Собранието денеска го изгласа Законот за државната ревизија, којшто претставува значаен чекор во натамошното унапредување на системот на јавните финансии, јакнењето на институционалната независност на Државниот завод за ревизија и зголемувањето на отчетноста и транспарентноста во управувањето со јавните средства.

Основната цел на Предлог законот е да се создаде појасна, посовремена и поефикасна законска рамка за вршење на државната ревизија, усогласена со меѓународно прифатените стандарди и принципи за работа.

Предложениот закон воспоставува посовремена рамка за функционирање на Државниот завод за ревизија, со посилен акцент на неговата независност, професионалност, транспарентност и квалитетот на ревизорската работа.

Крајната цел е државната ревизија да има уште посилен придонес кон законско, економично, ефикасно и ефективно користење на јавните средства, како и кон поголема отчетност на институциите пред Собранието и пред граѓаните.

Една од клучните новини на Законот е во насока на дополнителното зајакнување на независноста на Државниот завод за ревизија. Со Предлог-законот јасно се утврдува дека ДЗР самостојно и независно одлучува кои ревизии и кои субјекти ќе бидат вклучени во Годишната програма за работа.Исто така Предлог-законот го прецизира и опсегот на државната ревизија. Покрај институциите и другите субјекти кои располагаат со јавни средства, се предвидува можност за ревизија и кај субјекти поврзани со субјектите на ревизија, кога постои економски, финансиски или друг вид интерес и кога се користат средства кои претставуваат јавни расходи.

Значајни новини се предвидуваат и во однос на изборот и статусот на главниот државен ревизор и неговиот заменик, во насока на зајакнување на професионалните критериуми за избор и се прошируваат и надлежностите на главниот државен ревизор. Посебно внимание е посветено и на професионализацијата на Државниот завод за ревизија и развојот на човечките ресурси.

Важен сегмент од реформата е и зајакнувањето на транспарентноста и следењето на ефектите од државната ревизија. Со Предлог-закон се посветува внимание и на следењето на степенот на спроведување на дадените препораки кое се поставува како јасно дефинирана постапка. Ова особено од причина што крајната цел на државната ревизија не е само да ги констатира слабостите, туку да придонесе тие да бидат отстранети и да се подобри управувањето со јавните средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонската банкарска асоцијација ја информира јавноста дека во текот на месец ноември започнува примената на донесените регулаторни промени со кои се воведуваат промени во платните налози, ознаките за целта на плаќањето и начинот на означување на платежните сметки.

Промените произлегуваат од Законот за платежни услуги и платни системи и од соодветните подзаконски акти на Народната банка на Република Македонија. Нивното започнување на примена е поврзано со модернизацијата на платните системи во земјата.

За граѓаните и компаниите, најважно е дека бројот на нивната сметка не се менува. При плаќање, платежната сметка ќе се користи во ИБАН - формат, односно со додавање на ознаката МК07 пред постојниот број на сметката. Приспособувањето во електронското и мобилното банкарство ќе го направат банките.

Ќе започнат со примена и нови, стандардизирани платни налози, кои ќе ги заменат досегашните обрасци ПП10, ПП30, ПП40, ПП50 и ПП53. Новите обрасци ќе се користат и во хартиена и во електронска форма.

Промена има и кај ознаките за целта на плаќањето. Досегашните нумерички шифри ќе бидат заменети со нови четиризнаковни ознаки, со што ќе се овозможи попрецизно наведување на намената на плаќањето и подобра обработка на податоците.

Компаниите кои користат автоматизирана размена на налози, сметководствени и или други интегрирани решенија, кај кои може да бидат потребни соодветни приспособувања, ќе бидат информирани од страна на банките, согласно законските рокови и насоките од регулаторот.

Промените се дел од процесот на понатамошно стандардизирање и модернизирање на националниот платен промет, подобрување на квалитетот и структурираноста на податоците и создавање услови за поефикасна обработка на платежните трансакции.

Банкарскиот сектор во изминатиот период презема активности за техничко и организациско усогласување со новите стандарди, со цел нивната примена да се одвива непречено и без прекини за корисниците на платежни услуги.

МБА(Македонска банкарска асоцијација) ги охрабрува граѓаните и компаниите навремено да ги следат известувањата и практичните упатства што ќе ги објавуваат нивните банки во однос на новите платни налози, користењето на ИБАН и другите промени поврзани со примената на новите стандарди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Овие лица се осомничени за кривичното дело јавно поттикнување на насилство и омраза.

„Шест лица се наоѓаат во затвор, едно лице синоќа му беше предадено на надзорникот на притворот, а во однос на уште едно лице се спроведува кривична истрага и тоа во текот на денот ќе биде предадено на надзорникот на притворот“, соопштија од сплитската полиција, а пренесе агенцијата „Срна“. Во соопштението се додава дека кривичната истрага продолжува.

Порталот „Индекс“ наведува дека меѓу осомничените се Стипе Лекиќ, поранешен секретар на „Торцида“ – навивачката група на „Хајдук“ и еден од предводниците на навивачката поворка, како и Леонардо Вучко од Омиш.

Двајцата синоќа ѝ се предале на полицијата, откако претходно полициски службеници трагале по нив.

На Фејсбук-страницата „Татко на улиците, мајка на Торцида“ беше објавена нивна заедничка фотографија пред сплитскиот затвор во Билице.

На фотографијата тие држат црна маица со натпис „Новинари – црви“, додека Лекиќ позира со крената тупаница.

Во март, Лекиќ беше прогласен за виновен од страна на Општинскиот прекршочен суд во Сплит за пеење усташки песни за време на натпреварот помеѓу Хајдук и Славен Белупо.

Според хрватскиот закон, кривичното дело јавно поттикнување на насилство и омраза се казнува со затворска казна во траење до три години. За организирање или предводење на група со цел извршување на тоа кривично дело, предвидена е казна затвор од шест месеци до пет години.

На 15 октомври, навивачите на Хајдук, движејќи се во организирана колона по улиците на Сплит пред натпреварот со Ајакс, извикуваа нацистички и антисемитски пароли – „Стани, Адолф!“, „Аушвиц, Аушвиц!“, „Газете, згазете ги Евреите!“.

Тие исто така пееја стихови за спалувањето на Евреите во концентрационите логори, како и навредливи стихови упатени кон Ана Франк, девојчето кое настрада во логорите. На чело на поворката се наоѓаше автомобил со симболичен ковчег на кој беше испишано името „Ајакс“, а кој навивачите подоцна го искршија.

Инаку, „господарите од морето“ го совладаа холандскиот тим со резултат 2:1 во првиот натпревар од групната фаза на едно натпреварување на УЕФА, по пауза од 16 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.