Вашингтон ќе купи и дистрибуира 500 милиони дополнителни дози Pfizer / BioNTech за земјите во развој.
Така, двојно зголемениот број дози што треба да ги распределат САД ќе достигне скоро 1,1 милијарда, изјавиле извори.
Веста официјално ја објави денеска американскиот претседател Џо Бајден на виртуелниот самит што го организира во борбата против пандемијата.
"Тоа е огромен ангажман на Соединетите држави. За секоја доза што ја даваме во нашата земја, ќе им дадеме три дози на другите држави",рече Бајден.
Вакцините ќе се купат по пазарна цена и ќе бидат упатени до примателот преку меѓународниот механизам Ковакс.
До денес, САД испратиле околу 160 милиони дози во повеќе од 100 различни земји.
Самитот треба да трае четири часа и да собере практично лидери од повеќе од 100 земји.
Џо Бајден на настанот објави „амбициозна цел“ за секоја земјите, вклучително и најсиромашните, да „достигне стапка на вакцинација од 70 проценти“, пред следната сесија на Генералното собрание на ОН, а тоа значи за една година.
Досега во светот се инјектирани повеќе од шест милијарди дози на вакцина против ковид, според Франс прес, врз основа на нивните записи. Сепак, посочува АФП, зад таа бројка стојат огромни нееднаквости, бидејќи во најсиромашните земји, стапката на вакцинација е само 2 проценти.
Според населението меѓу земјите со повеќе од милион луѓе, Обединетите Арапски Емирати се светски шампион во вакцинацијата: 198 дози на 100 жители и повеќе од 81 проценти од таа популација е целосно вакцинирана.
По нив следуваат Уругвај, Израел, Куба, Катар и Португалија.
На спротивниот крај од скалата се три земји кои дури не започнале со вакцинација, и тоа Бурунди и Еритреја во Африка и Северна Кореја во Азија.
Пандемијата однесе повеќе од 4,7 милиони животи ширум светот од крајот на декември 2019 година.
Светската здравствена организација (СЗО) проценува дека директниот или индиректниот биланс на смртност кај ковид -вирусот е веројатно два до три пати поголем од официјалните податоци.
СЗО постојано ги повикува богатите нации да помогнат повеќе да се вакцинираат најсиромашните и најранливите земји, наместо да ја вакцинираат сопствената популација со третата, дополнителна доза, а таква операција предвидува администрацијата на Џо Бајден.