Рубио: Смената на режимот во Куба е клучно за економска и политичка реформа - Канал 5

Свет

Рубио: Смената на режимот во Куба е клучно за економска и политичка реформа

Американскиот државен секретар Марко Рубио денес изјави дека САД продолжуваат да ја поддржуваат промената на режимот во Куба.

Рубио: Смената на режимот во Куба е клучно за економска и политичка реформа

Американскиот државен секретар Марко Рубио денес изјави дека САД продолжуваат да ја поддржуваат промената на режимот во Куба, нагласувајќи дека економските реформи и подобрувањето на животниот стандард не се можни без промена на политичкиот систем, соопшти Стејт департментот.

На прашањето на новинарите дали би бил задоволен само со економски договор, Рубио рече дека економијата на Куба мора да се промени, а нејзината економија не може да се промени без промена на системот на владеење, се вели во соопштението.

„Тоа е едноставно така. Кој ќе инвестира милијарди долари во комунистичка земја водена од некомпетентни комунисти, кои се уште полоши од обичните комунисти? Единствениот начин економскиот развој да биде можен е промена на системот на владеење. Економските промени и давањето политички слободи на луѓето мора да одат рака под рака; тие не можат да се одвојат“, нагласи тој во своето обраќање пред новинарите.

Рубио рече дека разговорите за Куба не се насочени кон поединечни членови на семејството Кастро, туку кон целиот систем на владеење.

„Не станува збор за семејството Кастро. Станува збор за систем на владеење и режим што не функционира“, рече Рубио, додавајќи дека Куба останува тема на дискусија на Г7, се вели во соопштението.

Тој ја критикуваше ситуацијата во земјата, велејќи дека Кубанците страдаат поради лошото управување со инфраструктурата и некомпетентниот систем.

„Куба имаше прекини на електричната енергија во текот на целата минатата година и прексиноќа. Нема поморска блокада на Куба, причината зошто немаат нафта и гориво е затоа што сакаат да ги добијат бесплатно. Луѓето не даваат гориво бесплатно освен ако не ги субвенционираат, како што правеше Советскиот Сојуз или (поранешниот венецуелски претседател Николас) Мадуро. Тие имаат опрема од 1950-тите и 1960-тите што никогаш не ја одржувале“, рече Рубио, соопшти Стејт департментот.

Тој додаде дека економскиот систем на Куба е „глупост“ и дека граѓаните страдаат поради владини одлуки.

„Трагично е што Кубанците можат да бидат успешни само ако ја напуштат земјата. Тоа мора да се промени. За да се случи тоа, потребно е да се променат луѓето на власт, системот што ја управува земјата и економскиот модел што го следат. Тоа е единствениот пат кон подобра иднина за Куба“, рече Рубио.

Државниот секретар на САД потсети дека со години САД јасно и доследно го изразувале својот став за потребата од промена на режимот и дека сега постои можност повторно да се разговара за тоа.

„Можеби сега постои можност да се спроведе промената. Ќе видиме“, рече Рубио, според соопштението.

Тој, исто така, предупреди дека сите извори на информации за Куба што не се од официјалните американски канали треба да се сметаат за несигурни.

„Секој извор што ви кажува за Куба, а не е од моите или каналите на претседателот (Доналд Трамп), не знае ништо“, рече Рубио. Тој заклучи дека промените во Куба мора да ги вклучуваат и политичките и економските димензии, бидејќи само на овој начин земјата може да се приклучи на глобалниот развој и 21 век, соопшти Стејт департментот.

Тагови: куба Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Нвидија“ истражува наводи за врски на извршниот директор со осомничена кинеска шпионка

Американскиот технолошки гигант „Нвидиа“ отвори независна истрага по медиумските извештаи дека нејзиниот извршен директор Џенсен Хуанг имал блиски односи со жена осомничена дека е  кинески шпион.

„Нвидија“ истражува наводи за врски на извршниот директор со осомничена кинеска шпионка

Според „Њујорк Тајмс“, американските разузнавачки претставници веруваат дека кинеската бизнисменка Алис Хуанг работела за Пекинг.

Од компанијата соопштуваат дека одборот на директори засега нема причина да верува дека биле компромитирани деловните тајни или националната безбедност на „Нвидиа“.

Хуанг, пак, признал дека бил неверен на сопругата и јавно ѝ се извинил за болката што ѝ ја нанел нејзе и на нивните деца.

Од „Нвидиа“, која е меѓу највредните компании во светот и е клучен производител на хардвер за вештачка интелигенција, порачуваат дека Хуанг и натаму е посветен на водењето на компанијата. Независната истрага треба да ги разјасни наводите и евентуалните последици од неговите контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

 Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

Во болница почина убиецот од Полска

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АЛТА банка ги зголемува лимитите на платежните картички и отвора два нови шалтера во Тетово и Струмица

Од денеска, клиентите на АЛТА банка ќе можат да располагаат со поголем износ од своите средства.

АЛТА банка ги зголемува лимитите на платежните картички и отвора два нови шалтера во Тетово и Струмица

Неделниот лимит за подигање готовина од банкомат и плаќање со платежни картички се зголемува од 10 на 15 илјади денари. Истовремено, се проширува и мрежата за шалтерска исплата. Од денеска ќе бидат отворени и шалтери и во тетово и во струмица, каде што клиентите кои немаат платежни картички ќе можат да подигнат до 20 илјади денари во период од две недели, исто како и во експозитурата во Битола.

Олеснување, како што најави гувернерот Трајко Славески, ќе има и за идните приливи. Платите, пензиите и социјалните трансфери кои допрва ќе легнуваат на сметките на клиентите, доколку доаѓаат од институции или компании кои имаат сметки во други банки, ќе можат да се повлекуваат во целост..

Тагови: Алта банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер