Самит во Алјаска: Трамп и Путин без договор за војната во Украина - Канал 5

Свет

Самит во Алјаска: Трамп и Путин без договор за војната во Украина

Средбата со „високи влогови“ заврши без договор, но и Трамп и Путин - Алјаска ја напуштија со оптимизам..

Самит во Алјаска: Трамп и Путин без договор за војната во Украина

Синоќешниот самит во Енкориџ бил во добра атмосфера, успешен и продуктивен по многу точки, оценија и двајцата светски лидери. Американскиот претседател посочи дека до успех се доближуваат и по онаа најважната – Мир во Украина, но додека не се постигне договор, вели не договор не постои..

-Изгледите се добри дека ќе успееме, сега не, но имаме можност да стигнеме таму. Мислам дека имавме продуктивна средба, имаше многу точки, се согласивме на повеќето би рекол, за неколку големи се уште не стигнавме таму, но направивме напредок, така што, нема договор додека нема договор. Со нетрпение очекуваме да се справиме, да се обидеме и да го завршиме ова, направивме голем напредок денеска. Секогаш имав фантастичен однос со претседателот Путин, со Владимир,- -Доналд Трамп – Претседател на САД.

Тричасовниот разговор од кој засега не се обезбеди прекин на огнот како позитивен го оцени и рускиот претседател.. За договор, траен и долгорочен изрази подготвеност да работи, преку кој ќе треба да се искоренат причнините за конфликтот. Очекува конструктивност и од Киев и ЕУ, за да се отвори патот да заврши војната во Украина, која Путин за прв пат призна дека не би се случила со Трамп во „овалната соба“.

-Се обидов да му укажам на мојот претходен американски колега(Бајден) дека ситуацијата не требало да се носи до точка на неповрат во однос на непријателство и го кажав тоа прилично директно тогаш, дека е „голема грешка“. Денес, кога претседателот Трамп вели дека, ако тој бил Претседател тогаш не би имало војна, ја сум прилично сигурен дека ќе беше така, можам да го потврдам тоа. Ја имам секоја причина да верувам дека можеме да дојдеме до тоа, што порано тоа подобро, до крај на конфликтот во Украина,- -Владимир Путин – претседател на Русија.

Додека завршуваше оваа средбата и двајцата се обраќаа пред светската јавност која будно ги следеше, најавија нова, а ја навестија и можната локација, за која Трамп низ насмевка кажа дека може да биде жестоко напаѓан..

-Уште еднаш господине Претседател сакам да ви се заблагодарам и ќе зборуваме многу наскоро и веројатно ќе се видиме повторно наскоро. Ти благодарам Владимир. - Следен пат во Москва? - Ова е интересно, ќе добијам малку „жестоки напади“ поради тоа, но гледам можност тоа да се случи.

Трамп по средбата телефонски разговараше со НАТО и Зеленски, кој веќе во понеделник ќе отпатува на состанок со американскиот претседател во „овалната соба“ во Вашингтон.

Следен чекор да биде трилатерна средба Трамп – Путин – Зеленски побараа и Европските лидерите со заедничко соопштение, преку која би се ставил крај на војната со праведен и траен мир.

Тагови: Владимир Путин Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Демонстрации и во Швајцарија-барикади, судири со полиција..

Синоќа, во Цирих и Базел, Швајцарија избија немири за време на неодобрени демонстрации, при што демонстрантите палеле барикади и се судириле со полицијата.

Демонстрации и во Швајцарија-барикади, судири со полиција..

Во Цирих, неколку стотици луѓе се собрале во близина на улицата Лангштрасе и плоштадот Хелветија.

Според градската полиција, демонстрантите почнале да се собираат околу 22:30 часот, а некои од нив носеле маски за Ноќта на вештерките. Учесниците на неодобрениот протест направиле барикади од контејнери за ѓубре, електрични тротинети и други предмети, а потоа ги запалиле.

Според полициското соопштение, група насилни демонстранти ги нападнале полициските службеници со пиротехнички средства, камења и шишиња.

Полицијата одговорила со употреба на водени топови, солзавец и гумени куршуми. Во споредните улици дошло до нови судири со полицијата.

Оштетени биле прозорци и инвентар, вклучително и прозорците на станицата за јавен превоз „Штауфахер“ (Stauffacher), како и излозите во близина на плоштадот „Хелветија“ (Helvetia). На улицата „Цвинглиштрасе“ (Zwinglistrasse) бил запален автомобил.

Нешто по полноќ, група демонстранти нападнала и полициска патрола, која била повикана да интервенира поради повредено лице.

Полициското возило било оштетено, а полицајците морале да застанат на страна пред да успеат да му помогнат на повредениот тинејџер.

Од полицијата изјавија дека интервенциите биле дополнително отежнати од бројни набљудувачи, од кои некои фотографирале пред луѓе што активирале пиротехнички средства или пред запалени барикади. Ситуацијата главно се смири околу 01:30 часот по полноќ. Висината на причинетата материјална штета сè уште не е утврдена.

Тагови: демонстранти Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Бугарија избира претседател: Илијана Јотова и Андреј Ѓуров во вториот круг

Во Бугарија се одржуваат избори на кои граѓаните на земјата ќе го изберат својот седми претседател. 

Бугарија избира претседател: Илијана Јотова и Андреј Ѓуров во вториот круг

Кандидати се Илијана Јотова, вршител на должноста претседател на Бугарија, и Андреј Ѓуров, поранешен привремен премиер и поранешен гувернер на Централната банка на Бугарија.

Во првиот круг од изборите, одржан пред една недела, ниту еден од 27-те претседателски кандидати не ја обезбеди поддршката потребна за победа во првиот круг, пренесува БТА.

Според Централната изборна комисија на Бугарија, право на глас имаат речиси 6,6 милиони граѓани, а 9.373 избирачки места ќе бидат отворени од 07:00 до 20:00 часот по локално време.

Гласачите исто така ќе гласаат и за кандидати за потпретседател.

Кандидат за потпретседател во тимот на Илијана Јотова е Кирил Влчев; тие ја уживаат поддршката на владејачката партија „Прогресивна Бугарија“ и на Социјалистичката партија. Кандидат за потпретседател во тимот на Андреј Ѓуров е Георги Кандев; тие се поддржани од прозападните опозициски сили.

ЦИК ќе ги објави конечните резултати од претседателските и потпретседателските избори во рок од три дена по гласањето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Русија гради огромен радар во Калининград, ќе може да ја следи речиси цела Европа

Русија е сè поблиску до активирање на своето „ново око“ над Европа. 

Русија гради огромен радар во Калининград, ќе може да ја следи речиси цела Европа

Според медиумските извештаи, изградбата на огромен радарски комплекс во Калининград – руска област со силно воено присуство – е речиси завршен, пишува „Дојче веле“.

Гледано од воздух, трите крака на овој простран комплекс, од кои секој е долг повеќе од 500 метри, изгледаат како трага оставена од некоја вонземска форма на живот среде инаку недопрена шума.

Објектот, исто така, би можел да се спореди со платформа за слетување или лансирање, наменета за широката разузнавачка мрежа на Москва.

Безбедносниот аналитичар Вајдотас Малинионис вели дека радарот е толку голем што може да „гледа“ зад закривеноста на Земјата. Еден поранешен литвански командант изјави за „Дојче веле“ дека радарскиот систем за надзор преку хоризонтот (OTH), кој се гради во близина на Гвардејск, ќе има домет од околу 3.000 километри.

Ова би ѝ овозможило на Москва да ја контролира речиси цела Европа, како и целата територија на Украина.

Според извештаите, системот би ѝ овозможил на Русија да пресретнува сателитски комуникации и да го детектира движењето на летала и балистички ракети.

„Целта и намената на овој радар е набљудување на цели на големи растојанија и можност за рано предупредување. Сè уште не знаеме дали тој е оперативно способен да ги извршува тие задачи, но секако е во фаза на изградба“, додаде тој.

Според „Тајмс“, ICEYE смета дека проширувањето на рускиот систем за надзорни радари со дострел зад хоризонтот покажува оти Калининград се развива во центар за напредни воени сензори и системи за електронско војување.

„Новиот радар укажува на засилување на конкуренцијата меѓу Русија и НАТО за воена надмоќ и контрола врз Калининградската област“, ​​истакна летонскиот геополитички аналитичар Евија Џатковица.

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер