Рендевски: Непречениот пристап до лекови – фундаментално човеково право

Процентот за здравствено осигурување со години наназад е намален и споредено со соседните земји е многу помал, иако платите во овие држави се повисоки од оние кај нас.

Процентот за здравствено осигурување со години наназад е намален и споредено со соседните земји е многу поголем, иако платите во овие држави се повисоки од оние кај нас, со што во овој дел ние се наоѓаме на дното, истакна заменик министерот за здравство Владимир Рендевски на денешната конференција насловена „Подобрување на пристапот до лекови за сите”.

На конференцијата беше истакнато дека пристапот до лекови во земјава не е еднаков за сите пациенти, што особено дојде до израз по пандемијата со Ковид-19.

Заменик министерот за здравство Рендевски во своето обраќање пред присутните во однос на состојбата со здравствениот систем се осврна на два сегмента – можностите за подобрување на пристапот до лековите за сите пациенти и одржливото финансирање на здравствениот систем во државава.

– Едно со друго тие се тесно причинско-последично поврзани. Ако немаме економски одржлив здравствен систем не ќе можеме да имаме еднаков пристап до новите иновативни лекови, рече Рендевски.

Заменик министерот оцени дека се потребни строго одредено пропишани критериуми за давање на лекови, како и усогласеност на здравствената каса со современите европски лекови, со цел воспоставување одржлив здравствен систем.

На конференцијата присуствување и првата дама Елизабета Ѓоргиевска која порача дека фундаменталното човеково право на здравствена заштита подразбира непречен пристап кон неопходните лекови, меѓутоа во нашата држава лековите честопати се скапи споредено со животниот стандард.

– Многу лекови се честопати прескапи за животниот стандард, а токму Комората помага со пристапот со лекови. Неусогласеноста со европските директиви и нефункционалноста на системот за утврдување и донесување на позитивната листа на лекови се една од основните причини. Новиот Закон за лекови за жал се уште не е усвоен и оттука не треба да изненадува што во нашата држава имаме многу мала достапност до иновативни лекови за пациентите. Здравствената, економската и енергетската криза ги зголемија трошоците за производство, а со тоа и цените на производите, продлабочувајќи ја нееднаквоста во пристапот на лекови особено за најранливите категории, оцени Ѓоргиевска.

Таа порача дека здравјето на граѓаните никако не смее да биде шанса за профит заради системски слабости, а како што рече таа здравствениот сектор е последниот од кој треба да се штеди.

– Институциите не треба да дозволат граѓаните да бидат доведени во состојба да избираат меѓу живот и сиромаштија, меѓу здравје или задолженост. За жал многу често и тоа се случуваше. Дури 40 проценти од трошоците за здравствена заштита пациентите ги плаќаат од својот џеб, рече Ѓоргиевска.

Според неа, долгорочното решение на овој проблем подразбира воспоставување систем за редовно ажурирање на позитивната листа на лекови, нов Закон, нова уредба, па и овозможување на посебни договори за иновативни лекови.

Драган Давитков, директор на Американската стопанска комора во Македонија (АмЧам), која беше организатор на настанот на инцијатива на Комитетот за здравствена заштита при АмЧам, беше децидни дека здравствените политики мора да бидат приоритет на секоја Влада.

– Потребна е сеопфатна дискусија на сите засегнати страни, со цел да се идентификуваат најдобрите решенија и да се дадат препораки за креирање на јавни политики базирани на докази. Потребно е јасно и транспарентно идентификување на проблемите, како и воведување на анализи кои ќе овозможат разгледување на различни алтернативи при решавање на проблемите, изјави Давитков.

Крокодил изел едногодишно дете - го извлекол од чамецот, татко му се обидел да го спаси (ВИДЕО)

Крокодил грабнал и изел едногодишно момче и тешко го повредил татко му додека веслале по река во Малезија.

Вчераутро ѕверот го грабнал малото момче од кану додека со татко му ловел риба во Сабах. Неговиот вознемирен татко (40) се обидел да го одбрани, но крокодилот лесно го совладал. Тој истрчал на брегот со повеќекратни рани од каснување, вклучително и ужасен удар во главата.

Селаните го извлекле членот на племето Палаух од реката, но крокодилот веќе го одвлекол неговиот син во длабочините. Подоцна се појавил на површината со осакатено тело на малото дете во вилиците пред да потоне назад во водата.

Сумсо Рашид, водачот на спасувачката екипа вели дека потрагата по телото се уште е во тек.

- Таткото се здоби со сериозни повреди на главата и телото. Неговиот син се уште е исчезнат, а потрагата е во тек. Мажот е префрлен на лекување во болницата Лахад Дату - рекол Рашид.

Кралската малезиска полиција и поморската полиција ѝ се придружиле на локалната противпожарна служба во потрагата по телото на момчето. Официјалните лица, исто така, ги предупредиле селаните кои живеат покрај реката да се држат подалеку од водата поради ризикот од нов напад на крокодилот.

- Многу жители се потпираат на реката за храна и егзистенција, па мораат да влезат во водата. Ги предупредивме на дополнителна опасност во овој момент и да бидат дополнително внимателни бидејќи крокодилот најверојатно се уште ќе биде во областа – додаде Рашид.

Едвард Сноуден добил руски пасош, откако ѝ се заколнал на верност на Русија

„Свиркачот“ Едвард Сноуден доби руски пасош откако се заколна на верност на земјата која го штити од американските власти од 2013 година.

Веќе во септември оваа година, Сноуден доби руско државјанство со декрет потпишан од рускиот претседател Владимир Путин.

Информацијата дека 39-годишниот кодош го добил пасошот денеска ја потврди и неговиот адвокат Анатолиј Кучерена. „Тој положи заклетва“, изјави Кучерена и додаде дека Сноуден е среќен бидејќи неговото руско државјанство ја спречува неговата екстрадиција, пренесува Гардијан.

"Се разбира, тој е среќен и благодарен на Руската Федерација за неговото државјанство, тој сега е полноправен државјанин на Русија. И што е најважно, според рускиот устав, тој не може да биде предаден на странска земја", рече адвокатот на Сноуден. Не се објавени фотографии или видеа од церемонијата.

Поединците кои добиваат руско државјанство со закон се обврзуваат да „го почитуваат уставот и законодавството на Руската Федерација, правата и слободите на нејзините граѓани, да ги исполнуваат должностите на државјанин на Руската Федерација во корист на државата и општеството, да ја заштитат слободата и независноста на Руската Федерација,да бидат лојални на Русија и да ја почитуваат нејзината култура, историја и традиција“.

Одлуката за доделување државјанство дојде во крајно неповолен момент, по почетокот на руската инвазија на Украина и последователниот пад во меѓународна изолација. Очигледно и сопругата на Сноуден поднела барање за руско државјанство. Двајцата живеат на непозната локација со нивните два сина, кои се родени во Русија.

„После години разделба од нашите родители, јас и мојата сопруга немаме желба да се разделиме од нашите синови. По две години чекање и речиси 10 години егзил, малку стабилност значи многу за моето семејство. Барам приватност за нив и за сите нас“, напишал Сноуден во септември.

Левандовски е во одлична форма поради диетата од неговата сопруга

Роберт Левандовски во моментов е еден од најценетите напаѓачи во светот.

Откако го постигна својот прв гол на Светското првенство, многумина беа заинтригирани од неговата извонредна форма. А според Марка, тајната е во обратната диета дизајнирана од неговата сопруга.

Што е тоа? Овој режим има ригорозен избор на храна што може да се јаде, како и она што е целосно забрането.

Левандовски јаде просо, палачинки, брауни, висококвалитетна риба, сок од репка, салати, супи, урми, енергетски барови, свежи сокови и бадемово млеко. Покрај тоа, зеленчукот (брокула, тиквички, зелена салата, моркови и спанаќ) и авокадо се секојдневно на неговото мени без исклучок.

Јаглехидратите и протеините се јадат посебно. „Се консумира само добра храна, без лактоза“, вели Ана Левандовски.

Пржената храна не е во исхраната на Левандовски. Полјакот го ограничил и внесот на брза храна.

„Поентата е да се јаде најквалитетна храна од локално и органско производство, односно сезонско овошје и зеленчук. Избегнувам бел шеќер, сурово млеко и пченица“, открива сопругата на познатиот фудбалер, која учествуваше на Олимписките игри и е дипломиран студент на Академијата за физичка култура и нутриционистка.

притисни ентер