Руските астронаути објавија снимка по инцидентот на Меѓународната вселенска станица (ВИДЕО)

Руските астронаути снимиле кратка видео турнеја низ внатрешноста на модулот за истражување на Меѓународната вселенска станица (ИСС), во која се случи несреќата во четвртокот, неколку часа по слетувањето.

Поради грешката, целата станица накратко била надвор од контрола.

Целата вселенска станица со седум членови на екипажот во четвртокот била исфрлена од својата нормална орбита, која се наоѓа на околу 400 километри над Земјата, а експертите велат дека несреќата била предизвикана од грешка во компјутерската програма, но исто така е можно и да била човечка грешка.

Видеото, објавено доцна синоќа, покажува како астронаутите Олег Новицки и Пјотр Дубров ги отвораат вратите од делот за истражување, односно модулот „Наука“, каде што се случила несреќата, и го обиколуваат нејзиниот ентериер, објави руската вселенска агенција Роскосмос.

Според извештајот за несреќата објавен од НАСА, шефот на мисијата веднаш прогласил вонредна состојба бидејќи експертите на Земјата работеле брзо за да ја вратат стабилноста на истражувачкиот сателит што е можно поскоро.

Според НАСА и Роскосмос, членовите на екипажот на Меѓународната вселенска станица - двајца руски астронаути, тројца американски и по еден астронаут од Јапонија и Франција - во ниту еден момент не биле изложени на директна опасност.

Според Ројтерс, руската агенција Роскосмос, која неделава објави дека во ноември планира да лансира уште еден истражувачки модул како дел од Меѓународната вселенска станица, неодамна претрпеле серија несреќи и скандали поврзани со корупција. Меѓу другото, за време на изградбата на космодромот Восточни на крајниот исток од земјата, изведувачите биле обвинети за проневера на државни пари.

Тензично на релација Белград-Приштина

Нови тензии на релација Белград – Приштина откако рано утринава косовските специјални сили „РОСУ“ се распоредија на двата административни премини Јариње и Брњак на северот од Косово.

Целта како што соопштија косовските власти е спроведување на бриселскиот договор и обезбедување на привремени регистарски таблички за возилата со српски ознаки. Ваквиот потег наиде на негодување од тамошното српско население кое излезе на протести и блокади.

Ова е мирен протест, ние сакаме да протестираме и не ви правиме проблеми. Имаме целосно право / Протестот не е најавен, мора да се тргнете. / Ќе го најават горе / Не, не, преведувај добро ти, преведувај правилно и добро/ Протестирајте, но оставете го патот отворен.

Дел од лидерите на косовските Срби повикаа на разум и смирување на страстите од двете страни, но и побараа итна реакција од Белград.

-Ги повикувам сите и тие тука на разум, на мир, да не наседнуваат на провокации, ја повикувам Приштина да не наседнува на провокации или да предизвикува провокации. А во исто време го повикувам и Белград, ја повикувам Србија, го повикувам Претседателот Вучиќ да ни помогне.- Горан Ракиќ – Српска листа.

-Ако можам да кажам во една реченица, намерата на Приштина е Србите да бидат ставени во едно такво гето, за целосно да им се оневозможи нормален живот.-Игор Симиќ – Српска листа.

Косовскиот премиер Албин Курти пак од собранието порача дека одлуката според него е исправна и дека се додека граѓаните на Косово плаќаат за табличките кога ќе влезат во Србија, на сила ќе биде и обврската сите возила да имаат и косовски ознаки.

-Во врска со односите со Србија, јас ве потсетувам на потпишаните договори и нивното почитување. Не зборувам за афирмацијата на вредноста која ја имаат тие договори.-Албин Курти – Премиер на Косово.

Итно смирување на ситуацијата и намалување на тензиите помеѓу Белград и Приштина побараа и од Европската Унија.

-Ги повикуваме двете страни да се воздржат од унилатерални акции и ги намалат тензиите, итно без одложување. Тензиите мора итно да бидат намалени.-Петар Стано – Портпарол на ЕК.

Темата за настаните на северот од Косово се очекува да преовладува и на денешната средба на српскиот претседател Вучиќ со специјалниот претставник на ЕУ Мирослав Лајчак. Српскиот претседател за попладнево закажа седница на сСоветот за безбедност за случувањата на северот од Косово, на која според дел од српските медиуми се очекува да се разгледа и повлекувањето на Белград од сите претходни договори.

Марковски: Фирмите ќе имаат најголем бенефит од законските измени

Фирмите ќе имаат најголем бенефит од измените во Законот за облигациони односи, со кои каматите нема да може да бидат повисоки од главниот долг, велат извршителите.

Договорната камата на која се однесуваат измените во Законот е онаа која ја договараат фирмите помеѓу себе, вели за Канал 5 претседателот на комората на извршители Ванчо Марковски, додека во сметките за комуналии, кои најмногу ги засегаат граѓаните, таква камата нема. Марковски објаснува дека штом неплатениот долг кој го имаат граѓаните стигне кај извршител, тогаш почнува да тече казнената камата, која не е опфатена во измените. Сепак Марковски тврди дека казнената камата е далеку помала од договорната.

„Оваа одредба нема да има големо влијание врз извршување, во извршни истраги кои се предмет на наша работа, во најголем број случаи, законската казнена камата е утврдена пред нотар или суд./ Сите тие сметки кои не се доброволно платени од граѓани, за да дојдат кај нас, поминуваат низ судска постапка, и таму доверители за ненавремено плаќање бараат законска казнена камата.“ изјави Ванчо Марковски, претседател на КИРМ

Премиерот Заев, пак најави дека во процедура е законско решение со кое ќе се стави крај на пресметувањето на затезните камати.

„Ако сите тие доверители не успеале за 10 години да ги наплатат побарувањата и да продолжат да сметаат затезни камати, тоа е проблем или виртуозен круг во кој се влезени граѓаните, а ништо нема да значи за правните субјекти, банки или фирми. Дефинитивно тоа е пресметан ризик и треба да го отпишат како побарување, кога после 10 години не успеале да наплатат. “ истакна Зоран Заев, претседател на Влада

Минатата недела Собранието ги донесе измените според кои „...кога износот на стасаната, а неисплатена договорна камата ќе го достигне износот на главнината, каматата престанува да тече...“ Измените ќе важат од 1ви октомври.

Аналитичари за лидерскиот дуел Заев и Мицкоски вечерва на Канал 5 во „Дуел за иднината“

Вечерва на Канал 5 во новата сезона на „Само вистина“ следува лидерскиот дуел Заев- Мицкоски.

Што може да се очекува од овој дуел, на кои теми би можела да се очекува најжестока дебата и како тој би се одразил на нивните рејтинзи?

Анализа на овие прашања од Владимир Божиновски и Петар Арсовски.

притисни ентер