Македонија

Румен Радев: Бугарија да изгради национален став за Македонија

Пристапувањето на Република Македонија во НАТО и Европската унија е важен чекор со кој се гарантира мирот, стабилноста и одржливиот развој и просперитет на Југоисточна Европа.

Бугарија отсекогаш принципиелно ја поддржуваше европската и евроатлантската перспективи на Република Македонија. Да не заборавиме дека ние сме првите што ја признавме независноста на таа земја, изјави денеска бугарскиот претседател Румен Радев.

На консултативната средба, која се одржа на иницијатива на Радев, а на која беа присутни бугарскиот премиер Бојко Борисов, вицепремиерката и шефица на дипломатијата Екатерина Захариева и министерот за одбрана Красимир Каракачанов се разгледуваа односите на Бугарија со Република Македонија во контекст на евентуална одлука на ЕУ за почеток на преговори со официјално Скопје.

Со очекуваната препорака на ЕУ во октомври да започне преговори со Република Македонија, учесниците на денешната средба постигнаа принципелна согласност дека е потребно итно дејствување за да се изгради национален став со јасни барања и критериуми, кои ќе ги заштитат бугарските национални интереси, истакна Радев.

– Тие барања и критериуми треба да бидат дел од рамката за преговори и треба да станат предуслов за пристапување на Република Македонија во Европската унија. Бугарската влада е посветена на формулирање јасни крајни цели што треба да се постигнат пред завршувањето на преговарачкиот процес за членство на Република Македонија во Европската унија. И, исто така, специфични привремени цели што треба да се решат во секоја последователна фаза на овој процес на преговарање, со јасни одредници. Таквиот став треба да се претстави пред бугарскиот парламент., за тој да биде свесен за тоа, рече Радев.

Тој додаде дека особено внимание треба да се посвети на наставните планови, учебниците, натписи во музеи и плакети, како и ставовите на јавните медиуми. Постигнување на европско добрососедство мора да биде основниот критериум за успешен процес на преговори, оцени Радев.

Бугарскиот претседател смета дека треба да бидат поставени „црвени линии" кои ќе гарантираат дека европската интеграција на Република Македонија нема да биде на сметка на употребата на бугарската историја, јазик и идентитет, пренесува БГНЕС. Тој оценува дека е потребно на самиот почеток на преговарачкиот процес отворено да бидат поставени услови, од кои ќе зависи преминувањето во следната етапа од преговарачкиот процес.

– Една таква отворена, фер и конструктивна позиција не само што ќе го заштити бугарскиот национален интерес, туку ќе биде од корист и за Европската унија, затоа што нема да дозволи внесување на меѓусоседски проблеми во европското семејство и ќе ја покаже зрелоста и одговорноста на Бугарија за стабилноста на Унијата. Исто така, ќе биде од особена корист за самата Република Македонија, бидејќи јасно ќе воведе европски критериуми и одржливост на процесот на европска интеграција, рече бугарскиот претседател.

Радев информира дека на денешната средба било дискутирано и за „ер полисинг" на воздушниот простор на Република Македонија.

– Имаме принципиелна согласност дека бугарската влада ќе ги искористи сите механизми во рамките на НАТО, како и дијалог со нашите партнери, така што ќе го преземе својот дел од одговорноста и ќе се вклучиме во таквите дежурства на ротациона основа. Имаме и средства и можности да го сториме тоа… Ова ќе ја покаже конструктивната и одговорна улога на Република Бугарија на регионален и сојузнички план, заклучи бугарскиот претседател по денешната консултативна средба.

„Ер Полисинг" е мирнодобска задача на НАТО, која вклучува користење на системот за следење на воздушниот простор и управување со системот за команда и контрола на воздухопловните сили за заштита на воздушниот простор на земјите членки на НАТО.

Македонија

Ковачевски ги одби условите на Димитриевски, Мицкоски негира „кокетирање“ со структури на СДСМ

Претседателот на ЗНАМ, Максим Димитриевски доби експресни одговори од лидерите на СДСМ и ВМРО-ДПМНЕ на поставените услови за евентуална постизборна коалиција.

На синоќешниот митинг во Кисела Вода на СДСМ, Ковачевски рече дека немало да тргува со иднината на државата, а упати и низа критики за неговиот поранешен сопартиец.. Според него, СДСМ е единствената партија наследник на НОБ и АСНОМ, а граѓаните и гласачите на партијата веќе ја препознале, како што рече, измамата која им е сервирана од страна на ЗНАМ и непринципиелните коалиции.

-За разлика од субјектите како „ЗНАМ“ кои се човек-партија, СДСМ се државничка партија со длабоки и силни корени. СДСМ не прифаќа условувања и со никого не прави политички дилови. Раководството на СДСМ го бираат членовите на СДСМ кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов.

Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома. - Димитар Ковачевски – претседател на СДСМ

Димитриевски од првомајскиот пикник на ЗНАМ од Пелинце му возврати на Ковачевски дека навредите уште еднаш ја покажале ароганцијата на партискиот врв на СДСМ.

Во изјавата за медиумите Димитриевски не одговори на повикот од Мицкоски, кој од митингот во Струмица демантираше дека имале соработка со Заев. Лидерот на ВМРО-ДПМНЕ оттаму уште еднаш побара од првиот човек на ЗНАМ да се изјасни дали ќе ја поддржи Силјановска или Пендаровски во вториот круг од изборите..

-Наместо да работат за интересот на народот и на Македонија, и да измислуваат триста глупости и изговори, зошто сме контактирале со овој зошто сме контактирале со оној.. Еве да му одговорам на оној претседателски кандидат, којшто постави прашање кукавички денеска дека ВМРО-ДПМНЕ кокетирало де со овој-де со оној. Ниту со Ковачевски, ниту со Венко Филипче, ниту со Зоран Заев, ние комуницираме и сме во коалиција со народот на Македонија. Ајде кажи сега кого ќе поддржиш? - Христијан Мицкоски – претседател на ВМРО-ДПМНЕ

Во пакетот услови, покрај оставки од раковдството и повлекување од пратеничките листи на носителите и коносителите, Димитриевски од СДСМ побара и гаранција дека нема да продолжат соработка со ДУИ.. За ова, како и за темата уставни измени – рече дека се согласува со ВМРО-ДПМНЕ.

Македонија

Се распалија скарите, излетничките места полни со граѓани

И покрај непредвидливото време, дел од граѓаните и останаа верни на традицијата и ги исполнија излетничките места.

Велат пикникот годинава е вистински луксуз, водени од максимата - секој според џебот.

Ана Торевска Мицевски е на Матка.

Се распалија ли скарите?

Македонија

КСС не излезе на протест – одржаа првомајска академија

Наместо протест, првомајска академија.

Единаесет грански синдикати во КСС одлучија да не се приклучат на првомајскиот марш организиран од ССМ, бидејќи сметаат дека нема легитимна полиитчка влада пред која би протестирале и би ги упатиле своите работнички барања... Наместо тоа, организираа свечена академија на која се разгледуваа економските програми на дел од политичките партии.

-Ние нема пред кого да протестираме. Имаме техничка Влада. Ќе имаме нова Влада во текот на следниот месец. Бараме, од сите што претендираат да бидат носители на таа Влада, да дојдат и да ги презентираат нивните програми пред нас. Мислам дека ако во иднина имаме коректни односи помеѓу двете синдикални организации, да, за некое вистинско право, можеме да изеземе и да си ги бараме своите права. - Благоја Ралповски – претседател на КСС

На првомајската академија на КСС, присутни беа дел од опозициските партии и техничкиот минситер за труд и социјална политика, Ѓоко Велковски. Тој порача дека во земјава има доби закони за работни односи, но истите мора да почнат да се почитуваат.

-Имаме добри закони и закони кои треба да се применуваат, но остануваат отворени прашањата дали истите се применуваат. Денеска имаме закон за здравје и закон за безбедност при работа, кои пет години се во фиоките и не се презентирани јавно достапни до секој еден чинител во општеството за секој еден да даде свој импакт по однос на истите да бидат квалитетни и функционални за сите работници во Македонија.- Ѓоко Велковски – технички министер за труд и социјална политика

Инаку, на денешниот првомајси протест на ССМ, покрај СОНК, не присуствуваа ниту од Синдикатот на администрацијата, државната управа и правосудство на Македонија, Синдикат за транспорт и врски, Синдикатот на станбено – деловни, комунални и водостопански организации и неколку други.