Свет

САД вршат притисок врз Израел да овозможи излез на 150 борци на Хамас од тунелите

САД и други медијатори вршат притисок врз Израел да им дозволи на околу 150 членови на палестинското движење Хамас, кои се кријат во тунели во Газа, да ги напуштат подземните засолништа .

САД и други медијатори вршат притисок врз Израел да им дозволи на околу 150 членови на палестинското движење Хамас, кои се кријат во тунели во Газа, да ги напуштат подземните засолништа во замена за предавање на нивното оружје, објави „Фајненшл тајмс“ (FT), повикувајќи се на извори.

Според британскиот весник, специјалниот претставник на американскиот претседател Доналд Трамп, Стив Виткоф, го разгледал ова прашање со израелскиот министер за стратешко планирање Рон Дермер и турскиот министер за надворешни работи Хакан Фидан.

Виткоф подоцна изјави дека исходот од разговорите ќе биде „тест“ за напорите за разоружување на Хамас.

Извор запознаен со преговорите изјави дека Израел првично бил подготвен да прифати предлог борците на Хамас да ги напуштат тунелите откако ќе го положат оружјето, но на тоа се спротивставиле крајнодесничарските членови на владата на Бенјамин Нетанјаху, вклучувајќи го и министерот за финансии Безалел Смотрич.

Истиот извор наведува дека ослободувањето на членовите на Хамас, дури и без оружје, би било спротивно на целите на израелската воена кампања во Газа.

Според „ФТ“, борците за кои станува збор се наоѓаат во тунели во јужниот дел на Појасот Газа, во рамките на таканаречената „жолта линија“, која е под контрола на израелската армија во согласност со сегашниот прекин на огнот.

Прекинот на огнот меѓу Израел и Хамас стапи на сила на 10 октомври, а како дел од овој договор, Хамас ослободи 20 заложници кои беа заробени од 7 октомври 2023 година, што значи дека сите преостанати живи заложници беа вратени во Израел.

За возврат, израелските власти ослободија околу 2.000 палестински затвореници од затвор, вклучувајќи ги и оние осудени на доживотни затворски казни за терористички дела.

Хамас моментално ги враќа во Израел останките на заложниците кои починаа во заробеништво. Досега се предадени 22 тела, додека според израелските податоци, останките на уште шест заложници сè уште се во Газа.

Тагови: Израел Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ИН МЕМОРИАМ: Почина познатиот македонски специјалист радиолог д-р Душан Јовановски

По кратко боледување почина истакнатиот македонски лекар, д-р Душан Јовановски, специјалист радиолог со над четири децении кариера во здравството.

Д-р Јовановски, својот професионален пат го започна во Здравствениот дом Кратово во 1989 година, каде беше и Директор од 2005 до 2009.

Од 1987 до 1997 беше спортски доктор на фудбалскиот клуб Силекс, а во периодот од 2000 – 2005 и спортски доктор на Националниот фудбалски тим на Република Македонија

Последните 17 години беше незаменлив дел од тимот на МЕГАМЕД ПЛУС. Колегите и пациентите ќе го паметат како врвен радиодијагностичар со огромна емпатија и висока стручност, кој спаси стотици човечки животи.

Со неговото заминувањето ќе остане огромна празнина во јавното и приватното здравство.

Последниот поздрав ќе се одржи во Четврток, 25 Јуни 2026, од 09:00 до 10:00 часот на гробиштата Ѓорче Петров во Скопје

Нека почива во мир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Уништени две хемиски гранати со боен отров од Првата светска војна

На стрелиштето Криволак уништени две хемиски гранати со боен отров од Првата светска војна.

На стрелиштето Криволак уништени две хемиски гранати со боен отров од Првата светска војна, информира директорот на Дирекцијата за заштита и спасување, Стојанче Ангелов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претставена „Везилка“ - Македонија добива национална фабрика за вештачка интелигенција

Проектот „Везилка“ – Национален центар за вештачка интелигенција, денеска беше официјално презентиран.

Станува збор за иницијатива што треба да ја поврзе домашната научна заедница, државните институции и приватниот сектор со европската инфраструктура за развој на вештачка интелигенција.

На промоцијата беше истакнато дека „Везилка“ не претставува самостојна „фабрика за вештачка интелигенција“, туку таканаречена „АИ антена“ – национален центар поврзан со европската АИ фабрика „Фарос“ во Грција. Преку ова партнерство, македонските истражувачи, стартапи, компании и јавни институции ќе добијат пристап до европски суперкомпјутерски капацитети, вклучително и суперкомпјутерот „Даедалус“, како и до напредни бази на податоци и специјализирани алатки за развој на модели со вештачка интелигенција.

Проектот чија реализација е планирана за три години, има вкупен буџет од околу 6,2 милиони евра. Од нив, приближно 3,1 милиони се обезбедени како грант од Европската Унија додека останатите средства се кофинансирани од државата.

„Везилка“ е вложување во иднината, во потенцијалот на македонските научници, истражувачи, студенти и компании. Тоа е и јасна определба државата да биде активен учесник во технолошките процеси што го обликуваат современиот свет - Христијан Мицкоски- претседател на владата

проектот претставува историски чекор во дигиталниот развој на државата и обид да се изгради траен систем, наместо да се реализираат поединечни и краткорочни проекти, посочи министерот Андоновски.

Целта на Везилка,се конкретни решенија базирани на вештачка интелигенција – од македонски јазични модели и дигитализација на културното наследство, до анализа на здравствени податоци, оптимизација на енергетските системи, автоматизација на административните услуги и примена на паметни технологии во земјоделството.

Покрај истражувачката компонента, „Везилка“ ќе функционира и како центар за обука и развој на кадри..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.