Руте: Од САД слушнавме јасна посветеност на НАТО, но и очекување за поголеми одбранбени трошоци - Канал 5

Свет

Руте: Од САД слушнавме јасна посветеност на НАТО, но и очекување за поголеми одбранбени трошоци

Консензусот од дискусиите на дводневниот состанок на министрите за надворешни работи на земјите членки на НАТО е дека како што светот станува поопасен, така и Алијансата станува попотребна од кога било досега.

Руте: Од САД слушнавме јасна посветеност на НАТО, но и очекување за поголеми одбранбени трошоци

Консензусот од дискусиите на дводневниот состанок на министрите за надворешни работи на земјите членки на НАТО е дека како што светот станува поопасен, така и Алијансата станува попотребна од кога било досега, изјави генералниот секретар на Пактот, Марк Руте на денешната прес-конференција по завршувањето на министерската средба во Брисел.

- Сојузниците слушнаа многу јасна порака од (американскиот државен) секретар (Марко) Рубио за посветеноста на САД кон НАТО, но исто така и многу јасно очекување дека Европа и Канада мора да преземат поголема одговорност за нашата заедничка безбедност и да продолжат да ги зголемуваат трошоците за одбрана, рече Руте.

Тој нагласи дека членките на НАТО се обединети во својата посветеност еден кон друг, која не е само принципиелна, туку е заснована на заедничките вредности и историја.

- Се соочуваме со реални закани за нашата безбедност, најдиректни од Русија, но и од други држави и недржавни актери - на Далечниот север, на југ, на Источното крило и во кибер просторот. Без оглед на предизвиците со кои се соочуваме, треба да се погрижиме да ги имаме неопходните сила и способност за да ја одвратиме агресијата и да се браниме ако некој направи грешка и не нападне, рече Руте.

За да може да се оствари тоа, според него, потребно е сојузниците повеќе да инвестираат во одбрана, што веќе и го прават, како и да го зголемат и забрзаат одбранбеното производство и да ја намалат бирократијата и бариерите за со кои тоа се соочува, со цел да се задоволи побарувачка за повеќе одбранбени капацитети.

Тој потсети дека на состанокот, министрите од членките на НАТО имаа средба и со нивните колеги од земјите сојузници и партнерите од Индо-пацифичкиот регион - Австралија, Јапонија, Јужна Кореја и Нов Зеланд.

- Безбедноста на Индо-Пацификот и Евроатлантскиот регион е поповрзана од кога било досега. Војната против Украина е само еден пример за тоа, бидејќи Кина, Северна Кореја и Иран продолжуваат да ја поддржуваат руската воена машинерија. Тоа претставува ризик за сите нас, но ние сме внимателни на тие ризици и решени се да се осигураме дека сме опремени да ги надминеме, истакна Руте, додавајќи дека затоа е потребно да продолжи зајакнувањето на меѓусебните врски и продлабочувањето на партнерствата, вклучително и во одбранбената индустриска соработка.

Руте потсети дека на состанокот присуствуваше и украинскиот министер за надворешни работи Андриј Сибиха, кој ги информирал своите колеги од НАТО за најновата ситуацијата на теренот, а тие, пак, го увериле во продолжувањето на нивната континуирана поддршка за Украина во нејзината сегашна борба, како и во изградбата на нејзините вооружени сили за иднината.

- Дискутиравме за важните разговори што ги водат САД со Украина, како и со Русија, за да се обидат да ја доведат војната до праведен и траен крај. Ние го поддржуваме притисокот за мир, а сојузниците, вклучително и преку напорите предводени од Франција и Велика Британија, покажаа дека се подготвени, спремни и способни да преземат поголема одговорност за да помогнат да се гарантира мирот кога ќе дојде време за тоа, посочи Руте.

Тој додаде дека министрите разговарале и со високата претставничка на ЕУ за надворешни работи и безбедносна политика Каја Калас за тоа како можат НАТО и Унијата да работат заедно за зголемување на трошоците за одбрана и на одбранбеното производство.

- Трансатлантските односи остануваат камен-темелник на европската безбедност и на глобалната стабилност. Вклучувањето во тоа и на сојузниците кои не се членки на ЕУ ќе остане суштинско. Но, ние треба да ја надградиме оваа единствена можност за уште повеќе да ја зајакнеме соработката НАТО-ЕУ. Сите ќе добиеме ако работиме заедно, додаде генералниот секретар на Алијансата.

Руте потсети и дека на денешен ден пред 76 години 12 земји го потпишаа Договорот со кој се создаде НАТО.

- Низ годините, работејќи заедно, сојузниците обезбедуваа безбедност по пат на сила. Од се што слушнав во последните два дена, на добар пат сме да продолжиме да испорачуваме и во иднина, додаде Руте на прес-конференцијата по завршување на состанокот на кој учествуваше и министерот за надворешни работи и надворешна трговија Тимчо Муцински.

Тагови: Марк Руте НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер