Руските сопственици се согласија да го продадат својот удел во НИС, најави српската министерка Ѓедовиќ Хандановиќ - Канал 5

Балкан

Руските сопственици се согласија да го продадат својот удел во НИС, најави српската министерка Ѓедовиќ Хандановиќ

Руските сопственици се согласија да го продадат својот удел од 56,15 отсто во Нафтена индустрија на Србија (НИС), изјави денеска министерката за рударство и енергетика на Србија, Дубравка Ѓедовиќ Хандановиќ.

Руските сопственици се согласија да го продадат својот удел во НИС, најави српската министерка Ѓедовиќ Хандановиќ

Таа истакна дека името на третата страна не се открива бидејќи станува збор за деловни разговори на сериозни компании.

„Додека не се завршат разговорите или барем не се дефинираат најважните детали, нема да се зборува за тоа. Ништо не е скриено од јавноста. Како што видовте, досега комунициравме многу транспарентно за се. Нашето барање е јасно, односно рафинеријата мора да продолжи да работи и што е можно поскоро да се обезбеди нов проток на нафта. Во Србија од Јанаф не пристигнала нафта 43 дена, граѓаните не го почувствуваа тоа, токму затоа што работевме напорно за да бидеме подготвени за сите сценарија ако и кога ќе има предизвик со Нафтената индустрија на Србија“, рече министерката.

НИС, преку своите адвокати во САД, поднесе барање до американската Влада за продолжување на лиценцата за работа, за да може да продолжи да испорачува нафта, за рафинеријата да продолжи со работа.

„Сега чекаме одлука на американската Влада за да кажеме дали тоа што го предложија е во ред“, објасни Ѓедовиќ Хандановиќ.

На 18 ноември, НИС поднесе ново барање за издавање посебна лиценца до Канцеларијата за контрола на странски средства (OFAC) на Министерството за финансии на САД, барајќи непречено работење на компанијата, објави НИС претходно денеска.

Тагови: НИС Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

46. Марш за ангелите во Кочани: Ќе се бориме до последен момент за вистината

Родитeлите и блиски на загинатите во пожарот во квазидискотеката „Пулс“ во Кочани вчера го одржаа 46. по ред марш кој почна во Паркот на револуцијата.

46. Марш за ангелите во Кочани: Ќе се бориме до последен момент за вистината

Носеа транспаренти на кои пишуваше „Корумпираната држава ни ги украде децата“, како и „Ние родителите, скапо го плативме данокот на корупцијата“...

Маршираа низ трговскиот центар со кратки запирања пред зградите на УЈП и полициската станица.

Обраќање за јавност имаше пред Основниот суд, во кое реагираа на привременото отстранување од постапката на обвинителката Наташа Сарамандова, што се случи на последното рочиште на барање на адвокати на обвинетите.

Тие побараа нејзино изземање, поради, како што наведоа, пристрасно постапување при презентација на доказите со исклучување на елементи од доказите кои се од суштинско значење, а за барањето треба да одлучува државниот јавен обвинител Ненад Савески.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ужас во Струга: Мајка си ги оставила двете деца да спијат во автомобилот, додека била на работа

ОВР  Струга поднесе кривична пријава против Н.С.(42) од струшко село, поради постоење основи на сомнение за сторено кривично дело „запуштање и малтретирање дете“ по чл.201, став 1 од Кривичниот законик. 

Ужас во Струга: Мајка си ги оставила двете деца да спијат во автомобилот, додека била на работа

Пријавената, во вечерните часови на 08/09.06.2026 година, ги оставала своите две малолетни деца да спијат во нејзиното возило додека била на работа.

Во координација со јавен обвинител, полициски службеници презеле мерки и во паркираното возило на земјен паркинг на улицата „Владо Малески“ во Струга ги затекнале децата како спијат, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возеле камиони во спротивна насока на патот Гостивар- Тетово, двајцата се уапсени

Лишени од слобода двајца возачи затоа што возеле во спротивен правец на патот Гостивар-Тетово, следуваат кривични пријави.

Возеле камиони во спротивна насока на патот Гостивар- Тетово, двајцата се уапсени

На 27.06.2026 во 11:30 часот на патот Гостивар- Тетово, полициски службеници од Полициската станица за безбедност на патниот сообраќај Тетово го лишија од слобода В.М. (30) од с. Боговиње, затоа што со товарно моторно возило „мерцедес“ со тетовски регистарски ознаки, се движел во спротивен правец од дозволениот правец на движење.

Исто така, на 27.06.2026 во 12:30 часот, на патот Гостивар– Тетово, кај наплатната рампа Тетово, полициски службеници го лишија од слобода и М.Д. (55) од с. Фалише, затоа што со товарно возило „фолксваген“ со тетовски регистарски ознаки, се движел во спротивен правец од дозволениот правец за движење.

Двајцата се приведени во полициска станица и по документирање на случаите, против нив ќе бидат поднесени соодветни пријави, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер