Русија денеска забележала 1,178 смртни случаи поврзани со Ковид-19. Властите воведоа делумно затворање низ целата земја поради влошената епидемиолошка состојба.
Во последните 24 часа во Русија се регистрирани 39.008 случаи на инфекција, а во Москва 5.736.
Романија, исто така, денеска забележала рекорден број смртни случаи од Ковид-19. Некои места во Романија, каде што се вакцинираат најмалку луѓе во ЕУ по Бугарија, немаат кревети во одделенијата за интензивна нега.
Во последните 24 часа се регистрирани 11.000 нови случаи, што е намалување од октомврискиот пик, а починале 591 лице.
Од почетокот на пандемијата, 48.664 луѓе починале од Ковид-19 во Романија, земја со нешто помалку од 20 милиони луѓе, која вакцинирала 37 отсто од возрасната популација.
Бројот на вакцинирани расте во последните недели, но скептицизмот е изразен поради недовербата во државните институции, наведува Ројтерс.
Во Чешка се потврдени 7.591 нов случај на инфекција, најмногу од крајот на март, објави денеска Чешкото радио.
Пред седум дена биле пријавени 4.277 нови случаи.
Во земја со 10,7 милиони жители, 1.813 лица се хоспитализирани поради Ковид-19, а 284 се на одделенијата за интензивна нега. 6,09 милиони Чеси биле целосно вакцинирани.