Ријана и Диор ја претставија заедничката кампања, спотот е снимен во Версај (ВИДЕО) - Канал 5

Забава

Ријана и Диор ја претставија заедничката кампања, спотот е снимен во Версај (ВИДЕО)

По речиси десет години, Ријана и Диор повторно соработуваат, а музичарката и сопственичка на Fenty Beauty сега е заштитно лице на нивниот популарен парфем J'Adore, кој првпат беше лансиран во 1999 година.

Ријана и Диор ја претставија заедничката кампања, спотот е снимен во Версај (ВИДЕО)

Партнерството е објавено уште во јуни, а кампањата сега е официјално започната.

Промотивниот спот е снимен во Салата на огледалата во Версај, Франција. Ријана е целосно во златна боја, од нејзината облека и накит до бојата на косата, и одлично се вклопува не само во легендарната сала, туку и го отелотворува мирисот J'Adore. Видеото е придружено со нејзината песна Love On The Brain од албумот од 2016 година.

YouTube video

И додека некои се воодушевени од соработката, некои сметаат дека Ријана не е најдобриот избор за кампањата: „Таа е прекрасна, не можевте да изберете подобра личност“, „Кралица на Диор“, „Ријана го одзема здивот“, Не ми се допаѓа“, „Не ми се допаѓа нејзиниот глас“.

Самата Ријана е задоволна од соработката и изјави дека е голема чест да се биде новото заштитно лице на J'Adore: „Овој мирис, кој долго време го познавам и го сакам, им значи многу на жените. Се радувам кон оваа авантура и придонес низ мојот свет, мојата приказна, моите корени, но и преку нејзината креативност и женственост“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отстранета нелегалната конструкција на „Даме Груев“ , јавниот простор вратен на граѓаните

Општина Центар ја отстрани металната конструкција на улица „Даме Груев“, кај слаткарницата „Малага“. Со нејзиното демонтирање, пешачката патека повторно е слободна за движење.

Герасимовски: Отстранета нелегалната конструкција на „Даме Груев“ , јавниот простор вратен на граѓаните

„Го расчистивме просторот и го вративме на пешаците, на кои им припаѓа. Јавните површини мора да бидат слободни и достапни за сите“, рече градоначалникот на Општина Центар, Горан Герасимовски.

Конструкцијата, која претходно се користеше како тераса, ја зафаќаше пешачката зона и го попречуваше нормалното движење во строгиот центар на градот.

Општина Центар продолжува со инспекциски контроли и активности за отстранување на бесправно поставени конструкции и објекти, со цел заштита на јавниот простор и непречено движење на граѓаните.

Општина Центар - Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се повеќе лица во контрола на угостителски објекти во Скопје

Ноќеска акциска контрола во угостителски објекти во Скопје, лишени од слобода повеќе лица, меѓу нив и малолетници.

Уапсени се повеќе лица во контрола на угостителски објекти во Скопје

Секторот за внатрешни работи Скопје, во содејство со инспектори од Државен пазарен инспекторат, ноќеска изврши контрола во повеќе угостителски објекти во Скопје. За време на контролата легитимирани се 37 лица и лишени од слобода се осум лица, од кои три малолетници.

Притоа, во два угостителски објекти констатирано е пречекорување на работното време, а во еден од угостителските објекти констатирано е точење на алкохол на малолетни лица, како и лица кои поседуваат наркотични дроги, психотропни супстанции и прекурсори.

Акциските контроли продолжуваат и во наредниот период, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уредува нова парковска површина кај „Џевахир“ во општина Аеродром

Се уредува нова парковска површина од околу 3.000 м2 во непосредна близина на комплексот „Џевахир Скај Сити“ во Општина Аеродром.

Се уредува нова парковска површина кај „Џевахир“ во општина Аеродром

Градоначалникот на Општина Аеродром Дејан Митески денеска изврши увид во активностите за расчистување на просторот што ќе прерасне во нов парк со детско игралиште, пешачки патеки, урбана опрема и зеленило.

На целиот простот ќе биде поставен и систем за наводнување, како и комплетно нови линии за осветлување.

Благодарност до компанијата „Џевахир“ за поддршката и соработката во реализацијата на овој проект со кој аеродромци добиваат ново место за одмор, рекреација и дружење.

Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер