Рубин: Србија е влезна точка на руската пропаганда на Западен Балкан - Канал 5

Балкан

Рубин: Србија е влезна точка на руската пропаганда на Западен Балкан

Кинеските и руските медиуми меѓусебе цитираат дезинформации и создаваат „ехо комори за поплава на пазарот“ на вести, а Србија е влезна точка на руската пропаганда на Западен Балкан, посочи Џејмс Рубин.

Рубин: Србија е влезна точка на руската пропаганда на Западен Балкан

Кинеските и руските медиуми меѓусебе цитираат дезинформации и создаваат „ехо комори за поплава на пазарот“ на вести, а Србија е влезна точка на руската пропаганда на Западен Балкан, посочи Џејмс Рубин, специјален претставник на Стејт департментот и координатор на Центарот за глобален ангажман.

Центарот се бори со странските пропагадни и дезинформации како кинеската и руската и минатата недела објави обемен извештај со предупредување дека Кина „има потенцијал да ја реоформи глобалната информациска околина“ и во кој се истакнува загриженоста на САД за тоа дека „Пекинг не е само главен воен соперник туку и клучен ривал во борбата за идеите и дезинформацијата глобално“.

Во брифинг за европските новинари по овој повод, Рубин синоќа од Брисел истакна дека Србија е единствената земја во регионот на Балканот што ги нема затворено телeвизијата RT (поранешна Russia Тoday) и Спутник, главните носители на руската пропаганда, и посочи дека Белград „е влезна точка на Русија на Западен Балкан“.

-Шокиран сум од тоа колку во Србија се повторува руската пропаганда. Оваа земја е единствената што ги нема затворено RT и Спутник, изјави тој и додаде дека „тие и понатаму го прават тоа и мислат дека ќе влезат во Европската Унија“.

Во овие руски државни медиуми Кремљ инвестира ститици милиони долари годишно.

-По почетокот на инвазијата на Украина секоја земја од ЕУ ги затвори RT и Спутник, кои се сметаат за основно оружје на руската воена операција и се служат со лажење за причините за нивната инвазија, со фалсификување на извештаи и со негирање на очигледни вистини, изјави Рубин.

То истакна дека во некои азиски и африкански земји кинеската државна информативна агенција го дава својот сервис бесплатно на локалните медиуми за да влијае врз нивната уредувачка политика или купува статии по локалните весници.

-Ваква манипулација не набљудуваме (на Западен Балкан). Но се сомневаме дека ќе дојде и до тоа. Има случаи како во Северна Македонија каде (комапнии градеа) патна мрежа и изградбата е неквалитетна, па затоа тие сега градат по западни стандарди, изјави Рубин.

Тој уште еднаш истакна за соработката што САД ја имаат со Молдавија, Северна Македонија и Бугарија во борбата со руската пропаганда и одбраната од неа. Со овие земји потпишани се меморандумите за разбирање за техничка помош во оваа сфера.

-Ние само што започнавме да градиме капацитети... Ова не е нешто развојно со инвестиции од милијарди долари. Ова е само техничка помош. На ист начин како што им помагавме на демократиите во развој во 1990-те да научат како да организираат избори, сега им помагаме на земјите да научат како да го испитуваат информациското поле, да анализираат и да можат да идентификуваат во што се вмешани и во што е интервенирано од срана на Русија и Кина преку тајни практики.

Од САД истакнаа адека мора да има транспарентност во сопствеништвото на медиумите и да се знае изворот на вестите.

За тоа дека САД во Украина наводно произведувале биолошко оружје, тој истакна дека нема никаков извор за таа информација, но Русија ја повторува повеќекратно, истовремено преземена од кинеските медиуми, кои потоа се цитирани од руските, со што се создава „ехо комора, и без наведување на извори или појаснување, информацискио простор е доминиран“.

Рубин истакна дека во време на слободен и глобален тек на инфроамацијата на Интернет и социјалните мрежи користени и од авторитарните земји како Кина, Иран или Русија на

фундаментално ниво не постои слобода на изразувањето и на печатот, како што стои во Унверзалната декларација за човекови права на ОН.

-Во врска со ова постои асиметрија со овие авторитарни режими. Тие го блокираат пристапот до нивното информациско поле а асиметријата е во тоа што тие се слободни да дејствуваат, да манипулираат и да користат секекви други начини во светското информативно поле. И затоа не треба да се повлекува еднаквост во однос на тоа што прават САД а што овие авторитарни режими. Не постои лажна еднаквост бидејќи има фундаментална асиметрија, заклучи Рубин.

И доаде: Русија сака да ве увери дека вината за инвазијата на Русија на Украина е во Америка и дека некако тоа е дизајнирано од Америка или дека се политики на проширувањето на НАТО.

-Факт е дека едно утро, без некоја причина се случи неиспровоцирана инвазија. Кина ги повторува аргументте на Русија, создава ехо комора сугерирајќи на американската одговорност, дека некако ние сакаме да заработиме пари од ова, или виновен е американскиот воено-индустриски сектор. Ова се теории на заговор што не се засновани на факти, и Русија и Кина целосно се совпаѓаат околу тоа, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Овации за Лука Модриќ во Севиља

Момент за паметење во Севиља, стоечки овации за легендата на светскиот фудбал, Хрватот, Лука Модриќ која синоќа на дербито Шпанија- Хрватска влезе во игра дури во 81-вата минута.

Видео: Овации за Лука Модриќ во Севиља

Шпанската фудбалска публика дефинитовно добро го памети и почитува поранешниот ас на Реал Мадрид.

Капитенот на Хрватска доби громогласни овации од шпанската публика, иако играше за противничкиот тим.

Лука Модриќ го започна натпреварот против Шпанија од клупата за резерви, но неговото влегување во завршницата на мечот донесе еден од највпечатливите моменти на вечерта во Севиља.

Славен Билиќ одлучи да го внесе капитенот во игра дури во 81-вата минута, на местото на Петар Сучиќ, а публиката го поздрави со громогласни овации.

Речиси сите на трибините станаа за да го поздрават со аплауз хрватскиот играч за врска, кој најдобрите години од својата кариера ги помина во Шпанија, играјќи за Реал Мадрид. Иако сега беше на спротивната страна, домашните навивачи му покажаа голема почит.

Отсуството на Модриќ од почетниот состав беше едно од изненадувањата што Билиќ ги подготви за натпреварот против актуелните европски и светски шампиони. Хрватска губеше со 3–1 кога тој влезе во игра, а натпреварот заврши со победа на Шпанија од 4–1.

Тагови: Лука Модриќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ајкула залута во јужнокорејско пристаниште, 600.000 луѓе дојдоа да ја видат (ВИДЕО)

Ајкула што залутала во пристаништето на Бусан, голем пристанишен град во југоисточна Јужна Кореја, стана вистинска атракција. Градските власти проценуваат дека околу 600.000 луѓе дошле да ја видат во текот на изминатите две недели.

Ајкула залута во јужнокорејско пристаниште, 600.000 луѓе дојдоа да ја видат (ВИДЕО)

Ајкулата, долга приближно 3,5 метри, првпат била забележана на 18 септември во тесен воден канал во рамките на Северното пристаниште на Бусан. Властите вчера се обиделе да спроведат акција за спасување откако ајкулата не успеала сама да го најде патот назад кон отвореното море, но обидот бил неуспешен.

Крајбрежната стража и други служби ангажирале пловни објекти за да прскаат вода зад ајкулата во обид да ја насочат кон океанот, но животното пливало подалеку од водените млазови.

Ајкулата дури добила и прекар

Како што пренесе весникот „Чосун дејли“, властите сега планираат задутре да употребат рибарска мрежа за да се обидат да ја изведат ајкулата од каналот. Во меѓувреме, ајкулата стана вистинска ѕвезда во Јужна Кореја и го доби прекарот „Буканги“.

За време на четиридневниот празник Чусок минатиот викенд, околу 480.000 луѓе го посетиле крајбрежниот парк каде што се појавила ајкулата. Според соопштението од градот Бусан и медиумските извештаи, паркот вообичаено привлекува околу 2.000 посетители дневно за време на викендите.

Вчера, Бусан исто така ја прогласи ајкулата за почесен амбасадор за односи со јавноста на градот. И други приказни поврзани со животни претходно привлекле големо внимание во Јужна Кореја.

Извор: Индекс.хр

Тагови: ајкула Јужна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Навреме да препознаеме, навреме да помогнеме, поддршка и помош за младите во ризик од дрога

Општина Центар, во соработка со Здружението ХОПС, обезбедува бесплатна психосоцијална поддршка за младите во ризик од употреба на дроги и за нивните семејства.

Герасимовски: Навреме да препознаеме, навреме да помогнеме, поддршка и помош за младите во ризик од дрога

Во Дневниот центар за рехабилитација и реинтеграција на ХОПС, младите и нивните семејства добиваат стручна помош, советување и третман во безбедна средина, без осуда и стигматизација. Достапни се психолошка и психијатриска поддршка, помош од социјален работник, советување за пристап до здравствена заштита и остварување на социјалните права, како и информации за намалување на ризиците поврзани со употребата на дроги.

„Им порачувам на младите дека не се сами и дека имаат каде да се обратат. Понекогаш првиот и најважен чекор е разговорот и довербата во човек кој знае како да помогне. Тоа е и целта на овој проект – да дадеме стручна поддршка навреме, но и да делуваме превентивно, затоа што зависноста може да остави сериозни последици врз животот на младите и нивните најблиски“, порача градоначалникот на Општина Центар, Горан Герасимовски.

Од мај до август 2026 година, Дневниот центар го посетиле 71 корисник, при што се реализирани 274 посети и обезбедени 481 услуга. Фокусот е ставен врз младите и нивните семејства, со цел ризикот да се препознае навреме и да се спречи продлабочување на проблемот.

Покрај директната поддршка, преку овој проект се реализираат и активности за информирање и активно вклучување на младите во креирањето информативни и едукативни содржини за злоупотреба на психоактивни супстанции и штетните последици.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер