Рокас предупредува дека неисполнувањето на реформите може да доведе до губење на средствата од планот за раст - Канал 5

Македонија

Рокас предупредува дека неисполнувањето на реформите може да доведе до губење на средствата од планот за раст

На Македонија и преостануваат уште десет чекори од реформската агенда кои треба да се исполнат до крајот на јуни а кои ќе одредат дали државава ќе ги добие предвидените 47 милиони евра од Планот за раст.

Рокас предупредува дека неисполнувањето на реформите може да доведе до губење на средствата од планот за раст

На Македонија и преостануваат уште десет чекори од реформската агенда кои треба да се исполнат до крајот на јуни а кои ќе одредат дали државава ќе ги добие предвидените 47 милиони евра од Планот за раст, потенцираше евроамбасадорот во земјава – Михалис Рокас. Овие критични чекори од реформската агенда се во грејс период од минатата година, посочи Рокас.

-Се работи напорно, не можам да предвидам, мора да почекаме до крајот на јуни за да видиме, а она што се случува е дека во исто време е и новиот период на известување за јуни 2026 година. Гледаме дека има моментум, но не можеме да предвидиме,- - Михалис Рокас, амбасадор на ЕУ.

Една од критичните точки во преостанатите десет чекори е Изборниот законик кој бара поширок консензус, вели министерот за европски прашања – Беким Сали.

Иако извештајот за реформскиот напредок до декември минатата година се уште не е пристигнат, тој е позитивен тврди Сали. Дополнително, тој ги оцени како превентивни предупредувања изјавите на еврокомесарката Марта Кос и известувачот на ЕП за земјава – Томас Вајц за неисполнување на реформската агенда и ризик од губење на европските средства во земјите кандидатки од Западен Балкан меѓу кои и Македонија.

-16 од 21 чекор се прифатени и тоа е одличен знак за нас. Предупредувањата на комесарката Кос и европратеникот Вајц се однесуваат на најави за идниот период - периодот до јуни месец до кој имаме уште два месеца. Не сме заостанати за овие точки, од 10 сметам дека со 6 веќе сме при крај завршени. Дали финансискиот дел е главниот мотив или пак исполнувањето на чекор со цел функционирање на системот? --Беким Сали, министер за европски прашања.

Прашан за барањето на албанските студенти да полагаат правосуден испит на албански јазик, евроамбасадорот Рокас потврди дека имал средба со претставник на студентите и подвлече дека решението треба да се најде во рамките на македонскиот Устав.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со ВМРО-ДПМНЕ на власт платите и пензиите растат значително побрзо, граѓаните добиваат повеќе и живеат со поголема економска сигурност

Економските резултати се мерат со бројки, а бројките јасно покажуваат дека со Владата предводена од ВМРО-ДПМНЕ, граѓаните добиваат повеќе и живеат со поголема економска сигурност.

Со ВМРО-ДПМНЕ на власт платите и пензиите растат значително побрзо, граѓаните добиваат повеќе и живеат со поголема економска сигурност

Доколку направиме компаративна анализа со периодот на владеење на СДС и ДУИ, ќе видиме дека просечната плата во периодот од јули 2024 до мај 2026 година расте за 70 проценти повеќе на месечно ниво во споредба со периодот од јуни 2017 до мај 2024 година.

Во јуни 2017 кога СДС дојде на власт, просечната плата изнесуваше 22.808 денари, која до нивното заминување во опозиција, мај 2024 година порасна на 41.252 денари. Тоа значи за седум години, односно 84 месеци влада на СДС и ДУИ, просечната плата се зголемила за 18.444 денари или за околу 220 денари месечно.

Кога ВМРО-ДПМНЕ дојде на власт просечната плата во јули месец 2024 година изнесуваше 40.961 денар, која за нецели две години, до мај 2026 година се зголеми на 49.544 денари.

За време на владеење на ВМРО-ДПМНЕ за 23 месеци, просечната плата се зголемила за 8.583, што значи дека месечно растела за околу 373 денари или за 70% повеќе отколку во периодот кога СДС биле влада.

Уште позначајна е разликата кај старосните пензии. Во периодот на оваа Влада, старосната пензија бележи 325 проценти побрз месечен раст во споредба со периодот на претходната влада на СДС и ДУИ.

Компаративната анализа на параметрите го покажуваат следното. Просечната старосна пензија во јуни 2017 била 15.273 денари, додека во мај 2024 година изнесувала 22.937 денари. За седум години власт на СДС просечната пензија се зголемила за 7.664 денари, односно месечно растела само за околу 91 денар.

Во јули 2024 година просечната старосна пензија била 22.858 денари, додека во мај 2026 изнесувала 29.663 денари, што претставува зголемување од 6.805 денари за период од 23 месеци. Ова значи дека месечно просечната старосна пензија во периодот на власт на ВМРО-ДПМНЕ расте по околу 296 денари, што е за 325% повеќе од периодот на власт на СДС.

Ова се реални економски показатели кои покажуваат дека Владата предводена од ВМРО-ДПМНЕ работи за повисок стандард, повисоки плати и повисоки пензии. Разликата меѓу политиките на СДС и ДУИ и политиките на оваа Влада е видлива и мерлива, а бројките се најдобар одговор на сите политички конструкции.

Граѓаните заслужуваат економски раст што се чувствува во секое семејство, а тоа е политика на ВМРО-ДПМНЕ и резултатите што го испорачуваме, работа, раст и повисок стандард за граѓаните.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Клековски даде четвртина извештај за водата - остатокот граѓаните нека си го соберат сами

Така изгледа министер за здравство во владата на Мицкски. Најави целосен извештај за водата. А излезе само со дел, четвртина, парче. 

СДСМ: Клековски даде четвртина извештај за водата - остатокот граѓаните нека си го соберат сами

За останатото им рече на граѓаните: одете кај ЦУК, кај АХВ, кај „Комуналец“.

Ако сакате да знаете што пиевте, шетајте. Соберете си го досието сами.

Тоа не е транспарентност. Тоа е екскурзија.

Прво тој отиде на одмор додека Гостивар се труеше, додека се ширеше жолтицата и западнонилската треска.

Сега граѓаните ги праќа на екскурзија по институции.

Министерот што треба да го собере системот го растура одговорот на четири шалтери.

По 22 дена труење и околу 5.000 заболени, јавноста не бара брошура.

Бара еден документ: сите мостри, сите лаборатории, сите датуми, сите бактерии, сите вредности, кој потпишал дека водата е за пиење.

Не четвртина кај министерството. Не остаток кај комуналното. Не парче кај агенцијата. Не алиби кај кризниот центар.

Ако извештајот е целосен, зошто мора да се бара по делови?

Ако фактите се јасни, зошто се делат според тоа кој ги нарачал? Ако нема што да се крие, зошто граѓанинот станува курир меѓу институции што се под иста власт?

Клековски е министер, не туристички водич. Водата за пиење е јавно здравје.

Јавното здравје не е сопственост на претпријатие. Не е архива што се издава на барање. Се објавува. На едно место. Со потпис. Пред народот што пиеше фекалии 22 дена.

Објавете го целиот извештај. Денес. Без упатства каде да одат граѓаните понатаму да бараат.

Дотогаш ова не е одговор. Ова е признание дека повторно бегате.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Седум загинати во хеликоптерска несреќа во Кенија

Седум лица, меѓу кои и пет државјани на САД, загинаа кога хеликоптер што превезувал туристи на сафари се урнал во оддалечен дел на северна Кенија.

Видео: Седум загинати во хеликоптерска несреќа во Кенија

Во леталото се наоѓале пилотот и шест патници, објави Си-Би-Ес (CBS). Хеликоптерот „Еурокоптер EC130 B4“ се урнал во 9:13 часот наутро додека летал од резерватот за диви животни „Лоисаба“ кон областа на реката Евасо Нџиро во округот Самбуру, соопшти Управата за цивилно воздухопловство на Кенија.

Несреќата се случи на непристапен терен во подножјето на планината Ололокве, а истрагата е во тек.

Меѓу загинатите беа Хозе Алберто Суарез, претседател и генерален директор на неколку телевизиски станици на „Телемундо“, како и познат угостител од Мајами.

Во несреќата загинаа и шефот на разузнавачката служба на Еквадор, Микеле Сенси-Контуџи, и неговата сопруга.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер