САД и Унгарија потпишуваат голем договор за нуклеарна енергија: По првпат американско гориво за „Пакш“ - Канал 5

Свет

САД и Унгарија потпишуваат голем договор за нуклеарна енергија: По првпат американско гориво за „Пакш“

Шефовите на дипломатиите на САД и Унгарија, Марко Рубио и Петер Сијарто, денеска ќе потпишат меѓувладин договор за соработка во областа на нуклеарната енергија, соопшти унгарскиот министер за надворешни работи и трговија.

САД и Унгарија потпишуваат голем договор за нуклеарна енергија: По првпат американско гориво за „Пакш“

Сијарто од Вашингтон изјави дека Унгарија во последните години континуирано урива рекорди во инвестициите, се градат и се планираат огромни фабрики, а нивното работење бара зголемени количини на електрична енергија. Според него, ова може да се обезбеди на сигурен, стабилен, евтин и еколошки прифатлив начин на долг рок само преку нуклеарна енергија.

- Затоа, во однос на енергетската безбедност на Унгарија и заштитата на резултатите од намалувањето на трошоците за комунални услуги, клучно е да можеме да ги зголемиме нашите нуклеарни енергетски капацитети. А за да го зголемиме нашиот нуклеарен капацитет, ни требаат повеќе елементи за нуклеарно гориво, нагласи Сијарто.

Како резултат на договорот, првпат во унгарската енергетска историја ќе се купуваат и американски елементи за нуклеарно гориво, покрај одржувањето на постојните снабдувачки односи. Дополнително, ќе се набави најсовремена американска технологија за безбедно складирање на искористените елементи за гориво во нуклеарната централа „Пакш“, без потреба од нивно транспортирање на друго место.

Сијарто се осврна и на соработката околу мали модуларни реактори (SMR), кои ќе можат да го покријат снабдувањето со енергија на поголема индустриска област или град. - Значи, сега ги имаме овие три области: елементи за нуклеарно гориво, соодветно складирање на искористените елементи за гориво и мали нуклеарни централи. Се договоривме за овие три прашања, истакна министерот.

Тој потсети и на проширувањето на „Пакш“, чија изградба претходната американска администрација ја ставила на листата на санкции, што го запрело проектот со месеци. Сијарто изрази надеж дека на денешната средба ќе се договори продолжување на изземањето од санкции за проширувањето на „Пакш“, кое сега важи до декември, особено што во изградбата учествува и американска компанија (IBM) преку меѓународен конзорциум за дигитализација.

На крајот, Сијарто ја поздрави промената во билатералните односи по повторниот избор на претседателот Доналд Трамп, истакнувајќи дека претходната администрација наметнала политички санкции и ја блокирала соработката. Тој апелираше дека е важно „да нема правни пречки за набавките неопходни за енергетското снабдување на Унгарија“ и дека е потребно Американците да ѝ дадат на Унгарија изземање од санкции во случај на набавка на сурова нафта и природен гас, со цел да се зачува енергетската безбедност и ниските комунални трошоци за граѓаните.

Тагови: САД Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Градежништвото останува еден од најсилните двигатели на домашната економија, што јасно го потврдуваат најновите податоци на Државниот завод за статистика за првиот квартал од 2026 година.

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Според државната статистика, градежниот сектор во првото тромесечје од оваа година бележи раст од 7,2 проценти во споредба со истиот период минатата година.

Овие бројки претставуваат силен показател за континуираната градежна активност низ целата држава, како и за успешната реализација на капиталните инвестиции кои се од клучно значење за економскиот развој.

Особено охрабрувачки е фактот што во сегментот на нискоградбата е регистриран двоцифрен раст од над 20 индексни поени. Овој сегмент ги опфаќа инвестициите во изградба на автопати, експресни патишта, регионални и локални патишта, како и железницата, кои Владата преку Министерството за транспорт ги реализира со високо ниво на посветеност и одговорност.

Растот во нискоградбата е директен резултат на засилените активности на терен и силната динамика со која се реализираат капиталните проекти.

Автопатиштата на Коридор 8 и 10 д, се градат со силна динамика, а паралелно со тоа се инвестира и во железничката инфраструктура, што претставуваат клучен сегмент за долгорочниот економски развој, регионалното поврзување и зголемувањето на конкурентноста на економијата.

Дополнително, Државниот завод за статистика објави дека стапката на раст на бруто-домашниот производ (БДП) во првото тримесечје од 2026 година изнесува 3,1 процент.

Овој резултат претставува јасен показател дека економијата расте, дека инвестициите даваат резултати и дека развојните политики на Владата создаваат реални ефекти во стопанството.

Резултатите што ги објави ДЗС, се потврда дека државата се движи во вистинска насока, градежништвото останува мотор на економскиот развој, а инфраструктурните проекти силно го поддржуваат растот, развојот и креираат подобра иднината на државата.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер