Роналдо ја обезбедил Георгина за цел живот, ќе добива голема сума секој месец ако се разделат - Канал 5

Забава

Роналдо ја обезбедил Георгина за цел живот, ќе добива голема сума секој месец ако се разделат

Кристијано Роналдо, наводно, би морал да издвојува сериозна сума пари секој месец доколку некогаш се раздели од Георгина Родригез.

Роналдо ја обезбедил Георгина за цел живот, ќе добива голема сума секој месец ако се разделат

Роналдо (39) има нето вредност од околу 500 милиони фунти благодарение на неговата блескава кариера во Манчестер Јунајтед, Реал Мадрид, Јувентус и сега во Ал-Наср од Саудиска Арабија. Покрај тоа што е најплатен спортист во светот - заработувајќи 173 милиони фунти годишно во Саудиска Арабија - напаѓачот заработува и милиони годишно преку неговите различни спонзорски договори.

Сепак, тој ќе мора да се откаже од сериозен дел од својот приход ако тој и Георгина се разделат. Аранжманот меѓу двајцата го штити имотот на фудбалерот, а истовремено гарантира дека Георгина, мајката на неговите две деца, која ја запознал додека работела во продавница на Гучи, ќе има финансиска стабилност доколку се разделат.

Во случај на разделба, 30-годишната Георгина би добила доживотна отштета во износ од повеќе од 85.000 фунти месечно. Клаузулите биле воспоставени по раѓањето на нивната прва ќерка - Алана Мартина.

Во договорот стои дека Георгина ќе стане сопственик и на нивната вила, која се наоѓа во ексклузивната област Ла Финка во Мадрид. Имотот е 950 квадратни метри во имот од 4.000 квадратни метри во скапата област Позуело. Роналдо ја купи вилата во 2010 година за пет милиони евра.

Јавно парот се уште не е во брак. Сепак, има и такви кои сугерираа поинаку, што несомнено би додало уште едно ниво на компликации во случај на нивна разделба.

Роналдо ги подгреа ваквите гласини во неодамнешното промотивно видео за фитнес бренд. Капитенот на Ал-Наср зборуваше за својата рутина на тренинзи пред да каже нешто што сугерираше дека тие конечно се венчале.

„Кога не тренирам во клубот, сакам да тренирам со сопругата дома“, рече тој, користејќи го зборот сопруга наместо партнерка или девојка.

Роналдо има пет деца и дели две со Родригез. Неговиот најстар Кристијано Џуниор е роден во 2010 година, а идентитетот на неговата мајка останува непознат. Седум години подоцна ги добил Матео и Ева со помош на сурогат мајка. Во ноември 2017 година, Родригез и Роналдо го објавија раѓањето на нивното прво дете, Алана Мартина. Двојката објави дека очекуваат близнаци во 2022 година, но го загубија момчето, објави Мирор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски дизел утре тргнува за Америка- „Танкерот има капацитет од 40.000 тони“

Русија утре треба да ја испрати првата пратка дизел во Соединетите Држави, во рамките на спорниот договор меѓу американскиот претседател Доналд Трамп и рускиот претседател Владимир Путин. 

Руски дизел утре тргнува за Америка- „Танкерот има капацитет од 40.000 тони“

Рускиот вицепремиер Александар Новак изјави дека танкерот ќе има капацитет од 40.000 тони, пренесува Интерфакс. Се очекуваат и дополнителни пратки.

Новак не ја исклучи можноста за извоз на дизел и во други земји, но напомена дека тоа ќе зависи од капацитетите на руските рафинерии во текот на наредните месеци.

На почетокот на октомври, Трамп и Путин се договорија за продолжување на испораките на руски дизел за САД. Вашингтон привремено ги суспендираше постојните санкции против Русија за да овозможи реализација на овие пратки. Договорот наиде на остри критики од Украина, Европската Унија, па дури и од некои републикански членови на американскиот Конгрес, додека Москва го поздрави договорот.

Руските рафинерии за нафта често се цел на украински беспилотни летала со голем дострел, а оштетувањата и поправките го ограничуваат производниот капацитет на земјата.

Москва одговори со воведување забрана за извоз на бензин и дизел. Трамп ги критикуваше украинските напади, обвинувајќи го Киев за порастот на цените на горивата во пресрет на ноемвриските избори за Конгресот на САД, на кои се очекува републиканците да остварат слаб резултат.

Киев, пак, тврди дека нафтените постројки се легитимни воени цели, бидејќи обезбедуваат гориво и финансиски средства за војната на Путин. Од февруари 2022 година, Украина се брани од целосна руска инвазија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување со моторно возило“, седум возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување со моторно возило“ по член 297-а од Кривичниот законик.

Лишени од слобода 10 возачи за „безобѕирно управување со моторно возило“, седум возеле без положен возачки испит

Од нив, седум управувале возило без положен возачки испит и тоа: Д.А.(41), Ш.Џ.(23), 20-годишната Е.Љ. и 16-годишник, сите од Скопје, Ф.И.(45) и С.К.(56), двајцата од скопско и С.Х.(44) од Тетово. Со активна мерка - забрана за управување на возило возеле Б.Д.(45) од Велес и С.Б.(25) од Гостивар. Додека, пак, под дејство на алкохол возел Т.Н.(37) од Гостивар. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Државниот секретар Петрушевски учествуваше на 27. состанок на Советот на СЕЛЕК во Букурешт

На 21 октомври 2026 година, во Букурешт, Романија, се одржа 27. состанок на Советот на СЕЛЕК – Центарот за спроведување на законот на Југоисточна Европа.

Државниот секретар Петрушевски учествуваше на 27. состанок на Советот на СЕЛЕК во Букурешт

На состанокот учествуваше државниот секретар во Министерството за внатрешни работи, Сашо Петрушевски, во својство на постојан член на Советот, предводејќи ја македонската делегација.

Во рамки на состанокот беа презентирани резултатите од оперативната работа на СЕЛЕК за 2025 и 2026 година, при што беше разгледан придонесот на Центарот во унапредувањето на регионалната соработка и координацијата меѓу надлежните институции во справувањето со прекуграничниот и организираниот криминал.

Во продолжение, се одржа гласање за избор на нов генерален директор на СЕЛЕК. За функцијата беа номинирани кандидати од Албанија, Романија и Србија. По спроведената изборна постапка, за генерален директор беше избрана кандидатката на Романија, Мадалина Сорина Влангар.

Состанокот претставуваше можност за размена на информации и искуства меѓу земјите членки, како и за унапредување на регионалната соработка во спречувањето и сузбивањето на прекуграничниот и организираниот криминал.

Република Македонија, преку своето учество во работата на Советот на СЕЛЕК, продолжува да придонесува кон зајакнување на соработката меѓу надлежните институции и унапредување на безбедноста во Југоисточна Европа.

Тагови: Сашо Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер