Енергетската компанија Burisma Holdings Ltd беше во центарот на напорите на американскиот претседател Доналд Трамп минатиот јули да изврши притисок врз украинските власти да го испитаат Бајден за наводна корупција.
Како резултат, покренато е обвинение за злоупотреба на службената должност и опструирање на Конгресот , со што почна процесот отповикување на Трамп.
Безбедносната компанија со седиште во Калифорнија, го идентификуваше хакерскиот напад и го поврза со главниот руски воен разузнавачки оддел, ГРУ.
Истата хакерска група позната како „ Fancy Bear “ го хакираше Демократскиот национален комитет во 2016 година, како дел од она што американските иследници го означиле како операција за нарушување на изборите во САД.
„Може да видите дека нападот навистина започнува паралелно со она што го видовме во 2016 година“, рече извршниот директор на американската фирма за сајбер безбедност Area 1 , Орен Фалковиц.
Извори блиски до украинската компанија Бурисма за Ројтерс изјавиле дека во изминатите шест месеци повеќепати се обидувале да ја хакираат веб-страницата на компанијата, но нема други детали.
Упадот на украинската компанија Бурисма може да даде увид во пораките испратени или примени од Хантер Бајден, или пораки за него. Хантер беше на врвот на компанијата меѓу 2014 и 2019 година.
Истекувањето украдени податоци потенцијално може да влијае на процесот на отповикување на Трамп и на изборите во САД.