Роботските такси во Сан Франциско свират по цела ноќ, граѓаните бесни (ВИДЕО) - Канал 5

Автомобилизам

Роботските такси во Сан Франциско свират по цела ноќ, граѓаните бесни (ВИДЕО)

Waymo е повторно на удар, а граѓаните на Сан Франциско се бесни.

Роботските такси во Сан Франциско свират по цела ноќ, граѓаните бесни (ВИДЕО)

Особено оние кои живеат недалеку од паркингот каде што се собираат роботските такси по нивната смена. Тие се собирале така и порано, но проблемот не бил откриен дури откако Waymo го надгради софтверот. Имено, со најновото освежување на контролната електроника на автономните Jaguar, Waymo предвиде дека автомобилот ќе свири ако автомобил во рикверц премногу се доближи до него.

Звучи како паметно безбедносно решение за избегнување сообраќајни несреќи на паркинзи, но не баш на паркинзи каде што се наоѓаат само роботски такси. На таков паркинг каде што обично преноќуваат роботски такси, може да биде многу бучно.

Видеото објавено на TikTok покажува паркинг опкружен со станбени згради. Наводно е снимено во 4 часот наутро кога има зголемена активност на паркингот. А ваквата гужва на роботаксија, и покрај електричниот погон, не е невидена. Напротив, штом автомобил се приближува, сирената на еден од автомобилите се активира.

„Почнавме со неколку свирења овде и таму, а потоа како што почнаа да пристигнуваат сѐ повеќе автомобили, се влошуваше“, изјави локалниот жител Кристофер Чери за Business Insider. „Тоа е многу вознемирувачко во текот на работниот ден, но најважно е што ве буди во четири часот наутро.

@curiosior Every morning we wake up to @Waymo robots honking downstairs. Normally it’s 4 AM but since its the weekend we got a late start… 7 AM. 1.3x notmal speed. #carsoftiktok #s#selfdrivingrobot #ai #fypage ♬ original sound - Curiositas

Waymo овојпат реагираше брзо и најави решение за проблемот. „Неодамна воведовме корисна карактеристика што помага да се избегнат судири со мала брзина со свирење ако другите автомобили се премногу блиску до нас додека возат во рикверц“, рече портпаролот на технолошката компанија. „Одлично функционира во градот, но навистина не очекувавме дека тоа ќе се случува толку често на нашите паркинзи. Го ажуриравме софтверот, така што нашите електрични возила треба да ја намалат бучавата за нашите соседи“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер