Ријана под удар на јавноста:Извини им се на сите муслимани - Канал 5

Шоу биз

Ријана под удар на јавноста:Извини им се на сите муслимани

Лутите корисници на социјалните мрежи бараат Ријана „да им се извини на сите муслимани“ откако песната што ја пеела во нејзиното шоу за долна облека содржела исламски текст хадис.

Ријана под удар на јавноста:Извини им се на сите муслимани

На Твитер се појави видео во кое моделите носат парчиња од нејзината колекција Savage x Fenty, додека во позадина се врти песната Doom на лондонскиот продуцент Куку Клои, која содржи свет хадис.

Тоа е текст кој, според муслиманското верување, го изговорил пророкот Мухамед за време на неговиот живот. Песната Doom, пак, зборува за Судниот ден и враќањето на Исус.

Иако песната во шоуто е забрзана, па затоа хадисот потешко се препознава, оние што ја знаат брзо сфатија за што станува збор.

"Зборовите не можат да опишат колку сум разочарана како муслиманка што Ријана им дозволи на манекенките да танцуваат на хадис. Ова се светите зборови на нашиот пророк, не можете да ги користите на ревија на долна облека. Одвратно и навистина без никакво почитување", е еден од многуте коментари.

"Бојкот за употребата на хадис од страна на Ријана. Тоа е непочитување на муслиманите ширум светот. Сакаме таа песна да биде отстранета. Сакаме извинување. Ова не треба да се сфаќа лесно", е друг коментар на оваа тема.

"Таа се забавуваше со муслиман со години, не можете да кажете дека не е свесна за тоа што го сторила.", додаде друг коментатор.

"Како муслиман, јас сум длабоко навреден од ова, ова е срамно и патетично. Сите оние кои не се муслимани и ја бранат Ријана треба да научат да ги почитуваат сите вери и да соберат храброст да зборуваат за лошото", рече тој.

Истата песна ја користеше Ријана и во 2017 година за време на шоуто Fenty x Puma.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Излезноста на локалните избори во Брвеница до 13 часот е 27.81 %.

Според пресекот направен во 13 часот, и податоците пристигнати до Државната изборна комисија, статистиката за излезност на гласачите на вториот круг од Предвремените избори за градоначалник на општина Брвеница е следната:

ДИК: Излезноста на локалните избори во Брвеница до 13 часот е 27.81 %.

Според пресекот направен во 13 часот, и податоците пристигнати до Државната изборна комисија, статистиката за излезност на гласачите на вториот круг од Предвремените избори за градоначалник на општина Брвеница е следната: Од пристигнати податоци од 24 избирачки места, вкупниот број на гласачи кои го оствариле правото на глас изнесува 4518 , или изразено во проценти 27.81 %.

Во споредба со првиот круг на изборите кој се одржа на 18 октомври 2026, излезноста е зголемена за 7.31 %.

Во однос на заштитата на личното избирачко право, до 13 часот е пристигнат 1 приговор кој е усвоен и на гласачот му е овозможено да гласа.

Следната информација за пресекот на излезноста на гласачите и текот на гласање следува на прес конференцијата во 15.30 ч, која ќе се одржи во седиштето на ДИК.

Тагови: ДИК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Неготино и СРЦ Младост беа во центарот на балканскиот професионален бокс

 Во спортската сала Младост во Неготино вчера се одржа елитниот боксерски настан BALKAN BOXING на кој настапија боксери од Македонија и странство.

Неготино и СРЦ Младост беа во центарот на балканскиот професионален бокс

Настанот се одржа во соработка со Про Бокс Македонија, а ваков боксерски спектакл за прв пат се одржува во Неготино и Република Македонија.

Целиот боксерски спектакл од Неготино директно се пренесуваше на специјализирани ТВ канал за бокс што овозможи истиот да го проследат гледачи од целиот Балкан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Скопје опожарен паркиран автомобил пежо

Во населбата Аеродорм во Скопје засега непознат сторител опожарил автомобил пежо. 

Во Скопје опожарен паркиран автомобил пежо

На 31.10.2026 во 21:24 часот во СВР Скопје било пријавено дека на бул. „12-та Македонска бригада“ во Скопје, едно лице со употреба на запалива течност опожарил паркирано патничко возило „пежо“ со скопски регистарски ознаки, во сопственост на 62-годишната И.С. од Скопје. Повредени лица нема. Пожарот бил изгаснат со ПП апарат од страна на нејзиниот сопруг. Се преземаат мерки за расчистување на случајот., соопштија од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер