Свет

Русите тврдат дека договориле нова размена на заробеници со Украина

Русија и Украина се договорија за размена на 40 воени заробеници, изјави руската комесарка за човекови права Татјана Москалкова, по средбата со нејзиниот украински колега Дмитри Лубинец во Турција.

Москалкова и Лубинец се сретнаа на маргините на меѓународната конференција на омбудсманите во Анкара.

На фотографиите се гледа како седат на спротивните страни од масата. Додека тие се состануваа, беснееше битката за градот Соледар во источна Украина. Претходно, Москалкова преку апликацијата за пораки Телеграм објави дека таа и Лубинец разговарале за хуманитарна помош за граѓаните на Русија и Украина.

Турски извор објави дека Москалкова и Лубинец би можеле да разговараат за хуманитарниот коридор и ситуацијата со децата кои избегале од војната.

Русија и Украина спроведоа бројни размени на затвореници - последната во неделата - за време на војната, која сега е во својот 11-ти месец. Рускиот комесар за човекови права изјави дека „важни зборови за потребата од прекин на огнот“ биле кажани за време на состанокот со нејзиниот турски и украински колега во Анкара, пренесе руската државна новинска агенција РИА.

Москалкова рече дека прекинот на огнот е неопходен за да се запре кршењето на човековите права и исто така побара од Турција да престане да ѝ испорачува оружје на Украина.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.