Русите бараат војници за во Украина, им нудат 2.700 евра плата - Канал 5

Свет

Русите бараат војници за во Украина, им нудат 2.700 евра плата

Руската армија бара регрути за борба во Украина, нудејќи најмалку 2.700 евра месечно како поттик и промовирајќи го тоа како „вистински избор за маж“, пренесува Sky News.

Русите бараат војници за во Украина, им нудат 2.700 евра плата

Армијата, всушност, постави мобилни канцеларии за да привлече „договорни војници“ за како што ја нарекува „специјална воена операција“ - име измислено за руската инвазија на соседна Украина. На едно место во јужниот руски град Ростов, војници во маскирни униформи и црни маски им го покажуваа оружјето на минувачите и делеа брошури со наслов „Воена служба по договор - избор на вистински маж“.

Ниту Русија, ниту Украина не ги откриваат своите воени загуби, за кои западните разузнавачки агенции проценуваат дека изнесуваат десетици илјади од двете страни. Москва не го ажурира официјалниот број на загинати од 25 март, кога соопшти дека загинале 1.351 руски војник, а 3.825 биле ранети.

Кремљ минатата недела објави дека нема дискусии за мобилизирање на целата земја за зајакнување на нејзините сили. Но, регрутирањето јасно покажува дека на Москва ѝ се потребни повеќе мажи по нејзините неуспеси на првата линија.

Службеникот задолжен за Ростов рече дека Русите и странците на возраст меѓу 18 и 60 години со најмалку средно образование ќе ги исполнат условите. „Патриотските граѓани избираат да потпишат договор на три или шест месеци за учество во специјална воена операција“, рече мајорот Сергеј Ардашев, ветувајќи обука за сите.

Минималната месечна понудена плата е 160.000 рубљи (околу 2.700 евра), што е речиси три пати повеќе од националниот просек.

Еден потенцијален регрут е музичарот Виктор Јакунин, кој рече: „Би сакал да служам во воздухопловните трупи“, рече тој, а потоа додаде: „Моите родители ме воспитуваа од детството да ја сакам мојата татковина, да го заштитам рускиот свет. Верувам дека силата е со нас“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Белград попладнево е погребан Ратко Младиќ (ВИДЕО)

Поранешниот командант на војската на Република Српска, Ратко Младиќ, кој од Хашкиот трибунал беше осуден на доживотен затвор, попладнево со воени почести е погребан на топчидерските гробишта во Белград. 

Во Белград попладнево е погребан Ратко Младиќ (ВИДЕО)

Посмртните останки на Младиќ, кој почина на 27 август во Хаг на 85-годишна возраст, претходно беа изложени во црквата „Свети Лука“ во Белград, каде што опело служеше поглаварот на српската православна црква, Порфириј. Младиќ, по желба на семејството е биде погребан до ќерката Ана. Младиќ во 2021 година беше правосилно осуден на доживотен затвор и беше прогласен за виновен за геноцидот во Сребреница и за други воени злосторства.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф: Без дијалог со русија шансите за мир во Украина се многу мали

САД се залагаат за дипломатско решение на војната меѓу Украина и Русија, но без дијалог со Москва шансите за мирно решение се многу мали, изјави американскиот специјален пратеник Стив Виткоф по средбата со украинскиот претседател Зеленски во Киев.

Виткоф: Без дијалог со русија шансите за мир во Украина се многу мали

Бараме дипломатско решение за овој конфликт, а не воен договор. Тоа е она што претседателот Трамп отсекогаш го барал“, рече Виткоф, одговарајќи на прашањето дали Путин е подготвен за трилатерална средба со Зеленски и Трамп. Украинскиот претседател Зеленски изјави дека клучните прашања, вклучително и територијалните, можат да бидат решени само на состанок на највисоко политичко ниво. Виткоф заедно со другиот специјален пратеник кушнер претходно беа на средби со Путин во Москва, но не беше постигнат опиплив напредок.

Тагови: Виткоф

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нов ценовен шок за граѓаните, дизелот од утре ќе биде рекордни 101 денари - а власта не носи мерки

Нов ценовен шок за граѓаните -  од утре за шест денари поскапува дизелот и ќе изнесува рекордни 101 денар за литар. 

СДСМ: Нов ценовен шок за граѓаните, дизелот од утре ќе биде рекордни 101 денари - а власта не носи мерки

Ова поскапување е директен удар врз ионака осиромашените семејните буџети на граѓаните.

Поскапувањето на дизелот значи поскап транспорт, поскапо производство и на крајот – поскапа храна.

Цените на храната веќе се до плафон. Потрошувачката кошничка достигна речиси 90.000 денари со кирија, а платите стагнираат.

Половина од семејниот буџет на македонските граѓани оди за храна и пијалаци. Овој ценовен бран затоа ќе биде уште потежок

Инфацијата од 2,6% што денеска ја измери статистика, за граѓаните не значи поевтин живот.

Цените веќе пораснаа.

СДСМ постојано ја повикуваше власта да преземе мерки и предупредуваше дека еднаш зголемените цени, потоа нема да се вратат назад.

Тоа и се случи - Цените не се вратија назад.

За само две години општото ниво на цените е зголемено за 7 %.

Куповната моќ на граѓаните е трајно намалена.

На граѓаните не им требаат статистиките и проценти од Мицкоски. Нивната статистика е празниот фрижидер и паричник.

Додека Мицкоски се фали со економски бројки, со некаква трета економија, граѓаните плаќаат поскапа храна, поскапи сметки и повисоки трошоци за живот.

Мицкоски и неговата Влада, наместо мерки за граѓаните, трупаат нови долгови, врз грбот на граѓаните.

За само две години создадоа нов долг од околу 4 милијарди. Јавниот долг се движи кон 12 милијарди евра или над 65 % од БДП. Ова не се пари за мерки за граѓаните, ова се пари за криминалните партиски тендери на Мицкоски и неговата ВМРО -ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер