Македонија

Ручи ги повика Албанците во Македонија масовно да излезат и да гласаат „за" на референдумот

Претседателот на албанскиот парламент, Грамоз Ручи ги повика Албанците во Македонија масовно да излезат и да гласаат „за“ на референдумот што ќе се одржи на 30 септември.

Како што оценил на средбата во Тирана, со градоначалничката на Тетово, Теута Арифи, позитивниот резултат на референдумот е многу значаен за европската иднина на Македонија и целиот регион.

- Политичките сили и институциите на централната и локалната власт предводени од Албанци треба да дадат јасна порака за поддршка на референдумот. Ние Албанците, сме важен фактор на стабилност не само за Македонија, туку и за целиот регион. Позитивно е дека албанските политички сили главно се за референдумот и тоа треба да биде проследено со поддршка од страна на албанските гласачи, изјави Ручи.

Тој додава дека улогата на општина Тетово е клучна за обезбедување на учеството на Албанците на референдумот и нагласува дека „Албанците не треба да ја изгубат оваа историска шанса“.

Градоначалничката Арифи го посочи фактот дека политичките сили и Албанците во Македонија го подржуваат референдумот и ќе гласот „за“.

-Успехот на референдумот на 30-ти септември го отвора патот за други позитивни промени во Македонија, кои имаат и ќе имаат поддршка и од меѓународниот фактор. Меѓународниот фактор, по ова прашање, како ретко до сега, ги подржува прогресивни сили во Македонија, кои вложуваат напори да ги решат проблемите, за просперитет, мир и стабилност во регионот, посочи Арифи.

Двајцата соговорниците искажале верба дека Албанците масовно ќе учествуваат на референдумот на 30 септември и оти нивниот глас ќе биде „за“.

Арифи му се заблагодарила на Ручи за подршката што Албанија и Собранието на оваа земја ја даваат во овие моменти за Албанците во Македонија.

Регион

Ален на средба со Курти: Косово припаѓа во ЕУ и НАТО, да се спроведат договорите со Србија

Претходно, американската дипломатка се сретна и со претседателката Вјоса Османи.

Американската државна потсекретарка за јавна дипломатија Елизабет Ален, која престојува во Косово, по средбата со претседателката на државата, Вјоса Османи, беше примена и од косовскиот премиер, Албин Курти, со кого вели дека имала „длабока дискусија“, јави дописникот на МИА од Приштина.

Ален на платформата „Икс“, поранешен Твитер, покрај фотографии од средбата со Курти, напиша дека „Косово припаѓа во ЕУ и НАТО“, а го повтори и барањето на Вашингтон за спроведување на договорите со Србија.

„Ја ценам длабоката дискусија со косовскиот премиер Албин Курти. Косово припаѓа во ЕУ и НАТО. Ние бараме целосна имплементација на сите договори што Косово и Србија ги постигнаа во рамките на Дијалогот олеснет од ЕУ“, напиша Ален.

Претходно, американската дипломатка се сретна и со претседателката Вјоса Османи, со која потпиша договор за разбирање меѓу владите на Соединетите Американски Држави и Република Косово, против манипулациите со информации од други држави.

На заедничката прес-конференција по потпишувањето на договорот, Ален рече дека со Османи разговарале и за „критичните прашања на евроатлантскиот пат на Косово“, оценувајќи дека „суштинскиот чекор кон евроатлантскиот пат на Косово (е) напредокот на Косово во врска со формирањето на Заедницата на општини со српско мнозинство“. /МИА

Свет

Руската нафтена рафинерија во Краснодар привремено ја прекина работата по украинските напади

Руската нафтена рафинерија „Славјанск“ во јужниот дел на областа Краснодар денеска привремено ја прекина работата по синоќешниот напад на украински беспилотни летала, јавија руските медиуми.

Според извештаите на локалните власти, шест украински беспилотни летала паднале на територијата на рафинеријата.

Дроновите со кои беше нападната рафинеријата во јужниот дел на Русија не предизвикаа пожари, додаваат медиумите, повикувајќи се на властите.

Рафинеријата има капацитет од четири милиони тони нафта годишно, што е околу еден милион барели дневно./МИА

Македонија

Стабилна состојба на работникот, кој се здоби со тешки повреди во лифт

Стабилна е состојбата на 56 годишниот маж кој вчера попладне се здоби со тешки телесни повреди во лифтот во угостителски објект во Штип.

Надлежните во Клиничка болница- Штип информираат дека е примен со скршеници на пршлените и е хоспитализиран на oдделението за ортопедија во штипската Клинничка болница. Неговиот колега, 71 годишниот пензиониран кувар им подлегна на повредите добиени при пад на лифтот, во кој биле работно ангажирани.

Во меѓувреме директорката на Државниот инспектор за труд, Весна Томовска за МИА изјави дека на лице место вчера е излезен трудов инспектор. Утврдено е дека двајцата работници не биле вработени, туку работно ангажирани во објектот. Починатиот бил кувар во пензија.

Посочува дека утре до инспекторатот треба да биде доставена документацијата за безбедност при работа во објектот. Од Обвинителството пак информираат дека се обезбедуваат докази за расчистуваање на настанот, а стручно лице ќе направи техничко вештачење на лифтот. Како дошло до трагедијата се уште нема официјални информации. Телото на починатото лице е дадено на обдукција.