Според полицијата, педофилот Олег Свиридов (32) на својот мобилен телефон чувал снимки на кои се гледа како злоставува неколку деца во селото Винтаи во рускиот регион Самара.
Работникот во фабрика за ракетни мотори, Вјачеслав М. (34), се пиел со Свиридов, кога видел снимка на мобилниот телефон на која се гледа како ја силува неговата ќерка, која сега има девет години.
Го нападнал Свиридов, кој набргу избегал. Педофилот бил близок пријател на семејството на Вјачеслав и знаел како да се приближи до малото девојче во неколку наврати, сексуално злоупотребувајќи ја.
Вјачеслав ги пријавил силувањата во локалната полиција, која започнала потрага по Свиридов, но таткото успеал да го најде пред полицијата и го избодел со нож. Таткото и рекол на полицијата дека се скарал со Свиридов во шумата и дека тој „налетал на нож“ за време на расправијата.
Тој рекол дека немал намера да го убие. Наводно, Вјачеслав им рекол на пријателите дека го натерал Свиридов да ископа гроб за да го исплаши, но потоа и рекол на сопругата дека Свиридов се обидел да го прободе, принудувајќи го да му возврати со лопата.
Телото на педофилот било пронајдено во близина на селото, повеќе од една недела откако Вјачеслав ја видел снимката на неговиот мобилен телефон. Полицијата го уапсила таткото и започнала истрага за целиот случај.