Русија и Украина извршија размена на заробеници, една од најголемите од почетокот на војната - Канал 5

Свет

Русија и Украина извршија размена на заробеници, една од најголемите од почетокот на војната

Русија и Украина разменија по 175 заробени војници со посредство на Обединетите Арапски Емирати.

Русија и Украина извршија размена на заробеници, една од најголемите од почетокот на војната

Украинскиот претседател Володимир Зеленски денеска изјави дека 175 украински војници се ослободени од руско заробеништво, а уште 22 борци се враќаат дома, вклучително и тешко ранетите, објави АП.

„Денес е денот кога Украина ги враќа своите војници, а 175 наши бранители се ослободени од руско заробеништво. Други 22 бранители се враќаат дома благодарение на мерките надвор од размената. Меѓу нив се тешко ранетите и војниците прогонети од Русија за измислени злосторства. На сите нив итно ќе им биде укажана потребната медицинска и психолошка помош “, напиша Зеленски.

Тој истакна дека ова е една од најголемите размени.

„Украинските војници, наредници и офицери, војници на вооружените сили, морнарицата, Националната гарда, силите на територијалната одбрана и граничната служба, како и оние кои ја бранеа Украина во различни правци - во Мариупол, во Азовстал, во Доњецк, Луганск, Херсон, како и во Харков, Миколаив, се враќаат во нивните родни места.“

Според руското Министерство за одбрана, 175 руски војници се вратени од територијата контролирана од украинските сили.

Забележано е дека во моментов руски воен персонал се наоѓа на територијата на Белорусија, каде што им е пружена потребната психолошка и медицинска помош.

„Сите ослободени војници ќе бидат транспортирани во Русија на лекување и рехабилитација во медицинските установи на руското Министерство за одбрана“, соопшти руското Министерство за одбрана, додавајќи дека војниците добиле можност да контактираат со своите роднини.

Еден ден претходно, рускиот претседател Владимир Путин го информираше својот американски колега Доналд Трамп за претстојната размена на затвореници и трансферот на тешко ранетите војници на украинските вооружени сили во Киев како „гест на добра волја“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица под истрага, пукале со три пиштоли и пушка на семејна прослава

Четири лица се осомничени за пукањето на семејната прослава во Добри Дол гостиварско, што се случи на 31 јули.

Четворица под истрага, пукале со три пиштоли и пушка на семејна прослава

За време на прославата, осомничените со три пиштоли и една пушка пукале во воздух, со што, ги довеле во опасност животите на поголем број присутни. Постапката е поведена по поднесена кривична пријава од страна на МВР. Од ОЈО Гостивар наведуваат дека поради опасност од бегство на осомничените, меѓу кои еден кој има македонско и словенечко државјанство, доставиле предлог за определување притвор.

Од МВР претходно сопоштија дека привеле шест лица , а едно било повикано на службен разговор во врска со пукањето. За време на претресите на повеќе локации во Добри Дол, полицијата пронашла и одзела оружје и муниција

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште трае борбата со огнената стихија во кавадаречко

Се уште трае борбата со огнената стихија во кавадаречко. 

Се уште трае борбата со огнената стихија во кавадаречко

Пожарот е активен и гори ниско стеблеста шума , а голем дел е изгаснат ова утринава за Канал 5 го изјави директорот на Дирекцијата за заштита и спасување Стојанче Ангелов кој информираше дека активен пожар има и во Прилепско.

Се вложуваат максимални напори за локализирање и отсекување на огнената линија, со цел да се заштити секој објект и да се спречи понатамошно ширење на пожарот. Се интервенира во два правци кон селото Дреново кон Ќесендре и кон селото Раец.

Во Кавадарци на терен се ангажирани сирте ресурси од општината , а помага и дел од месното население.

Поставено е и амбулантно возило со доктор, стационирано во селото Дреново, како превентивна мерка за здравствена заштита на жителите, информира градоначалникот Митко Јанчев.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и многу топло

Времето денес ќе биде сончево и многу топло со мала локална облачност. 

Денес сончево и многу топло

Ќе дува слаб до умерен променлив ветер. Минималната температура ќе биде во интервал од 10 до 20, а максималната ќе достигне од 33 до 40 степени.

Во Скопје, сончево и многу топло со слаб променлив ветер. Минималната температура ќе се спушти до 17, а максималната ќе достигне до 38 степени.

Во наредните денови продолжува периодот на сончево и многу топло време со дневна температура која во некои места ќе надмине 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончевo УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер