Наука

Руски вселенски брод носи овошје и зеленчук на Меѓународната вселенска станица

Руското товарно вселенско летало „Прогрес МС-34“ ќе достави свежо овошје и зеленчук до Меѓународната вселенска станица (МВС), вклучувајќи јаболка, портокали, грејпфрут, кромид и лук.

Руското товарно вселенско летало „Прогрес МС-34“ ќе достави свежо овошје и зеленчук до Меѓународната вселенска станица (МВС), вклучувајќи јаболка, портокали, грејпфрут, кромид и лук, изјави денес раководителот на одделот за исхрана во Институтот за биомедицински проблеми (IBMP) на Руската академија на науките, Александар Агурејев.

Агурејев изјави за РИА Новости дека исхраната на космонаутите ќе вклучува разни предјадења, супи, главни јадења и пијалоци, како што се сокови, чаеви и кафе.

Лансирањето на товарното вселенско летало до Меѓународната вселенска станица е закажано за 26 април на ракетата Сојуз-2.1а од космодромот Бајконур.

- Овој пат, изборот на свежо овошје и зеленчук се состои од јаболка, портокали, грејпфрут, кромид и лук - рече Агурејев.

Според него, оброците што ќе бидат доставени до Меѓународната вселенска станица вклучуваат разни предјадења, како што се белуга, есетра во желе, мелено свинско месо со јајце, телешко или јагнешко месо со зеленчук, риба со прилог од зеленчук и месо и зеленчукова супа.

На вселенската станица ќе бидат однесени и различни видови супи, додека меѓу главните јадења, космонаутите ќе можат да избираат помеѓу динстан модар патлиџан со компири, свинско филе со пире од компири, печурки, омлети, зеленчукови супи и салата од зелен грав или цвекло.

Тагови: Меѓународната вселенска станица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Насилник газеше луѓе со кола по ливада во Херцеговина, тројца се повредени (ВИДЕО)

Тежок инцидент се случи вчера кај градот Билеќа во Босна и Херцеговина, каде по настан со коњички трки, насилник со автомобил бркаше луѓе на отворен простор и успеа да прегази тројца, кои се во болница.

Снимка од шокантниот настан се појави на социјалните мрежи, а според локалните меидуми, полицијата трага по Жељко Вујовиќ, осомничен за обид за тешко убиство, како и по едно лице што побегнало со него. Во меѓувреме уапсени се маж и жена за кои се верува дека му помогнале на сторителот по извешувањето на кривичното дело.

Во инцидентот на коњските трки биле повредени три лица. 32 годишен маж бил примен на интензивна нега со повреди на рамото и потколеницата, додека другите двајца имале полесни повреди.

Тагови: Босна и Херцеговина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно објави мапа: „Нова територија на САД“

Претседателот на САД, Доналд Трамп, објави мапа на Ормутскиот теснец на својата социјална мрежа „Truth social“ и го прогласи за територија на САД.

Објавената слика покажува мапа на која е заокружен делот што го вклучува ормутскиот теснец, иранскиот остров Кешм, делови од територијата на Оман, па дури и градот Дубаи. Над тоа е коментарот: „нова територија на САД“.

Само еден ден претходно, Трамп изјави дека САД имаат „целосна контрола“ врз целиот регион што има врска со Ормутскиот теснец.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

16 загинати во нападот на трговскиот центар во Украина, се проверува дали продавницата требало да биде евакуирана

Украинската полиција отвори кривична постапка против директорот на супермаркет во трговскиот центар во Криви Рих, кој беше погоден во руски напад со дронови.

Во рускиот напад загинаа најмалку 16 лица, а повредени беа уште 130, меѓу кои и 23 деца. спасувачките екипи и натаму трагаат по исчезнати лица.

Директорот се истражува поради сомнение за немар, бидејќи продавницата наводно останала отворена и за време на воздушната тревога. Според украинските власти, од моментот кога била вклучена воздушната тревога до првиот удар со дрон поминале околу 20 минути.

Истрагата треба да утврди дали вработените и посетителите биле навреме предупредени за опасноста, дали била издадена наредба за евакуација и дали биле почитувани безбедносните протоколи за објект во регион близу до фронтот. Ќе се проверуваат и наводите дека вратите на засолништето биле блокирани.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.