Руски дрон погоди кинески брод: Страшна грешка, другари? - Канал 5

Свет

Руски дрон погоди кинески брод: Страшна грешка, другари?

Руски дрон наводно погодил цивилен товарен брод поврзан со Кина во Црното Море во близина на регионот Одеса во ноќта на 18 мај.

Руски дрон погоди кинески брод: Страшна грешка, другари?

Руски дрон наводно погодил цивилен товарен брод поврзан со Кина во Црното Море во близина на регионот Одеса во ноќта на 18 мај, ставајќи ги кинеските граѓани во опасност само еден ден пред очекуваното доаѓање на Владимир Путин во Пекинг за продлабочување на „стратешкото партнерство“ на Москва со Кина, пишува „Киев Индепендент“.

Украинската морнарица објави дека станува збор за товарен брод KSL DEYANG, кој плови под знамето на Маршалските Острови, е во сопственост на кинеска компанија и има кинески екипаж. „Русија уште еднаш покажа дека нејзините напади не само што ја загрозуваат Украина. Сега дури и бродовите на нејзините најблиски партнери се во опасност во Црното Море“, се вели во соопштението на морнарицата на Телеграм.

Ироничен коментар од Киев

Портпаролот на украинската морнарица, Дмитро Плетенчук, реагираше со иронија. „Ова е нешто ново“, рече тој. „Се прашувам што ги мотивираше Русите да соборат кинески трговски брод вечерва во нашето море со дрон „Шахед“. Немаше жртви, но ова е нешто ново. Дали беше „страшна грешка“, другари?“, напиша Плетенчук на Фејсбук.

Покрај бродот поврзан со Кина, погоден е и друг цивилен брод што плови под знамето на Гвинеја-Бисао, изјави гувернерот на Одесаската област, Олех Кипер. И двата брода биле во зоната на чекање и се движеле по украинскиот поморски коридор кон пристаништата на Голема Одеса.

Кипер изјави дека по нападот избувнале мали пожари на двата брода, но екипажите ги изгаснале. Никој од членовите на екипажот не е повреден, а двата брода продолжиле да пловат кон пристаништето.

Дел од поширок напад врз Украина

Нападите врз бродовите беа дел од поширок комбиниран руски ноќен напад врз Украина. Масивниот напад со беспилотни летала врз регионот Одеса беше особено моќен, при што беа повредени две лица, меѓу кои и едно 11-годишно дете.

Кина останува клучна за воената економија на Русија. И покрај тоа што официјално се прогласи за неутрална, таа продолжува да купува руска нафта и да снабдува стока со двојна намена што ја користи руската војска. Москва сè уште не ги коментирала нападите.

Тагови: брод дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со „Скопска иницијатива“ и платформата „Твоја држава, твоја шанса“ СДСМ отвора ново поглавје за иднината на Македонија

СДСМ започнува нова етапа на политичко дејствување, заснована на вредностите на социјалдемократијата, борбата за подобар животен стадард, борба против корупцијата и за европската иднина.

Со „Скопска иницијатива“ и платформата „Твоја држава, твоја шанса“ СДСМ отвора ново поглавје за иднината на Македонија

Со усвојувањето на програмската платформа „Твоја држава, твоја шанса“, СДСМ ја претстави својата визија за модерна, напредна, праведна и европска Македонија – држава во која трудот се вреднува, институциите работат за граѓаните, а младите ја гледаат својата иднина дома.

СДСМ е на страната на младите, на работниците, пензионерите, земјоделците и сите граѓани кои чесно живеат од својот труд.

Во оваа насока „Твоја држава, твоја шанса“ нуди конкретен одговор на најголемите предизвици со кои денес се соочуваат граѓаните: високите цени, ниските плати, иселувањето на младите, корупцијата и слабите институции.

СДСМ се обврзува на политики што ќе обезбедат раст на платите, заштита на работничките права, правично оданочување, силна борба против корупцијата, независно судство, достапно здравство и квалитетно образование.

Преку „Скопската иницијатива“, СДСМ ја потврди својата улога како обединувачки фактор на поширокото прогресивно движење во регионот и Европа, кое се спротивставува на корупцијата, авторитарноста и антиевропските политики.

Европа не е апстрактна политичка цел, туку подобар живот дома, повисоки плати, владеење на правото и повеќе шанси за секој човек.

Македонија не смее да остане заглавена во национализам, популизам и политички манипулации кои ја оддалечуваат од европската иднина. Наместо поделби, СДСМ нуди визија за обединување околу државните интереси, економски развој и европски вредности преку поширок Фронт за вистина и правда.

Скопје, 08.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Косово избори: Самоопределување на Курти 43%, Српска листа води во сите општини со српско мнозинство

Според првичните резултати на вчерашните  вонредни парламентарни изборите во Косово, Самоопределување освои 43,03% од гласовите, додека Српска листа има 5,89% и води во сите општини со српско мнозинство.

Косово избори: Самоопределување на Курти 43%, Српска листа води во сите општини со српско мнозинство

Движењето Самоопределување на Албин Курти е во водство на вонредните парламентарни избори во Косово, покажуваат прелиминарните резултати на Централната изборна комисија (ЦИК) врз основа на обработени 97,76 проценти од гласачките места.

Самоопределување освои 43,03 проценти од гласовите, односно 294.251 глас, што е помалку во споредба со изборите од декември 2025 година кога партијата доби 49,34 проценти од поддршката.

На второто место е Демократската партија на Косово (ДПК) со 21,15 проценти или 144.618 гласови, додека трета е Демократската лига на Косово (ЛДК) со 17,68 проценти или 120.870 гласови.

Најсилната српска политичка партија во Косово, Српска листа, освои 5,89 проценти или 40.291 глас и, според податоците на ЦИК, забележа убедлива победа во сите општини со српско мнозинство.

Другата српска партија која учествуваше на изборите, „За слобода, правда и опстанок“, освои 0,73 проценти или 4.962 гласа.

Тагови: Косово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Европската слободна алијанса усвои резолуција за заштита на македонското малцинство во Албанија

Генералното собрание на европската слободна алијанса што се одржува во Гандија, Шпанија, едногласно ја усвои резолуцијата, предложена од Македонска алијанса за европска интеграција  за заштита на македонското малцинство во Албанија.

Европската слободна алијанса усвои резолуција за заштита на македонското малцинство во Албанија

Генералното собрание на европската слободна алијанса што се одржува во Гандија, Шпанија, едногласно ја усвои резолуцијата, предложена од Македонска алијанса за европска интеграција за заштита на македонското малцинство во Албанија и на правата на малцинствата во процесот на проширување на ЕУ..

Со резолуцијата се повикува на доследен и принципиелен пристап како од страна на албанските власти, така и од институциите на ЕУ, за да се осигура дека малцинските права не само што ќе бидат признаени, туку и ефективно спроведени.

Од албанската влада се бара да обезбеди целосно спроведување на малцинските права на целата територија каде што живеат Македонци, вклучувајќи го и пристапот до образование на Македонски јазик секаде каде што има соодветна побарувачка, изјави претседателот на Македонската алијанса, Васил Стерјовски..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер