Руси направиле реплика на Кеопсовата пирамида во својот двор: Штити од корона (ВИДЕО)

Брачна двојка од Истинка, мало село на 12 километри од Санкт Петербург, Русија, изгради бетонска реплика на Големата пирамида од Гиза - во сопствениот двор.

Пирамидата на Андреј Вакрушев и неговата сопруга Викторија е 19 пати помала од египетската, што им била инспирација. Висока е девет метри и се протега на девет метри во длабочина. Изработено е од околу 400 тони бетонски блокови.

Двојката вели дека со години го проучувале дизајнот на Кеопсовата пирамида и неколку пати ја посетувале за да направат детална реплика. Откако ја пресметале точната големина на нивната пирамида, Андреј и Викторија минале еден месец во потрага по градежна компанија подготвена да ја изгради според нивните спецификации. Многумина ги одбиле, но на крајот нашле компанија на која што им се допаднала идејата.

Не е јасно колку траела изградбата, но руските медиуми почнаа да известуваат за неа во март, јавува „Одити Централ“, додека Euronews неодамна ја опиша пирамидата како невообичаена украс во градина на ексцентричен пар, па сепак руските медиуми раскажуваат поинаква приказна. Имено, парот имал луди тврдења за нивната пирамида, вклучувајќи ги и оние дека може да ги заштити луѓето од несреќа и да ги излекува.

На пример, Невски Њуз напишал дека Андреј рекол дека сите работници кои биле повредени при изградбата на пирамидата се исцелиле благодарение на неа. Тој исто така изјавил дека тој и неговата сопруга започнале да градат пирамида за да ја спасат Земјата.

Според „Метро њуз“, Викторија рекла дека пирамидата може да го подобри имунитетот и да заштити од инфекција со коронавирус.

Оние што сакаат да ги искористат предностите на „лековитите и заштитни сили на пирамидата“, ќе можат да резервираат престој во неа за да медитираат и да бидат исполнети со нејзината енергија. Сепак, за ова ќе треба да платат помеѓу 3500 и 10 000 рубљи за ноќ.

Се отвори огромна дупка среде Рим и „проголта“ два автомобила (ВИДЕО)

Бездна длабока и широка околу 10 метри проголта два автомобила среде ноќ во Рим, поради што интервенираше полицијата.

Инцидентот се случил околу еден часот по полноќ, а две возила Дачија и Рено завршиле во дупката.

Полицијата веднаш реагирала, ја затворила улицата и го обезбедила просторот, јавуваат италијанските медиуми.

Поставен е кордон, а се уште не се знае зошто се урнал асфалтот.

Не се знае дали има повредени во инцидентот.

Најмалку 45 загинати во автобуска несреќа во Јужна Африка

Најмалку 45 лица загинаа во сообраќајна несреќа во Јужна Африка во која учествувал автобус, соопшти јужноафриканското Министерство за транспорт.

Едно лице е тешко повредено.

Несреќата се случила во близина на Маматлакала, во провинцијата Лимпопо, јавува Ројтерс.

Дејвид Бекам објави снимка како вежба: Не сакам ова да го види жена ми (ВИДЕО)

Дејвид Бекам се пофали на Инстаграм со видео на кое вежба без маица и ги воодушеви своите фанови.

48-годишниот поранешен фудбалер покажа дел од своите напорни тренинзи, а неговите стомачни мускули, како и бројните тетоважи на телото ги привлекоа погледите на фановите.

„Ти си како виното, се подобруваш со годините“, „Секогаш си силен“, „Ова ми го разубави денот“ и „Не сакам жена ми да го види ова“, се само дел од коментарите на обожавателите.

Да потсетиме, неговата сопруга Викторија неодамна покажа подарок што го доби од него, а кој целосно ја воодушеви.

притисни ентер