Робот ќе им ги меша коктелите на Швајцарците, а знае да кажува и шеги (ВИДЕО)

Барни е малку поразличен од вообичаените швајцарски бармени. Целосно е автоматизиран, меша десетици коктели, па дури и кажува лоши шеги.

Од компанијата „ F & P Robotics “ велат дека забележале зголемен интерес за „Бар Барни“ и се надеваат дека ќе бидат хит во хотелите, баровите и трговските центри, кои сакаат да ги намалат контактите меѓу луѓето за време и по пандемијата на коронавирус.

Барни знае како да измеша 16 различни алкохолни пијалоци и осум сокови за клиентите, кои порачуваат преку мобилен телефон, а исто така нуди пиво и шампањ. Роботот, кој е и шанкер и бармен, знае како да ја дезинфицира својата роботска рака, а на клиентите им кажува дека нивниот пијалок е подготвен користејќи голем видео-екран.

Развиена е и верзија на бармен кој подготвува различни кафиња. Двете верзии имаат можност за разговор, па така на пример, Барни знае како да се пошегува дека му била понудена улога во најновиот филм за Терминатор.

„Имаме голем интерес“, изјави директорот за продажба Гери Коломбо за Ројтерс. „Сметаме дека Барни може да биде забавна атракција, дека може да ги привлече луѓето во баровите, затоа што постојано се движи и е поинаков.

„Иако очекуваните клиенти, ресторани и хотели првично не беа расположени за трошење поради кризата, ситуацијата полека се менува“, рече Коломбо. Секој модел чини околу 120 000 швајцарски франци.

"Добиваме двојно поголема количина на прашања во споредба со минатата година. Тоа дефинитивно може да биде предност за клиентите кои сакаат шанкер кој може да работи 24 часа на ден, да ги сервира точно пијалоците што ги сакаат луѓето и истовремено да го намали човечкиот контакт", рече тој.

Компанијата со седиште во Цирих, која произведува роботи и го развива нивниот софтвер, досега ги продала на Кина и Оман, кои ги користат во трговски центри.

Други компании во Европа и Америка исто така работат на роботски бармени.

„Не можеме да кажеме како ќе изгледа гастрономската индустрија за неколку години, но уверени сме дека роботиката ќе игра значајна улога“, рече Коломбо.

Џеј Ло во секси поза, чија е раката на нејзиниот задник? (ФОТО)

Додека има гласини за наводно помирување на поранешната двојка, Џенифер Лопез и Бен Афлек, Лопез реши да ги игнорира сите гласини и да се посвети на работата.

Таа снима во Мајами, а нејзиниот стилист Роб Зангарди објави фотографии од Џеј Ло во предизвикувачка модна комбинација. Носи црвен фустан со длабок шлиц и наметка.

Модната комбинација ја надополнила со големи обетки и неутрална шминка.

„Тој сјај на Џеј Ло“, напишал стилистот покрај фотографијата.

Освен што нејзините обожаватели делат комплименти, тие забележале и нечија рака на нејзиниот задник.

„Ова е најсексипилното нешто што некогаш сум го видела“, „Каде можам да се пријавам за да работам со тебе?“, „Кој е среќникот што ти го држи задникот?“, „Кралица“, се само некои од коментарите.

Имено, човекот на фотографијата е шминкерот Скот Барнс.

Ги имитира топлес позите на Ирина Шајк, па доби повеќе лајкови (ВИДЕО)

Снимката со Ирина Шајк, во кое ги покрива градите со раце, на Инстаграм ја погледнале 1,5 милиони луѓе, но пародијата на австралиската комичарка собрала дури 800 000 прегледи, и тоа за три дена помалку.

Селест Барбер се прославила со ироничните и смешни имитации на совршени, често нереални фотографии од познати личности, а последна на удар беше 35-годишна руска манекенка.

„Буахахааха“, „Ме убиваш секој пат“, „Умирам од смеа“, се само некои од реакциите, кои се прилично чести кога станува збор за нејзините имитации, на кои таа ја изгради својата слава на Инстаграм.

Имено, 7,9 милиони луѓе ја следат на таа социјална мрежа.

Кинески ровер ноќеска ќе се обиде да слета на Марс

Кина треба да се обиде да го спушти својот прв ровер на Марс вечерва околу 1 часот по полноќ. Станува збор за многу ризичен потфат што успешно го постигнале само половина од леталата што стигнале до Црвената планета.

Слетувањето е предвидено за сабота во 1 часот по полноќ, иако засега Кинеската национална вселенска агенција (ЦНСА) сè уште официјално не го потврдила тоа.

Планирана е мисијата наречена Тијанвен-1 (Прашања до рајот) во две фази. Првата фаза, испраќањето на леталото во орбитата на Марс, беше успешно завршена. За време на втората, кинеското вселенско летало би требало да спушти орбитер и ровер на Марс.

Тијанвен-1 се состои од три компоненти: орбитер, летало и роботско возило, а масата на целото вселенско летало е околу 5 тони. Ќе се обиде да слета на копно со роверот на површината, додека орбитерот ќе продолжи да кружи околу Црвената планета.

Роверот со соларен погон е тежок 240 килограми, а по слетувањето три месеци ќе бара биомолекули и други знаци на живот, по што неговата мисија завршува. Орбитерот, пак, треба да кружи околу Марс уште две години.

Роверот наликува на роверите на НАСА 2000 Спирит и Опортјунити, а се напојува со соларни панели.

Кога станува збор за истражување на Црвената планета, досегашната статистика е добро позната - скоро половина од сите претходни обиди не успеале. Првиот обид на Кина да испрати сателит „Јингхуо-1“ на Марс пропаднал бидејќи нејзиниот руски носач престанал да работи и се урна во Тихиот океан.

Доколку Тјанвен-1 безбедно слета на тлото на Црвената планета, тоа ќе биде првото слетување на Марс во последните неколку децении, што не било извршено од НАСА. Иако Советскиот сојуз го спушти леталото на површината на Марс во 1971 година, тоа престанало да работи 110 секунди по слетувањето, по што е изгубен контакт со него. Досега само САД успеале да слетаат на Црвената планета, осум пати од 1976 година.

Повеќе од половина од леталата што требало да ја допрат земјата на Марс или експлодирале, или изгореле, или се скршиле на површината.

Во случај мисијата да успее, Кина ќе стане трета земја во светот која успешно ќе слета на површината на планетата или втора чиј ровер детално ја истражува оваа далечна планета.

притисни ентер