Здравје

Ревизорски извештај: Двојно повеќе апарати за магнента резонанца, а ист број на прегледи

За пет години двојно е зголемен бројот на апарати за магнетна резонанца, но истите не се доволно искористени, бројот на пацинети кој ги користат овие услуги е речиси ист. 

Најновиот ревизорски извештај на Државниот завод за ревизија покажува дека во земјава годишно во просек на еден апарат се прават 2 800 услуги, што е под просекот на еврпските држави кој се движи меѓу 4 до 9 илјади снимања годишно по апарат.

„Во периодот на вршење на ревизијата во јавното здравство има 14 функционални апарати во 10 ЈЗУ, како и 2 апарати за МР надвор од употреба. Најмногу апарати, односно 3 и 4, има во ГОБ 8ми Септември во Скопје и Универзитетскиот институт за радиологија, додека останатите здсравствени установи имаат само по 1 апарат. “- Ревизорски извештај.

Дополнителен проблем во јавните здравствени установи е и немањето на стручен кадар. Најмногу вработени радиолози има Институтот за радиологија во Скопје, од 20 вработени 19 знаат да читаат снимки. Најмалку вработени радиолози има во општата болница во Прилеп и Св.Еразмо во Охрид.

А како резултат на дефекти на апаратите, намален расположлив кадар, како и поради Ковид кризата, во извештајот се нотира дека во повеќе месечни периоди воопшто не биле објавувани или биле објавувани значајно помал број на термини. Според ревизорите воспоставена била пракса за неосновано и неоправдано упатување за снимање од страна на специјалистите, за што од Министерството за здравство, велат не биле преземени мерки за санкционирање.

За овој проблем свесен е и министерот Меџити, кој минатата недела најави дека решавањето на проблемот ќе се бара во контролираното закажување на термини за магнетна од страна на докторите, а до граѓаните упати апел да не бараат магнет за секоја главоболка.

За надминување на наведените состојби дадени се препораки со цел преземање на мерки и активности од надлежните институции, а во функција на обезбедување ефикасно користење, достапност и соодветен квалитет на здравствените услуги на граѓаните со магнетна резонанца.

Македонија

13- годишно момче од Битола починало на роденденска забава

Момче (13) од Битола починало во неделата на роденденска забава.

Трагедијата се случила во атарот на селото Крстоар, додека момчето славело со другарите.

На момчето околу 15 часот и 30 минути му се слошило додека си играло со момчињата, а присутните веднаш повикале брза помош, која го пренела во болницата во Битола.

По пристигнувањето во болница, момчето не давало знаци на живот, а лекарите по 40 минути реанимација можеле само да констатираат смрт.

Од полицијата изјавија дека не се познати причините за смртта и дека телото ќе биде испратено на обдукција. Исто така, како што наведоа, на телото не биле забележани траги на насилство.

Живот

Црната боја - признак за привлечност, интелигенција, самодоверба, црвената за ароганција

Моќта на бојата на облеката што се носи е потврдена со истражување коешто открива дека човек е вообичаено „најпривлечен“ за другите, но им изгледа и „најпаметно“ и „најсамоуверено“ во црна облека.

Обемното истражување на британската интернет-продавница „Бајшртсонлајн“ (Вuytshirtsonline) во коешто учествувале повеќе од 1.000 испитаници, во таа смисла, посочува оти црната боја е на место бр. 1... Поточно, луѓето кои носат црна облека - и жени и мажи, другите ги гледаат како најпривлечни, најинтелигентни и со најголема самоувереност.

Во категоријата за самодоверба, црвената боја е на второ место, а на прво место во разредот ароганција. Црвената е место бр. 2 и во категоријата за привлечност, па и тука е веднаш зад црното, а трета е сината боја. Само 12 отсто од испитаниците го поврзуваат црвената облека со интелектот.

Луѓето кои носат жолта, портокалова и розова облека, испитаниците ги сметаат за најмалку интелигентни. Луѓето кои носат кафена облека се сметаат за најмалку привлечни. /МИА

Свет

Столтенберг: Кина мора да престане да ја поддржува Русија, ако сака добри односи со Западот

„Кина мора да престане да ја поддржува Русија и нејзината војна во Украина ако сака да има добри односи со Западот“, предупреди Јенс Столтенберт, генерален секретар на НАТО.

Како што пренесува порталот „Укринформ“, Столтенберг тврди дека Кина на Русија ѝ дава електроника и технологија за производство на ракети, дронови и други видови оружје.

Генералниот секретар на НАТО зборуваше во Брисел по повод дискусијата за иднината на алијансата на Самитот на младите:

„Војната во Украина покажа дека безбедноста не е регионално, туку глобално прашање. Главната земја што ѝ помага на Русија да ја продолжи својата агресија и војна против Украина во Европа е Кина. Тие се убедливо најголемиот трговски партнер на Русија. Кина ѝ дава на Русија со клучни компоненти за нејзиното оружје, микроелектрониката и напредна технологија што ѝ овозможува на Русија да произведува ракети, беспилотни летала и разни други оружја, што е клучно во војната против Украина“, рече Столтенберг.

Тој истакна дека покрај Кина, клучни партнери на Русија кои ѝ овозможуваат војна се Северна Кореја, која обезбедува муниција и оружје, и Иран, кој ја снабдува Русија со беспилотни летала:

„Затоа идејата дека можеме да ја одвоиме Азија од Европа повеќе не функционира. Ова е меѓусебно поврзано, а ние, се разбира, треба да се справиме со безбедносните предизвици што Кина ги претставува за нашата безбедност“, додаде Столтенберг.

Според него, НАТО има околу 40 партнерски земји ширум светот, додека четири од нив - Јапонија, Јужна Кореја, Австралија и Нов Зеланд - се наоѓаат во индо-пацифичкиот регион. Според генералниот секретар, ова партнерство е од особено значење за НАТО.

Столтенберг нагласи дека Алијансата била и ќе остане регионален одбранбен сојуз на Северна Америка и Европа, а членот за колективна одбрана ќе се однесува на заштитата на сојузниците во Европа и Северна Америка. Во исто време, целата оваа северноатлантска област се соочува со глобални закани - во сајбер, вселенски и други домени.

„Не се работи за преместување на НАТО во Индо-Пацификот, туку за Кина и глобалните закани што ни се отвораат. Ја гледаме Кина во сајбер просторот, ги гледаме во Африка, ги гледаме на Арктикот, ги гледаме како се обидуваат да ја контролираат критичната инфраструктура во нашите земји. Значи, сето тоа е важно за нашата безбедност на многу начини“, заклучил Столтенберг.

притисни ентер