Русија: По две одложувања конечно лансирана ракетата Ангара А5

Ракетата од тешка класа „Ангара-А5“, чие лансирање беше двапати одложувано, денеска беше успешно лансирана од космодромот „Восточни“.

Лансирањето беше извршено според планот во 12:00 часот по московско време, јавија руските медиуми. По 12 минути и 26 секунди, горната етапа Орион се одвои од третата етапа на ракетата, по што во орбитата ќе лансира пробен товар.

Првото лансирање на оваа ракета од Восточни првично беше закажано за 12:00 часот по московско време на 9 април, но беше откажано две минути пред лансирањето. Причината беше дефект на системот за надополнување на резервоарот за оксидатор на централната единица.

Обид за лансирање имаше и вчера, но ситуацијата се повтори. Како што изјави за новинарите генералниот директор на Државната вселенска корпорација Роскосмос Јуриј Борисов, вчера ракетата не била лансирана поради дефект на системот за контрола на стартување на моторот.

Државната комисија денеска одобри полнење гориво и лансирање на ракетата во 12:00 часот по московско време. Инфраструктурата за лансирање на ракети Ангара на космодромот Восточни е во изградба од 2018 година. Претходно од космодромот Плесецк беа лансирани три тешки ракети Ангара, а од 2016 година од космодромот Восточни беа лансирани вкупно 16 ракети од класата Сојуз-2.1а и Сојуз-2.1б.

Меѓународниот кривичен суд издаде налог за апсење на Шојгу и Герасимов

Меѓународниот кривичен суд денеска издаде налог за апсење на поранешниот руски министер за одбрана Сергеј Шојгу, како и на високиот руски генерал Валериј Герасимов, началник на Генералштабот, за наводни воени злосторства во Украина, пренесоа светските агенции

Дачиќ: Фронтекс ќе бидe распореден на границата на Србија и со трети земји

Фронтекс ќе бидe распореден на границата на Србија и со трети земји, ќе ги штитиме границите на ЕУ.

Министерот за внатрешни работи Ивица Дачиќ потпиша со комесарката на ЕУ за внатрешни работи и миграција Илва Јохансон Договор меѓу Србија и ЕУ за оперативни активности што ги спроведува Европската агенција за гранична и крајбрежна стража (Фронтекс) во Србија, со кој Фронтекс ќе биде распореден на националните граници на Србија и со трети земји, со што Србија ќе ги штити своите граници, но и границите на Европската унија, јави дописникот на МИА од Белград.

-Благодарение на договорот, полициските сили на Фронтекс ќе бидат распоредени не само на државните граници со Бугарија и Унгарија, туку и на државните граници на Србија со трети земји, со што Србија ќе ги штити своите граници, како и границите на Европската унија, изјави Дачиќ.

Тој посочи дека тоа значително ќе придонесе за заедничка борба против прекуграничниот криминал и нерегуларната миграција.

-Србија ги штити своите граници, но ја штити и безбедноста и стабилноста на цела Европа. Затоа ни треба единствен одговор и поддршка. Секој дополнителен полицаец од ЕУ, кој ќе ѝ се придружи на нашата гранична полиција на терен, ќе и помогне на нашата полиција сеопфатно да одговори на предизвиците од борбата против нерегуларната миграција, намалувајќи го бројот на илегални гранични премини, на патот до крајната дестинација на мигрантите, што е ЕУ, рече Дачиќ.

ЕУ донираше и 65 возила за граничната полиција, а Дачиќ истакна дека Унијата е еден од најважните донатори на МВР.

-Донацијата на овие возила придонесува за зајакнување на капацитетите на Управата за гранична полиција за заштита на државната граница, борбата против нерегуларната миграција и прекуграничниот криминал во незадоволителните услови за работа на терен, изјави Дачиќ.

Тошковски се сретна си претставници на Меѓународната организација за миграции

Претставниците на ИОМ му честитаа на министерот Тошковски за изборот и му изразија поддршка за најавените реформи во Министерството за внатрешни работи.

Министерот за внатрешни работи Панче Тошковски денеска одржа работен состанок со Лаура Лунгароти, субрегионален координатор за Западен Балкан на Меѓународната организација за миграции (ИОМ) и Соња Божиновска Петрушевска, шеф на канцеларијата на ИОМ во Република Македонија, соопшти МВР.

Претставниците на ИОМ му честитаа на министерот Тошковски за изборот и му изразија поддршка за најавените реформи во Министерството за внатрешни работи.

Лунгароти го истакна значењето на добрата соработка помеѓу Министерството за внатрешни работи и ИОМ, особено во делот на граничното управување.

Таа го информираше министерот Тошковски дека во моментот ИОМ е фокусиран на областа поврзана со доброволно враќање на мигранти, како еден од главните приоритети на Европската Унија и очекува успешна соработка и поддршка од страна на Министерството за внатрешни работи во овој дел.

Претставниците на ИОМ нагласија дека досегашната материјална и техничка помош што му беше пружена на МВР преку проекти финансирани од страна на ЕУ ќе продолжи и понатаму, како и дека ваквата поддршка може да биде зголемена во блиска иднина.

Министерот Тошковски се заблагодари за поддршката што Меѓународната организација за миграции ја дава на Министерството за внатрешни работи.

Тој истакна дека Министерството за внатрешни работи ќе работи кон јакнење на капацитетите за обезбедување на државните граници особено во делот за интегрираното гранично управување,а во исполнување на оваа цел ќе биде потребна поддршка и од страна на ИОМ, се наведува во соопштението од МВР.

притисни ентер