, но неофицијлано Путин ја прифатил поканата на америкаснкиот претседател Доналд Трамп, кој вчера го паузираше состанкот во белата куќа со европските лидери и телелфонски го контактирал. Дека Путин иако отсутен сепак беше клучна тема во разговорите се слушна и од неформалниот разговор меѓу Трамп и Макрон.

-„Мислам дека сака да склучи догово. Мислам дека сака да склучи договор со мене, разбирате ли? Колку и да звучи лудо.“, Доналд Трамп – претседател на САД.

Украинскиот претседател беше пријателски дочекан во Белата куќа,но овој пат друштво во разговорите за можните патишта кон мир му правеа и францускиот претседател, Макрон, германскиот канцелар Фридрих Мерц, претседателактта на ЕК Урсула фон дер Лајен, генералниот секретар на на НАТО, Руте.

„Претседателот Путин се согласи дека Русија ќе прифати безбедносни гаранции за Украина и ова е една од клучните поенти што треба да ja разгледаме и ќе ja разгледаме, исто така, како и тоа кој што ќе прави, во суштина сум оптимист дека колективно можеме да постигнеме договор што би спречил каква било идна агресија врз Украина.“- Доналд Трамп – претседател на САД.

Безбедносните гаранции се од суштинско значење, согласни и европјеците и америкнаците, по синоќешните неколку часовни разговори во Белата куќа, но Трамп остана прилично резервиран во врска со тоа каkо би можела да изгледа конкретната поддршка. Според дел од експерите можни опции се распоредување на европски и американски трупи во Украина, логистичка или разузнавачка поддршка.

Иако прекин на огнот кој беше еден од предусловите на Зеленски за средба со Путин не е договорен, спека украинскиот претседател задоволен од наајвите. Вели неговата земја во следните десетина дена ќе финализира гаранциите за безбедност, а темата за можни територијални отспапки кои ги бара Русија вели – ќе биде тема која ќе ја остави за разговрот меѓу него и Путин.

„Ова е клучна тема како почеток на завршување на војната. Верувам дека ова е голем чекор напред. Сè уште не можам да кажам како ќе оди или да ги откријам сите детали. Но, важно е дeка постои политичка волја и има политички одлуки.... Не не немаме датум, само потврдивме со претседателот и сите колеги, партнери, дека сме подготвени на трилатерална средба. Украина никогаш нема да запре на патот кон мирот... “- Володомир Зеленски – претседател на Украина.

За европските лидери клучно е огнот да прекине – велат не можат да замислат нов состнаок без тоа да се случи. На маса беа отворени критичните прашања - иако атмосферата во Белата куќа беше подобра сепак напредокот во содржината на разговорите се чини беше ограничен.

„Лично, имам сериозни сомнежи за реалноста на желбата за мир од страна на рускиот претседател, бидејќи сè додека мисли дека може да победи преку војна, тој ќе го стори тоа. А неговата крајна цел е да освои што е можно повеќе територија, да ја ослабне Украина и да има Украина која не е одржлива сама по себе или во рамките на руската сфера на влијание.“ - Емануел Макрон – претседател на Франција.

„Таков самит е можен само ако оружјето мирува. Денес го повторив ова барање. Второ, таков самит мора да биде темелно подготвен. Не знаеме дали рускиот претседател ќе има храброст да присуствува на таков самит. Затоа е потребно убедување.“- Фридрих Мерц – германски канцелар.

На разговорите во Белата куќа им претходеше состанок меѓу Трамп и Путин на Алјаска в петокот. По што америксанкиот претседател посочи дека е постигнат голем напредок во разговорите за условите за мир. Неколку дена по оваа средба рускиот министер за надворшени работи Сергеј Лавров со пофали Трамп за желбата за траен мир во Украина, а ги искритикува европските лидери за инсистирањето на прекин на огнот.

Според последните информации, Путин бара сеопфатен договор, а потоа прекин на огнот, спротивно од ставот на Брисел и Киев. Тој воедно бара Украина целосно да се повлече од Доњецк и Луганск во замена на замрзнување на фронтот во Херсон и Запорожје.

Тагови: Владимир Путин Доналд Трамп зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Бизнисмен се степа во авион, па патниците го врзаа со леплива лента за седиште- познато е кој е тој (ВИДЕО)

Патник кој, според американските медиуми, предизвикал хаос на летот на „Американ ерлајнс“ од Далас до Њуарк.

Бизнисмен се степа во авион, па патниците го врзаа со леплива лента за седиште- познато е кој е тој (ВИДЕО)

Патник кој, според американските медиуми, предизвикал хаос на летот на „Американ ерлајнс“ од Далас до Њуарк, а потоа бил врзан за седиштето со селотејп и врвки за чевли, ја изгубил работата по инцидентот.

Тоа е Артур Л. (67), кој, според KVOA, бил потпретседател на компанијата „Лонг риелти“ во Тусон, една од најголемите компании за недвижности во американската држава Аризона.

Се наведува дека бил отпуштен по инцидентот, додека неговиот профил на LinkedIn оттогаш исчезнал.

Инцидентот се случил во четврток вечерта на летот 618 на „Американ ерлајнс“, кој летал од Далас до Њуарк.

Според полициските и патничките изјави, Артур Л. почнал да вика и да ги навредува патниците околу него за време на летот. Се чинело дека е под дејство на алкохол, а кога стјуардесата се обидела да го смири, наводно почнал да упатува расистички и хомофобични навреди.

Полицаец во авионот изјавил за „Њујорк пост“ дека Артур дал навредливи коментари за вработените во „Американ ерлајнс“ и другите патници, како и вулгарни навреди кои биле особено навредливи за жените што седеле зад него.

Ситуацијата брзо ескалираше

Артур Л. наводно го удрил сопатникот, а кога една жена се обидела да интервенира, тој и неа ја турнал. Тогаш тројца патници решиле да го совладаат.

Фотографиите што се појавија на социјалните мрежи го покажуваат мажот врзан за своето седиште. Рацете му биле врзани, додека главата и горниот дел од телото му биле залепени со селотејп за да се спречи повторно да нападне некого.

Инцидентот го принудил авионот да пренасочи насока и да направи итно слетување во Балтимор.

Артур бил уапсен таму, по што летот продолжил кон Њуарк.

Американ ерлајнс потврди дека авионот бил пренасочен поради „патник што не го вознемирувал летот“.

„Безбедноста на нашите клиенти и вработени е наш врвен приоритет и ние не толерираме насилство“, соопшти компанијата.

Тагови: авион патници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Португалците излегоа на протести и блокади, откако цената на горивата достигна рекордно ниво

Новиот бран на поскапување на горивата во Португалија ја крена цената на дизелот на рекордно високо ниво, предизвикувајќи протести низ целата земја. 

Португалците излегоа на протести и блокади, откако цената на горивата достигна рекордно ниво

Зголемувањето на цените трае цела година, а денешното зголемување на цените предизвика блокади и протестни акции, пишува Euronews.

Утрово, возачите масовно протестираа со свирење на сирените на мостот „25 април“, клучен сообраќај што ги поврзува Лисабон и Алмада. Во исто време, на југот од земјата беше организирана протестна колона, која полека се движеше кон рафинеријата на Галп во Синес.

Протестот беше организиран преку социјалните мрежи и апликацијата WhatsApp, а продолжи и попладне без најавен крај. Агенцијата Lusa известува дека демонстрантите носеле транспаренти со пораките „Доста со зголемувањето на цените на горивата“ и „Семејствата не можат повеќе да издржат“.

Цените достигнаа нови рекорди

Португалскиот автомобилски клуб (ACP) проценува дека цената на дизелот се зголемила за 15 центи во понеделник, па затоа неговата цена сега е 2.169 евра за литар. Цената на бензинот се зголеми за 12 центи, на 2,142 евра за литар. Овие бројки не го вклучуваат намалувањето на акцизата за нафтени производи (ISP) воведено од владата како итна мерка. Без ова олеснување, зголемувањето на цената ќе беше уште поголемо, имено дополнителни 12 центи за дизелот и 9 центи за бензинот.

Според пресметките на порталот Dinheiro Vivo, ова е највисоката цена на дизелот некогаш забележана во Португалија. Цената на бензинот е на највисоко ниво од енергетската криза во 2022 година, предизвикана од руската инвазија на Украина. Цените на горивата растат низ цела Европа. Германскиот весник Frankfurter Allgemeine објавува дека цените во Германија исто така достигнале историски рекорди, при што бензинот го надминал нивото од март 2022 година од 2,203 евра за литар.

И покрај ова, Португалија се издвојува како една од најскапите земји. Податоците од порталот за цени на гориво, кој ги следи цените во 21 европска земја, покажуваат дека Португалија во понеделник била на 19-то место по цените на бензинот. Само Франција и Данска се поскапи. Ситуацијата е малку поповолна за дизелот, каде што Португалија е на 17-то место, пред Обединетото Кралство, Италија, Франција и Данска.

Тагови: горивата цената

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ирина Шајк предизвика воздишки во секси фустан на црвениот тепих во Венеција (ВИДЕО)

Манекенката Ирина Шајк се појави на црвениот тепих на 83-то издание на Венецискиот филмски фестивал. 

Ирина Шајк предизвика воздишки во секси фустан на црвениот тепих во Венеција (ВИДЕО)

Откако беше видена во текот на денот во хотелот Екселсиор на венецијанското Лидо, за вечерното појавување таа избра впечатлив црн фустан од модната куќа Долче и Габана кој ја нагласуваше нејзината фигура.

Шајк на тој начин им се придружи на бројните познати имиња кои пристигнаа во Венеција овие денови, каде што заедно со филмските премиери, традиционално се посветува големо внимание на модните изданија на црвениот тепих. Црниот фустан беше во согласност со препознатливата естетика на Долче и Габана, модна куќа со која Шајк претходно соработуваше.

Таа избра креација на Долче и Габана

За оваа пригода, таа избра креација инспирирана од препознатливата естетика на италијанската модна куќа, во која кроевите со корсет и моделите што ја нагласуваат силуетата имаат важно место со децении. Фустанот со крој со корсет има длабоко деколте и тесна силуета што ја следи фигурата.

Се издвојуваат деталите од црна кожа и врвките што се протегаат по страните на фустанот. Токму овие детали откриваат делови од кожата и дополнително ја нагласуваат фигурата, додека целосно црната комбинација му дава на целото издание драматичен изглед.

Шејк го искомбинираше фустанот со црни чевли со зашилен врв и многу висока потпетица. За накит, таа избра впечатлива светкава огрлица што беше во контраст со целосно црната комбинација.

Тагови: ирина шајк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер