По оваа одлука, се очекува вакцината да биде достапна за 28 милиони деца во САД, од кои многу се вратија на училиште. Одлуката е донесена откако експертската комисија во вторникот препорача нејзино одобрување.
Советодавниот одбор на Центрите за контрола и превенција на болести на САД (ЦДЦ) треба да се состане следната недела за да ги разгледа препораките за употреба на вакцини во таа возрасна група. Директорот на ЦДЦ ќе го има последниот збор.
Само неколку други земји, вклучувајќи ги Кина, Куба и Обединетите Арапски Емирати, досега имаат одобрено вакцини за деца од оваа возрасна група и помлади. FDA одобри доза на Pfizer вакцина од 10 микрограми за мали деца, во споредба со доза од 30 микрограми за деца на возраст од 12 години и постари.
Pfizer и BioNTech објавија дека нивната вакцина била 90,7 отсто ефикасна против коронавирус во клиничкото испитување на деца на возраст од пет до 11 години.
Иако децата се релативно ретко тешко болни или умираат од коронавирус во споредба со возрасните, некои деца имаат компликации, а инфекцијата кај невакцинираните деца е во пораст поради лесно преносливата делта варијанта на вирусот. Податоците на Американската академија за педијатрија покажуваат дека повеќе од 500 американски деца починале од корона.