Роденден на ДПМ во криза - изборно собрание на 1 јуни - Канал 5

Култура

Роденден на ДПМ во криза - изборно собрание на 1 јуни

Роденден на ДПМ во криза - изборно собрание на 1 јуни, Петрески очекува членството да изгласа негов наследник.

Роденден на ДПМ во криза - изборно собрание на 1 јуни

По две неуспешни вонредни изборни собранија во ноември и јануари, Друштвото на писателите на Македонија (ДПМ) за 1 јуни закажа редовно изборно собрание кога се очекува членството да избере нов претседател и претседателство на писателската асоцијација која денеска одбележа 77 години постоење.

Според актуелниот претседател Христо Петрески, кризата во која се наоѓа ДПМ се должи на внатрешни поделби – антагонизам меѓу повозрасни и помлади членови, дури и поделби меѓу членови од Скопје и од внатрешноста, а дека нападите по социјалните мрежи во изминатиот период често се од луѓе кои и не се членови на ДПМ и чија намера е да му наштетат. Како што рече, има и „странични удари, има и странски мешетарења и притисоци, но и домашни – партиската подвоеност има влијание врз ова друштво“. Реагираше и поради негрижа на државата да му помогне финансиски и третманот што го добива како обично здружение.

На присутните кои денеска беа да го одбележат роденденот, Петрески им порача дека ДПМ треба да биде гласот на македонските писатели и заедно да се изборат за многу нешта кои, рече, во минатото му припаѓале на македонскиот писател, „а сега тој самиот треба да си ја реши судбината“.

-Срамно е тоа што се случува во оваа организација, која е еснафска, па и синдикална. Покрај мене има многумина истомисленици и нема да дозволиме ДПМ ниту да исчезне, ниту да пропадне ниту да се разнебити... Да сме поорганизирани и посложни и да не се критикуваме по медиуми, треба да се избориме за авторските хонорари кои се никакви, за третманот во медиумите, треба македонските писатели да гостуваат во странство, да излезат од локални рамки, истакна Петрески.

Во изјава за медиумите рече дека членовите на Претседателството на ДПМ и тој самиот се уште се на функции и не се сменети, неговата и нивните оставки не се прифатени затоа што не беа одржани изборните собранија за да бидат верификувани. Денешното одбележување, како што рече, не го организирал на своја рака, туку во договор со претседателката на Собранието и со членството.

-Затоа што мислам дека е непримерено по 77 години да не се одбележи овој свет датум - 13 февруари е празник. Замислете колку големи, познати, афирмирани, етаблирани писатели биле членови на ДПМ и зар треба да размислуваме дали треба да го одбележиме овој ден, посебно на еден ваков начин - со поезија, со читање, со другарување и најбитно – отворен ден. Друштвото не треба и не смее да биде затворена институција. ДПМ е мошне значајна институција, втемелена е во писменоста на македонскиот народ, во јазикот, во културата, во државноста. Без ДПМ ја нема и државата. Државата не смее да зборави, не може само кога ти треба некој да постоиш, ако не ти треба - да не постоиш. На државата и треба ДПМ и обратно, рече Петрески.

Нагласи дека нема намера да го „запоседнува Друштвото и да одоговлекува“ и повика што поскоро членовите да изберат друг човек, а државата да одвојува повеќе средства за активности и одржување затоа што, рече, „не може ова Друштво да егзистира со киријата од кафеаната ’Јоле’“.

-Мене четири години ми се многу, и со статут и без статут. Тоа што може и треба да го направите, може и за две години. Но сега никој не се нафаќа зашто оваа работа е волонтерска и не сакаат да си стават трн во нога. Никој не сака да биде топовско месо, постојано да биде напаѓан на социјални медиуми, и тоа не од членовите, туку од анонимни луѓе кои не се ни членови на Друштвото, изјави Петрески.

Првпат годишнината беше одбележана без свечено врачување на годишните награди на ДПМ („Стале Попов“, „Ацо Шопов“„ Димитар Митрев“ и Ванчо Николески“). Не беа распишани конкурсите поради нефункционирање на Претседателството на ДПМ и неможност да се изберат жирија што ќе одлучуваат за најдобрите книжевни дела на членови на ДПМ во претходната година. Петрески изјави дека се надева наградите да бидат доделени по конституирање на новото Претседателство што очекува дека ќе се случи по изборното собрание на 1 јуни.

-Но тоа не зависи лично од мене, зашто не знам дали ќе има кворум и за редовното собрание, дали ќе се избере нов претседател и Претседателство. Тоа зависи од членството, рече Петрески.

Според писателот Васил Дрвошанов, кој денеска имаше пригодна беседа за првите тројца претседатели на Друштвото и негови основачи во 1947 - Блаже Конески, Ацо Шопов и Славко Јаневски, досега ДПМ било под закрила на државата, а со „поедноставувањето во здружение го губи тој приоритет што го заслужуваше“.

- Мислам дека можеби тука како институција треба да се има друг пристап. Според мене, нивото, третманот на ДПМ не го заслужува тоа. Очекувам поинаков приод од страна на државата, веројатно тоа треба законски да биде регулирано, изјави Дрвошанов.

Писателот Александар Прокопиев додаде дека „државата не мора да биде надвисната како закрила, но мора да се грижи за функционирањето во своја корист“, потенцирајќи дека ДПМ заедно со Скопскиот универзитет и МАНУ се институции - носители не само книжевниот и културниот, туку и на националниот идентитет.

-Без оглед на политичките клими, менувања и меѓусебни борби, ова е нешто што е многу поважно, дури од тоа кој ќе биде на власт. Значи, како власта функционира, односно како функционира во нашиот културен живот, институциите кои се темели на тој културен живот тоа е посебно прашање, нагласи Прокопиев.

За настанатата криза во ДПМ рече дека е ситуација која „се развива во страшно непријатни текови“ и дека самата писателска асоцијација ќе мора да го најде излезот.

-Како тоа ќе заврши немам јас решение. Тоа мора да си го реши самата организација. Таа си има свој статут, свои тела, со нивно функционирање сигурно може да се помогне. Меѓутоа, со вакви директни и груби конфронтации не, рече Прокопиев.

Седумдесет и седмиот родендден на ДПМ беше одбележан со читање поезија. ДПМ има 300 членови. На последниот конкурс, како што информираше Петрески, биле примени девет нови од 69 пријавени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер