Европа

Руски дрон погоди куќа во Украина- деветмесечно бебе остана без нога

Две лица загинаа, а деветмесечно бебе беше тешко повредено синоќа во руски напад врз Криви Рох.

Бебето ја изгуби ногата во нападот, пишува Украинска правда.

Според Олександр Вилкул, раководител на Советот за одбрана на Криви Рох, дрон од типот „Шахед“ директно удрил во куќата, предизвикувајќи пожар. Во нападот загинаа 43-годишен маж и 65-годишна жена. Пожарот оттогаш е изгаснат.

Едно деветмесечно девојче е исто така тешко повредено. „Ногата на деветмесечно девојче беше ампутирана. Таа беше итно префрлена во болница, каде што ѝ беше укажана целата потребна помош. Пожарот беше изгаснат, а санирањето на последиците е во тек“, рече Вилкул.

Напад и врз округот Синелникев

Олександр Ханжа, раководител на воената администрација на регионот Дњепропетровск, исто така извести за нападот врз масата Дубовики во округот Синелникев. Тој изјави дека Русија ја нападнала областа во Украина со бомби.

Тројца мажи на возраст од 37, 48 и 51 година се повредени и добиваат потребна медицинска помош.

Тагови: дрон украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собраниска седница за реконструкција на Владата, ќе се сменат 8 министри

Пратениците цел ден расправаат за реконструкцијата на Владата, со која во кабинетот на премиерот Христијан Мицкоски ќе се сменат 8 министри.

Со последните информации, од пред собранието ја имаме Јана Јосифовска.

Исходот е извесен со оглед на големото владејачко мнозинство, единствено неизвесно е кога ќе биде гласањето.

Целосниот извештај погледнете го во видеото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Распишана потерница за Александар Лазаров – Цуната што им избега на полицајците низ прозорец

Министерството за внатрешни работи распиша меѓународна потерница по 41-годишниот Александар Лазаров викан „Цуната“, кој што во петокот избега од полициската станица во Кочани, каде што бил на распит откако бил фатен со дрога.

Според информациите, тој го отворил прозорецот и се дал во бегство и уште не е пронајден.

Директорот на БЈБ, Александар Јанев, објави дека денеска бил во полициската станица во Кочани за лично да се информира за сите детали и околности поврзани со настанот, кој, како што вели, сериозно ја наруши довербата во полициската служба.

-Бегството од полициската станица на лице познато на полициските служби е сериозен инцидент кој бара целосно расчистување на сите околности и преземање на соодветни мерки. Сакам јасно да порачам: ова е недозволиво. доколку се утврди намерно постапување, помагање, прикривање или несовесно извршување на службените задачи, ќе има одговорност. – објави Јанев.

Опозиската СДСМ, преку соопштение ја обвини власта дека намерно го пуштала Лазаров и побараа оставка од министерот Панче Тошковски.

Тагови: Цуната

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на РЦУК Свети Николе за заштита од пожари

Активностите се реализираат согласно заклучоците од координативниот состанок на надлежните институции за заштита од пожари.

Во насока на намалување на ризикот од пожари на отворен простор, тим составен од претставници на Подрачното одделение на Регионалниот центар за управување со кризи (ПО на РЦУК) Свети Николе, ОВР – Полициска станица Свети Николе, ТППЕ Свети Николе и ПШС „Шумарство“ Свети Николе спроведува заедничка координативна превентивна акција за заштита од пожари на територијата на општините Свети Николе и Лозово.

Во рамките на акцијата се посетуваат населени места, каде на средбите со граѓаните се укажува на опасностите и последиците од предизвикување пожари, а се дистрибуира и промотивно-едукативен материјал со препораки за превенција. Паралелно, се вршат контроли во шумските подрачја со цел да се утврди дали се почитува забраната за движење во шумите.

Активностите се реализираат согласно заклучоците од координативниот состанок на надлежните институции за заштита од пожари, во соработка со општините Свети Николе и Лозово, со цел подигнување на јавната свест и намалување на ризикот од појава на пожари.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.